上網有人話MG既質素高左，但係咪都要做夾口處理?
（小弟唔係想偷懶，只係想問清）
我新手想用噴罐上色，技巧注意等事已爬文，有無話邊隻牌子好？
同埋洗唔洗上底色？
用噴罐既成本爬文話都高（？），有心玩係咪可以考慮噴筆？
而上網見到素組滲線加消光劑有D咩野不足之處？
係相中見到同普通上色好似...(請見諒）
如果上色後又洗唔洗後加消光？
小弟長氣，請大家見諒

Btw 高達眼等貼紙可以點用手上色代替？
而將軍澳附近有無可靠既模型鋪？
Thank you so much

[ 本帖最後由 tobytrue 於 2015-3-4 09:19 PM 編輯 ]

1. MG夾口唔算多, 但唔一定冇, 可以上1999睇組裝圖
就算冇夾口/唔理夾口, 水口都要搞, 要靚冇得懶
2. 噴罐最簡單買市面最易搵嘅牌子, Mr Color或者孖星, 最緊要唔會噴到一半用晒配唔返.
3. 會長玩嘅買筆啦, 起碼可以容易造出唔同效果, $都會平過用罐
4. 素組滲線加消光如果補埋色都可以好高完成度, 詳情可以睇輕鬆當高手系列. 缺點係要視乎件模本身分色掂唔掂
5. 消唔消光睇你想要咩效果, 上金屬色好少話要消光吧 (雖然都有)
6. 高達眼 --> 用面相筆+油性油上眼/監視器嘅顏色 -->眼眶上琺瑯油黑色 -->棉花棒+白電油抹乾淨眼/監視器上嘅琺瑯油 -->完成

多多謝ching，不過仍然有少少問題
1. 如果我要上色，係咪要噴底油? 係既話又要咩色?
2. 補色係指水口? 用大號沙紙磨完補色?
3. 點樣睇佢本身既顏色係好定壞?
4. 有無一有無一一D噴筆同泵介紹? 唔洗好好，不過唔想好貴
5. 邊到可以搵到個系列?
6. 上左色之後係光面定啞色面?
Thx ching

[ 本帖最後由 tobytrue 於 2015-3-5 05:14 PM 編輯 ]

1. 又唔係一定, 有時懶起上嚟會晌膠件上直接上色, 例如白色件上黑色/深色油
底色都係視乎你上咩色同要咩效果, 最穩陣係金屬色E.G.金銀打黑底, 其他色大部份白底, 亦有師兄玩唔同效果會上白色會打黑底, 玩軍事打啡底等等... 驚出事嘅最好用D框架或廢件試下先
2. 可以係水口位, 或者一D本來係唔同色但係冇分色嘅地方, 例如本身要貼貼紙嘅地方
3. 可以上大龍睇下素組或者GOOGLE下開盒報告, 呢度都有個素組區可以睇睇 (雖然有D師兄素組仲靚過成品  )
4. 早一排先有師兄開過POST講噴筆同泵, 可以爬下文

唔該曬啦師兄，我開始著手

有幾點要注意:

- 買MG時最好睇睇隻野邊年出, 因結構都幾大分別當然越新結構越好
- MG重有個問題就係, 有D主要關節位置太緊, 尤其系腳位, 所以要試裝
- 關於上吾上底灰, 其實好睇你噴D油遮蓋力好吾好, 同系吾系同膠件接近 (如果顏色接近, 吾噴底灰都可以)
- 另外如果用噴罐要注意有D可能會吾出,如雙星AS系列, 聽說已停產

Ok ching，多謝你既提醒，其實我打算以hi-nu ver. Ka 做開始，又新我又鍾意。有無咩鋪頭買模型係抵或咩鋪買泵係信得過？
雖然我想係hi-nu 紫藍色部分用噴罐，白色消光處理。唔咁快買筆

紫藍色噴罐吾敢亂比見議, 因為各人對紫藍色要求差別好大, 不過白色的話可以考慮噴雙星幼白灰 (fine), 因為系大支裝, 好白, 本身系啞面, 可以吾噴消光, 我噴D高達白色位通常都係噴E隻白灰, 不過E個吾係正統做法, 有事吾好插我 , 另外提多兩點噴罐用到尾會吾夠氣, 吾好夾硬用, 會噴到一點點, 第二點如果你用滲線油(雙星)要注意會溶油,你最好先睇睇高手做法先好用

點解ching 話做法唔正統，咁通常其他人又會點做白色？
其實果隻紫藍我都係想跟說明書買，因為我幾鍾意本身顏色
同埋滲線唔驚（應該），因為噴罐唔係用琺瑯

直接上啞色油可能會令你滲綫時抺不乾淨。上水貼也較難貼服

原來會咁，睇黎穩當D好

同埋點樣睇說明書去簡番果隻顏色？ 我見有D% 咁好似要溝...

無錯說明書寫D%, 都係要溝,即如果要跟足, 噴罐就免問, 只有用噴槍, 當然如果你技藝超凡可以手油

唔好意思各位ching 又有問題
如果遇到一D鍍金鍍銀既配件，可以點樣處理水口？
另外，我見到師兄們上金屬紅都用Gaia 星光銀同透明紅
好似下面咁（借用thanks)
http://www.hkml.net/Discuz/viewt ... =%AA%F7%C4%DD%AC%F5
但如果我想用噴罐又可以點？我見有ching話用金底透明紅，薄噴多層
又洗唔洗拋光？

如果我想入手噴筆，有無邊間既老闆好人可信可以問？
Thanks 又煩大家一次

鍍金? 你想整百式?
百式MG 就快出 2.0 wor
通常鍍金件都是用隱藏式水口的, 小心D剪就ok

你條link隻金屬紅,我明明見到佢反曬金光 ga wor。真係銀底 ??
點噴其實無標準, 你想要點嘅效果咪點噴lor
銀底就沉D; 金底就鮮豔D; 拋左光就好似跑車gum令立立, 無拋光就raw D, 個金屬感重D

想入手噴筆, 聯盟入面又間專賣噴筆/氣泵的, T 字頭,不過他們現在不定時開店, 要whatsapp佢約時間
另外有間 Y 字頭都有幫人訂噴筆
聯盟以外, 旺角有間叫 RX-7* 的,有抽油箱和一款超入門級的龜泵+噴筆賣
IWATA 就去太子搵佢個總代理

如果你純粹想問下意見, 你應該用下個壇嘅 Search 功能, 大把講噴筆嘅 Topic

[ 本帖最後由 Razia 於 2015-3-7 01:46 AM 編輯 ]

唔該曬師兄，好詳盡，我自己去問下果D鋪
上1999都見到有新百式MG，以前都有素組一隻MG百式
不不過等我今次係想用戰國迷惘同或Hi-nu 做起手，所以想問清
戰國把刀係鍍銀，所以擔心處理不佳

唔好意思大家，小弟又要麻煩大家.....
我知道上金屬色要上光黑油
而有d而有d ching 又會上一隻灰先，想問有咩好處?
以gaia講係邊隻深淺既灰?
上白色做底油之前又洗唔洗好似上面既先上灰?
咁上白油係白色部件又洗唔洗上灰?

麻煩各位