http://www.discuss.com.hk/viewth ... p;extra=&page=1
有啲回復都幾偏激！

[ 本帖最後由 戰斧 於 2009-7-29 09:46 PM 編輯 ]

到遲D佢阿媽覺得自己做錯左 買番晒D模型比個仔米仲自己裸黎衰

超小事~以前我呀媽掉都唔知幾多次大大小小玩具模型啦~  大個儲到錢自己租間屋日日買返打慢慢再砌囉

模型有咩爛左整唔返呀,開個模複一複,用膠板"答"一"答",ㄚ都返返黎啦
ps:首辦除外

好在我唔係病態...如果係屋企都無位擺

其中一個回復
61#
咁大個仲玩模型 唉
好低b呀你,小學生先玩模型姐
玩返大人應該玩的野,玩下車玩下錶玩下女人ma
...

[ 本帖最後由 戰斧 於 2009-7-29 10:22 PM 編輯 ]

我覆左佢:每個人都有自己的興趣。5好因為模型係你自己ga價值觀中係小朋友的玩意而套用去其他人身上呀!!

咁都話要死…請便

有睇師兄兩段回復 ...

又係一個永不完既罵戰...
其實事主同阿媽溝通不足jel
而自殺... 我諗只係佢心情好似想自殺咁絕望jel...
... 我諗唔少同好都會遇到依d事情...
過兩日下左啖氣咪算lor~

佢自己衰姐，佢有自制力既話應該冇事，我地好多都有座山啦，又唔見我地阿媽靜靜雞解決左佢，唔係話睇死佢，如果佢有盡好自己本份讀好D書，我相信佢用埋父母間房黎放模型都冇問題

我覺得係個 "阿媽" 唔o岩 lor~!  一句 "沉迷左" 就破壞哂個仔所有模型, 完全係一個錯誤教材...

咁做教唔到細路仲令個細路條氣唔順, 只會越黎越反叛... 正如上面某某話個仔冇自制力既人, 如果有日返屋企阿媽掃哂d 模型, 你又會唔會覺得阿媽係為你好~?

係我就搵到錢再買更多模型，搬出去自己住，自己有工作室、display櫃!唔洗比人"哦"。

呢個係每個模型友的終極夢想.
冇錢就只好卧薪嘗膽,忍辱負重

小朋友們, 你有無想過呢 d 問題 :

1) 一位阿媽會唔會一開始就揼晒d模型呢 ? 你又覺得阿媽好用開心嘅心情去揼你d模型 ? 又好天真咁阿媽會買番比你 ??? 唔好話 d 錢係唔係你出, 如果要計, 你媽媽養你20年又點計 ?

2) 咩叫冰封三尺, 非一日之寒, 係大家無好好溝通所致, 係唔係?

3) 而家 d 腦殘青年真係幾多, 郁 d 都話去死, 你又係唔係呢類? 係就可以比人話唔死都無用 . . 但係我想講比 e  d 後生仔聽, 你好快比人淘汰.

4)  反叛個個都試過, 係唔係咁就有個藉口去索 k ? 去放棄自己, 做 d 傷人不利己嘅野 ....?

5) 有好多青少年, 玩得, 讀得, 同家人關係好好, 有錢, 無錢我都見唔少, (因為我有做青年中心義工) 點解呢, 因為佢地識諗lor, 你識唔識諗呀, 淨係諗自己. 屋企你有無理過呢, 20 歲人, 唔好話父母唔教你, 藉口嚟ge, 你咁大個人..你嘅表現係點你心裡有數, 唔洗我講 . . ..好自為知.

我細個時候都比阿媽揼晒d模型, 果時好想打佢一身, 最後原來佢都係想我好, 到我有學業有 d 成績之後, 佢已經無出聲, 因為佢已經放心, 知道我可以自立,同控制自己, 我而家咪買到成屋都係, 重要租個倉擺, 老婆都笑我 . .你個電車男, 你地自己諗下啦, 阿媽係有唔啱, 唔通你無錯 ?

[ 本帖最後由 tailoxxx 於 2009-7-30 11:24 AM 編輯 ]

佢講o下姐，你估佢真係想死咩？死o左重邊有得砌模型呀佢？

"咁大個仲玩模型 唉，好低b呀你,小學生先玩模型姐
玩返大人應該玩的野,玩下車玩下錶玩下女人ma"　＜－－哩句o野好有問題！玩得精o既話，大人都未必玩得掂，玩下女人，到時可能俾女人玩返轉頭！

最近咁多年青人問題，我諗後生仔能夠有一種興趣投入點都好過無所是事。
唔玩模型唔通就會溫書咩，d家長做得咁激咁話，只會細路會更加反叛。

同意，我去留學帶左4成既模型(成品加未砌)，我阿媽都冇出過聲，因為佢知我會做好自己本份(未砌唔帶唔得，我阿哥侯住=.="，丫！我隻30周年同高達無雙RX-78-2比人抽左出黎><[行李超重><])我相信事主有D野係冇講出黎搏人同情

哥仔你都幾識諗, 祝你一帆風順, 學業猛進, 高達興隆 !

都唔係O架, 香港咁多腦殘青年好多以為地球係圍住自己O黎轉, 自以為自己一切都係正確的, 會為了小小事就叫生叫死, 仲記得早前有單新聞話有個青年人在網上遊戲中俾人偷O左D武器就走去自殺, 真係唔好睇少呢D腦殘青年, 真係乜都可以做得出. 而且仲有好多人在旁講O左好多支持的說話, 攪到佢自以為真係自己就係真理, 乜X都係對的.

[ 本帖最後由 fockelo 於 2009-7-30 11:30 AM 編輯 ]