thank you 呢 ！不過生鉄感哩樣o野，你做得比我好好多呢！

膝蓋,心口,腳版都可以做生鐵效果.
加油

因為膝蓋得左腳係傳統形，所以都費事做生鐵效果囉，心口想保留返原本效果，因為第一次製作渣古嘛！

腋窩對下加塊膠板，搞o下野咁！其實係有o的抄HJ友仔改o既0080MG 老虎啫！

胸口刻o下線+膠條仔扮倉門．

裙甲位鑽o下，加o下補品咁，用加熱螺絲批壓o下凹位．

何B仔o個位挖空，加o的散熱片補品，壓o下凹位，加o下膠片．

肶那位想搞又唔想搞之間，爭扎o左一陣，都係用最平o既方法搞o下佢，事關佢一蹲下做狙擊姿勢o個陣實o向o個個位走光！

[ 本帖最後由 alex_d_liu 於 2007-11-14 04:35 PM 編輯 ]

左邊護膝用加熱螺絲批壓下壓o下凹位，刻o下線咁啦．

俾哩度另一網友啟發，左邊大同小腿之間關節o既假油壓管上半部用鍚貼紙包著銅枝，o岩o岩好插入下半o既銅管，再修飾o下週邊o既關節，又搞掂，重算滿意！

背面裙甲鑽三個窿，o個窿好似大o左o咁，你地話好唔好加o的膠條或者銅管入去好呀啦？

大同小腿之間關節背面鑽o下窿，加o的補品，咁就可以借o的意解決補夾口o既困難呢，一石二鳥！

好功夫!!加油!!

小改造變成大改造了

期待成品，進度非常之得

釘橋！


通常改改o下就會唔覺唔覺玩大o左，不過細微地方都唔係好得咁！

樓主, 可唔可以教一教小弟, 你整膊頭既技巧!??!
我自己整完, 極唔明顯.....好似冇整過咁....

其實我第一次，都唔算太好！我唔用枝裝筆地加溶劑開稀o既，而係直接用Mr Color樽裝水筆地Surfacer #500，唔洗開稀，直接用筆油o向表面，等佢有少少乾o個陣，用牙刷拍打表面，形成粗糙感就得，如果你見層筆地杰過頭令拍打有困難，可以用粗頭筆沾極量Mr Color油性溶劑o黎拍打，拍打o個陣要同表面成太約直角，good luck!

OH....ICIC~~~
原來係咁, 明晒, 唔該晒!!!!

小腿頂部刻o下線鑽o下窿，等第二時噴o左機械色，就可以扮內部機械外露．

小腿背面原本留底o既夾口專登用筆刀背斜斜地刮出一條窄平面，再刻出兩個類似扣位o既線，扮外甲夾口拼合．

大腿同小腿o既兩邊側面刻線都係抄o下MG渣古2.0．

腳板用加熱螺絲批壓出一字坑同埋"粒"正方形位，用筆刀背o向個粒位內邊位斜刮加強機械感，再o向腳板內外側刻線扮可屈曲腳板．

又係抄MG渣古2.0隻上臂o既刻線 ，下臂對著拳頭o個面先沿邊刻線，再沿著刻線用筆刀背斜斜地刮出一條窄平面，再o向四角鑽窿，又係扮內部機械外露．

咩都係扮，你話哩隻渣古份人幾假呢？

以為隻眼轉倒，原來唔得，所以將眼對後附近o既部份削少少，轉係轉倒，不過唔可以轉倒極左或極右．

原本條天線略嫌粗，所以將原來上端天線切一節出o黎當做下端，再o向上面鑽窿，插枝銅線，順眼好多！

機關炮口鑽窿；後尾枕塊刀形片都係太厚，剪o左去，換上膠板．

[ 本帖最後由 alex_d_liu 於 2007-12-10 12:50 PM 編輯 ]

膞頭右下角刻線鑽窿，另外三個角加上釘釘，不過o的釘釘好似大o左少少咁．

右腳膝蓋關節底下露出o既空位加o的補品扮內部機械．

狙擊槍用膠條加一細節！

裙甲內面本來諗著學HJ咁用膠條做出甲板感，但係原來幾惡搞 ，放棄o左，改以刻線加鑽窿代替．

原本何B仔對上個位加埋o的裙甲好似著o左條橡筋褲咁，唔多好睇，所以將個位用雙星混合筆地撘高再整形，再o向何B仔位左右兩側挖個正方形，再?入螺絲補品(抄KA版高達)．

左右裙甲供插斧頭個窿位加入螺絲補品．(本來想問o下有冇版友有冇機關槍彈匣同斧頭出讓，將佢痴o向裙甲度，都係算吧啦)

本來背包已經幾靚，不過都加o的鑽窿、螺絲、掛扣等補品啦．

o向腳板底原有噴射器裡再加一細圓圜，望落去精密好多！

執o左好多細微地方，不過o向o的唔多起眼o既地方，所以望落去好似有咩改o野咁，好平凡咁呢！ 再執靚o的刻線就差唔多可以噴灰啦！

忍唔著又要post o的進度，重掙背包上色未搞掂，以為終於有o的o野睇，點知前日朝換右拳頭(反B-Club件)o個陣，連接手臂枝軸斷o左(可能因為之前漬洗緣故)，正面裙甲何B仔個PART屎又因為之前局部加大而緊貼唔到裡面關節而甩反出o黎，冇陰公呀！ ..................　

嘩 好掂