想請教下大家
下圖既Spray-Work Basic Air Compressor好唔好用
唔該大家,同埋幾錢到?

[ 本帖最後由 timtim123 於 2008-12-25 09:38 PM 編輯 ]

我用過
其實都OK
係枝槍單動同係膠槍難搞d
但入門來講夠用
有d高手一樣用呢set野噴車噴得好正

缺點：嘈！冇水隔，噴得耐會噴水。

[ 本帖最後由 simon2008 於 2008-12-25 09:34 PM 編輯 ]

問問各位大約幾多錢?

約＄6xx我自己見∼∼∼

睇你噴咩多
我只係玩車, 噴既面積比較大, 所以覺得幾好用. 如果你經常要噴陰影, 幼線等呢套槍就差少少喇

缺點上面兩位師兄已經講咗, 噴水黎講可能我屋企比較通風乾燥, 好少會出現
最大問題係枝膠槍好難洗得乾淨, 由其係個膠壺設計係極容易積油.

價錢方面大約600蚊左右, 可以去多幾間格下價.
另外除非你有遙控車用果7.2v電餅, 唔係就要預多一百蚊左右去買隻火牛.
千其唔好貪平買d平牛, 噴噴下隻牛燒咗盞激死自己

我用緊, 玩了兩年, 唔係好噴到陰影, 因為個噴咀唔夠幼細同玩耐左有要求, 所以想換枝Double Action槍先, 唔想投資咁大,  豆了利是, 再換埋個正d同有水隔既pump, 其實佢既主要缺點simon2008大大已講晒...
但如果大大係噴槍新手, 我覺得夠用, 慢慢呢...

呢支槍，嘈吵、噴唔到細節位、但又可能會噴水...... 而且唔多耐用，一來係支槍本身唔襟用，而你亦應該會好快發覺支槍唔夠用，達唔到你需要.....

總括黎講，呢 set 野無Ｑ用，勸你唔好浪費血汗錢買.......    要平平地學用噴槍，買支台灣 double-action 噴槍配台灣 compressor 好過，所費亦唔多得幾多。

買支台灣 double-action 噴槍配台灣 compressor同 Spray-Work Basic Air Compressor 都係差不多價錢....

x2


x2

[ 本帖最後由 胡狼 於 2008-12-26 09:43 AM 編輯 ]

六佰幾已經係一個台灣泵的價錢,其實比起買泵+筆,長遠計真係唔化算

油杯我見有散賣,洗唔淨不如買多個,反而我見枝槍係塑膠做,長期接觸溶劑,似乎唔會襟玩~~

其實都想問下...
呢set 野唔跟火牛...
可以用7.2V 遙控車用O既差電玩
但係如果要配番隻牛要幾錢同埋O係邊度會搵到

你預$100-150左右, 揀d可以選擇output 5v-9v的火牛,
用來調較唔同氣壓 (電壓愈低氣壓愈細, 反之亦然)

鴨寮街有大量款式, 最好揀d max loading較大的, 比較襟用

呢枝槍正確黎講應該係介乎單動同雙動之間.....
一般單動噴槍係按閥既同時塗料同氣會一同噴出, 噴出塗料量需要另外調校。
雙動噴槍就係按閥使空氣先行噴出, 再把按閥拉後使塗料跟隨空氣噴出,  噴出塗料量可以依靠按閥拉後多小黎控制。
呢枝槍設計就幾特別, 噴槍本身係無氣閥, 只要一開氣泵枝槍就會不停噴出空氣, 扣動扳機就類似雙動噴槍噴出塗料既原理黎控制出塗料量。

呢枝槍噴塗大面積, 噴光油, 噴底灰一流, 因為噴嘴比較大, 不過噴塗微細範圍或者陰影部位就未必符合需要。
如果預算有限, 台灣槍配台灣泵可能會更為合適。

我知支槍唔多ok= =
我想問下個pump既o唔ok呢?

[ 本帖最後由 timtim123 於 2008-12-28 07:41 PM 編輯 ]

問題唔系件商品O唔ok? 系你究竟要求乜野? 即你會用支噴筆黎做乜野工作?  作為一件商品, 賣得出黎, 當然系無問題, 有一定市場!  如果你系初入門, 又或者偶然做一兩件作品, 又唔想買舊大野放系度, 又要方便, 呢D用電池推動既算系一個可以既選擇, 當然你唔可以用其他高檔產品比較, 畢竟呢個始終系一個入門檔次產品!

問題係5百幾蚊已經有自動停又靜既台灣泵, 自己去yahoo拍賣搵下, 大把人賣, 大把唔同的泵有得選

我想首先要搞清楚自已既要求先至可以去作一個合理既選擇, Tamiya 呢個product sell 既系簡單,方便同埋 流動性, 即系幾時,系邊度噴油都得! 並唔系sell 價錢平, 正如上面有會員提過, 台灣, 甚至大陸都有相約價錢, 而比呢個高檔既出品, 但根本就唔可以咁比較!  搞清楚自已既需要, 我想唔會有人買加跑車黎運貨罷

我係想囉泥噴gundam,唔噴陰影既話,呢set野做唔做到?

如果你唔需要噴得太細致, 呢套野當然做到! 我覺得你要考慮反而系自已既環境,預算,同埋你對呢個興趣喜愛既情度!  如果環境,預算許可而你又興趣大既話 (即系唔系一年先砌一二盒模型果隻), 我會以為一支雙動筆加個泵會系個唔錯既選擇, 如果環境唔許可 (我有朋友要走去後樓梯噴油), 咁買呢套簡單既噴筆組合比用噴罐化算同埋於選擇顏色上更有彈性