我見係得吹水區先有投票功能

可唔可以成品區都比人投票
投下件作品好唔好?
不記名形式
好過個個人唻都係有讚冇彈....

覺得冇咁既須要lor... 唔係要比賽, 只係交流, 想彈既自然可以彈, 敢講唔敢認亦唔係什麼君子之道.

如果係覺得邊件成品有不足之處, 可以講出來, 就咁投票好與錯亦唔係咩野交流.

得唔得一睇就知，有咩好投？有幾多人回就己經係答案(變成吹水post 另計)，何必多此一舉。

[ 本帖最後由 Amazingman 於 2008-7-31 04:47 PM 編輯 ]

先唔好講技術上可唔可行, 一般情況下, 版友向成品區出得 post, 都預左或期望有人對自己既作品有意見既.
所以, 如果真係對某 d 成品有意見,  只要直說便是, 比用投票方法來得直接及互動. 當然, 語氣態度要注意一下,
以免引起不必要既誤會.

我都係提下意見0者
個投票又唔係一定全部post都要跟唻做
比多個選擇人
我冇諗過要人比賽~不過就算比賽又有何不可?
我覺得可以試下,又唔會世界未日,試都唔試下...會唔會比個機會好d
投票可以比D懶得打字既人一個方便,我諗投票既人一定比回文既人多D
制作人如果有心胸,整投票出唻,例如:

1)制作上要改善
2)上色上要改善
3)創意上要改善

咁自己睇到個結果都有數據參考下
下次先可以改善

好似我自己有時睇到作品有改善空間,我都懶得打出唻
如果有個投票,我CLICK一CLICK就比到意見,方便D囉
咁樣可以提升一下FORUM既水準,只係放寬一個功能,何樂而不為?

點解要咁在意"大圍"人既睇法..

再講.. 純指出 有"制作,上色, 創意" 呢d咁廣闊定義既野, 而唔係實際講個問題, 如.. 油左出界, 點去改善的話, 根本就唔係交流.

亞sir 改exam 都要講返錯係邊喇. 就咁mark 你"文法有錯, 要改進" 你都唔會知點去改.

而且, 有心交流既自然會交流, 懶唔係借口.

想比賽, 想威, 想同人講我件野有幾多人欣賞可以參加出面d公開比賽.

我完全唔覺得會提升水準, 無論係個人技術層面, 到forum本身, 都唔會有提升.  
咁投票法同其他forum 要人回post 先睇到內容真係好似. 流於表面, 冇深入既質素.

因為自己懶,而要求加過個多余o既功能.
完全係屈機.

算把~拗唻都冇用 (請版主唔駛再回覆,唔好加個功能,唔好意思,麻煩了版主 ^_^)
提個no harm既意見好似特登攪事咁..

而家forum 入面好多所謂既交流夠唔夠深入有眼睇
你先入為主覺得比人投票就係想威, 想同人講我件野有幾多人欣賞,冇得講
你自己睇到負面既一面,唔好似為其他人都係咁諗
如果個投票功能係多餘就唔會有呢個功能出現,
即係youtube D片可以比rateing,可以比comment,可以睇有幾多人睇過
唔通又係多餘咩? hah

任何投票都係唔可以太仔細,因為一定多選擇到爆你都可以唔滿意,咁你可以回POST
投票同比COMMENT係兩件事,可以互補不足,先會有呢兩樣野出現

唔在意大圍意見直情可以唔POST作品上唻,POST得上唻都係想聽意見
可惜好多模型人都以為自己係最好,有人一POST唔同意見好易罵戰,呢度都見過唔少
正所謂千穿萬穿,xx不穿,好多人係想聽好說話呢個正常

投票不記名應該比回POST既評語來得老實一點吧
君唔君子就...而家上網瀏覽唔駛下下講孔日成仁,孟日取義咁誇張既

再者我唔係因為自己懶先要求加功能,唔好誤會,
我只係想試下新野,不過未成事就比人BAN左個IDEA就算把啦