我覺得 "原件" 又如何.
原件 一向唔等於有 "質素"保証.
年年 c3/wf 會場原件. 只要係細廠 都係要執餐死!!! 佢地賣得平咩? 唔覺.
當然, 亦可以講價錢中包括左版權費.
好似我自己或者大陸出既果d 自家開發件自然係冇交版費. 但當中始終會有開發成本.
唔同我做翻件時就咁買左人地隻件, 執返靚就開得模.
除非件原件出到屎咁(手上都賣左唔少), 唔係開發一件原件一定會比執件要更多時間同心機.
咁照計既, 果d 出到屎咁既日本原件又點計好呢? 鬧爆佢地?!
玩左咁耐手辦, 到依家自己做埋呢行生意. 結論係 "廠" 先係件既質素保證.
我依家會有俾兩間香港廠幫我生產我d 件. 唔好計生產既價錢, d件出到來, 心知邊間出得好少少.
呢樣係 倒模, 排模, 湯模師傅既功力.
生產resin / cast件既方法. 呢廿幾三十年都冇改過.
依舊係 矽膠模 (麵包模 / ab模) 用真空機/離心機 倒resin. 香港出既件廿年前用hei-cast倒, 廿年後既今日依然係用返hei-cast倒.
冇野改變過.
排模排得太密矽膠太薄會隨時歪模變形, 紮模太緊件會出得太薄, 湯模決定分模線位置. 呢d 都係師傅既經驗/功力.
但做法沒有改變過. 全部人手作業.
完全唔同鋼模工模, 有電腦化, 數碼化.
但呢廿幾年, 手辨件既質素的確係比廿年前好.
好左既, 唔係湯模湯得靚左. 而係原件本身精細左.
呢廿幾年, 手辦原形師既手功一個比一個好, 雕刻得精細左. 呢樣先係新既手辦比舊既手辦好既原因.
至於係呢條thread 到睇到大家對"手辨商"都好有要求下.
某方面就似劉華過廣告---- "今時今日咁既服務態度係唔得架"
雖然, 呢次事件既既件唔係出自我家公司而只係同行既事.
以手辦商經常同行如敵國既情況, 我應該隱口笑.
但亦有曰: 他朝君體也相同.... 點都要有感而發.
"去食大排檔係永遠唔會有5星級酒店既服務"
作為消費者/顧客, 當然會有對服務/品質既要求.
可惜係. 呢個要求唔等同可以供應. 原因無需詳列啦.
消費者覺得服務唔滿意, 自己可以唔再幫親, 可以去找第二家公司.
不過唔等於會找到.
當整個行業都只得"大排檔"沒有"5星級酒店"的話. 就麻煩貴客自己調整一下自己要求/心態了.
再唔係, 自己開間5星級酒店吧.
[ 本帖最後由 VampireA 於 2015-3-4 10:48 PM 編輯 ]
|
分享
