小弟只油過幾個兵仔本來已經技術麻麻，今次學玩胸像感覺難度完全升級，塊面油左成6,7次油都未攪掂，身邊又冇朋友玩開油兵變左乜都係估估下真係冇晒信心再油各位油兵前輩麻煩你地可比d意見幫下小弟嗎？ 下面d相係其中兩次失敗時影

小弟遇到的難題

第一關 (用双星油性油)
對眼好難畫得圓，今日又一次衰係對眼度

第二關 (用winsor & newton學生油彩油)
膚色一係過红，一係過橙(影相唔多覺眼)，可能用色有問題

第三關
雙眼附近唔識處理，係唔係要畫上下眼線？眼同個鼻之間個陰影位係唔要油黑色

第四關
鬚根唔係好識油，油得唔多自然

第五關
眼眉完全唔知點畫

如果第一次油bust,其實已經算唔錯,看來版主有些畫畫底呢
我試下答下先,望滿意
第一關:練多些就okay ga la (or 慢慢畫)
第二關:用土黄,紅啡,深啡和白色,不同比例調出來的! (調出自已喜歡的膚色才油上去)
第三關:男人公仔通常是上眼線油黑加啡(不用全黑),下眼線油肉色加小小紅!基本上面上膚色一定不會加黑色(因會看上去有灰色的感覺),臉上最深色陰影是膚色加深啡(如眼同個鼻之間 )
第四關:在需油鬚根的地方用綠色加膚色油上,最輕輕掃開去(現看來還okay ar)
第五關:參考bust盒面照片!(通常大比例公仔才需要畫眼眉,細比例的只要加強油好眼附近的高光位和陰影位就okay了)
答完......

嘩...好有神釆

加油呀

比起我,已經好N倍的手藝~~~

第一次已經油得咁好

小小意見

面相基本立體感已經做到, 可以再加多d色彩變化

1/10胸像都幾大隻, 所以眼睛要再畫細緻少少

鬚根同眼眉基本上同一油法, 重點是要營造虛實之間

另外鬚根可以試用冷暖對比色調處理

加油呀   其實油兵仔同繪畫一樣, 步驟是先處理立體感, 然後色調變化同埋肌理表達, 睇多d畫繪畫既書一定有幫助 不過繪畫仲要兼顧埋構圖, 空間透視, 畫面氣氛........等等, 難度高好多

多謝wingsiu兄解答


thank you


松兄太過獎，其實只係胸像本身出得好


個教學好正，多謝gogok兄


先多謝Joe_Lo兄意見 鬚根同眼眉虛實、冷暖對比色調處理小弟都係唔多明，可以再講得簡單少少嗎 另外小弟好少買繪畫書，Joe_Lo兄你可以介紹一d繪畫書比小弟嗎？thank you

PS: Joe_Lo兄我之前在你個blog留左言 ，請問你有開班教人油兵嗎？如果有我真係好想加入

[ 本帖最後由 gorem 於 2009-4-15 06:20 PM 編輯 ]

在下略有少少心得,樓主莫見怪....首先應將眼部完成,才作面部上色.
用andrea水油dark flesh 全面油一次，再用水油白色加肉色約（６：４）油上眼白，之後先用水油啡加黑來油上眼線，下眼線可直接用reddish brown啡紅輕輕畫上，最後眼珠可用黑色畫此符號（　）
中間用啡色填上，瞳孔都是用水油黑色點上，要小心保留中間的啡色．眼珠的反光位是在瞳孔邊點一少少點白色．全程重點在於控筆輕重．
你現在的眼睛畫得太大了，過了３份１，這樣感覺看上去始終怪怪的

市井兄的意見實在另小弟得益不少 請問市井兄如小弟有意用andrea的水油應該買那一個品牌和號數的筆比較好呢？

[ 本帖最後由 gorem 於 2009-4-21 11:54 PM 編輯 ]

用兩個零的筆比較易掌握,再細一號會好難用,Andrea水油方面如果是初學的話,面相套裝油會比較好用一些,掌握好了才再買其他的試試
油面的筆用一號筆已可以,細筆只用作畫精細的部份!

嘩 ! 而家先睇到呢個帖 , 正呀 ! 努力呀 ! 我坐定定學野 !

thank you Kwai兄