我想簡單d問一樣野
如果我砌隻高達砌到ironman咁，咁marvel有無權告我呢？
如果會，咁對創作上係有好大影響

睇你點改
如果你係為戲仿、諷刺、營造滑稽和模仿目的 就有豁免

你認真做
1)如果你改得好肉酸,令到人厭惡高達/ironman,因而少人買左佢地既產品,有機會比人告
2)如果你改得好靚,取代左高達/ironman,取代原有作品的市場,版權人都可以投訴.叫政府告你

以上係刑事罪

因為個人用戶衍生內容冇豁免,以後正經翻唱首歌都係犯法
同埋條文好多灰色地帶
好難講,你唔可以假設政府同版權人好好心,唔告你
因為版權人以後只要投訴,政府會幫佢告你,律師費都唔駛俾,版權人好大誘因嚴格執行版權條例
(因為以前係民事,你冇錢賠告唻都晒氣)
就好似某份報紙好鍾意告人咁,你唔知以後D版權人會點做

當然對創作自由係有影響

你收埋自己睇，應該無事   

弱弱一問，如果有版友 POST果D祖國老翻高達，HKML會唔會被政府告？

我中文唔好啦.... 模仿 既意思 乜就唔係做到好似咩?

其實講講下我都有點混亂....即係我post高達作品就有機會犯法, 反而整一d好似國內果d"山寨版", 由於外表已經改到鬼五馬六, 變相"原創", 所以就會無事?

我理解係模仿係指動作/行為方面, 例如我模仿張學友, 指的係我外表, 衣著, 唱腔都同佢好相似等. 而唔會有人話我整個雕像/模型出來說是"模仿"張學友.

成個豁免係講 "戲仿、諷刺、營造滑稽和模仿目的"
英文parody,satire, caricature and pastiche

A pastiche is a work of visual art, literature, theatre, or music that imitates the style or character of the work of one or more other artists.[1] Unlike parody, pastiche celebrates, rather than mocks, the work it imitates.
即係模仿中致敬既意思
例子


至於你點理解呢個宇係冇關係
因為真係唔知佢件野改出唻係點
版權人如果覺係抄,投訴
你咪留返同個官解釋囉
冇話比人告親就一定入罪
不過攪到你上庭都夠晒煩
只係想你D人自我審查左先

你直砌係冇事,如果件高達有改做,你再share上網 ,從而損害版權人利益,係有機會比人告

即係如果KATOKI係香港改左RX-78做RX-78 ver.Ka,再發報
係香港新法例下係可以告(因為有取代原作品的市場)

唔會,因為我一定將你交比正苦

高登member話炸邊炸邊都唔係入高登數啦

https://www.youtube.com/watch?v=sSp_zLbHhks
絕對講出事實

[ 本帖最後由 maskshit 於 2015-12-7 05:32 PM 編輯 ]

即係，我用毒果一張相玩改圖，係 FB公開SHARE，之後毒果向正苦投訴，係新條例下，正苦可以進行拘捕，刑事檢控。

以上有無理解錯？  但正苦有人話唔會係咁喎   

魔鬼在細節，所謂豁免，實質是鳥籠
http://hk.apple.nextmedia.com/realtime/news/20151207/54502943[quote][/quote]

雖然政府話唔會主動告, 能夠保證那超然地位的一男子唔會落ORDER做嘢嗎?

當在街上講句粗口都話要重案組調查的年代, 信不信個正虎真係由你了

第時個個原創作品

老老實實，你貼個boxart又可能俾政府告，轉貼雜誌圖又可能俾政府告。

你貼隻模型出黎。

OK，模型個外型、刻線、關節位分分鐘都係版權物。

合成獸？合成獸，即係二次創作，一樣係侵權。

政府告你又得，版友篤你灰又得，互相篤對方灰又得。

得咗。

告唔告，主動權在政府，佢鐘意告又得，唔鐘意告又得，幾年後先告又得。

就算版權持有人覺得OK，但政府一樣可以告，仲要係刑事，死未。

你以為啦。

父母貼「長輩圖」，拉得。

你貼進擊的巨人圖片，拉得。

轉貼新聞，嚮街上唱今天我，拉得。

無錯，唱出黎都唔得！

白鴿黨模仿美漫logo，拉得。

保皇黨豬隊友唔小心用咗版權圖片做宣傳，拉得。

689唱歌，首歌唔係佢作嘅，理論上可以拉得。

但唔排除有人地位超然。

除了少數例外，藍絲，黃絲，五毛，普通網民，朋友真好share冠a哥圖片，記者用「網上圖片」都可能中招，隨時全世界踩晒蕉。

向好看，以後可以互相篤灰，唔理咩政治立場，全部攬炒，班律師可能會開心到不得了。


你有所不知，聽講仲可以追加條例，可以封網站。

貼《血染的風采》又係侵權。貼新聞又係侵權，當然AV都係侵權。

即係話，你share堆囡囡閃卡都可能唔得。

[ 本帖最後由 黃潤發 於 2015-12-7 11:38 PM 編輯 ]

目的打壓網上圖片言論自由

『更加大鑊嘅係，立法會文件已揚言，通過網絡23條後，就會推出「司法封鎖網站」，到時政府就可以向法庭申請禁制令，令特定網站，响香港網絡上消失，直情將大陸嘅防火牆伸延嚟香港。

『然後仲有「被遺忘權」、「電台規管」、「截取通訊及監察條例」、警方濫用「不誠實使用電腦罪」去拉人。我地現有嘅網絡自由，正逐步被收窄。』

香港西米電視 HK Smile TV
【3分鐘看懂 - 網絡廿三條•大陸防火牆殺到！】

可能係西米最後一條作品！Keyboard Frontline 鍵盤戰線 同 香港西米電視 HK Smile TV聯手製作

https://www.facebook.com/hksmiletv/videos/914147351984231/

一時又話尊重原創，一時又話要二次創作，話到底都係我想點講點做點醜化人都得，政府唔可以管，因為呢啲美其名係創作，創意，我哋細叫呢啲叫做滑頭，小聰明囉。
改隻高達靚過笨大原稿會俾笨大告？信嗰個都心智有問題，真係咁堅就俾人請咗去hobbyjapan 做模型師啦，點得閒拉你，版權法有咗咁多年，我從來冇聽過有人唱『你呀媽大減價益你阿爸』或者『燒雞翼我鍾意食』會俾版權持有人告囉，阿伯喺公園圍埋唱粤曲都冇俾人拉吖，就算拉都係噪音條例而唔係版權問題囉。
澳門個女人俾人告都係侮辱誹謗問題，都唔知關版權創作乜事，咁都放埋入嚟討論？
一句到尾，個個都只想喺網絡上不負責任咁9up,盡情踐踏，鍵盤就係佢哋嘅利器，而家要俾人監管 於是乎就做個好偉大嘅名叫做異廁創作，咁就成件事都理直氣壯咗嘞，咪一味淨係話正虎玩語言偽術，自己玩嗰陣就詐睇唔到先得㗎，自己都揸住雙重標準嘅秤話去求公義，話時話又真係幾好笑㗎

只有小偷才會怕警察!
只有罪犯才會討厭差人!