其實而家祗係買模型去吸納玩家已經過時,
1) 現在玩模型既玩家大都希望砌出成品有店內成品精美
2) 大都在工作或學業上忙碌未有時間制作
以上兩點原因所以應該好似好景前面鋪某一間 教人砌模型或有租借場地比客人砌模型地方, 主要係比一班上班族或在學中既人在工餘後有地方砌自己模型, 呢點好緊要, 因通常返到屋企就已經乜都唔想做, 呢個可能會係模型店加入新血唯一途徑

唔淨止你, 呢個想法好多人都有, 我十幾年前已經覺得最好有人搞 workshop, 有地方比人砌模型, 有駐場高手指導, 玩完放低有人同你執好, 存放好下次繼續, 成品有地方展示, 重可以開埋 cafe, 定期開班教授不同技術, 有討論班比模友交流....重可以 link up with 模型生產商, 推廣新產品, 特價發售....

唯一問題, 租貴

有得砌嘢又有CAFE o既場，早兩年响葵涌區開過，不過捱唔夠一年就.....

香港做生意難在租貴, 做呢種場地方細唔得, 又要就腳, 地方大, 地點好租唔會平, 重要附合好多條例, 消防, 保險....你要收人幾錢個鐘先掂?? 想你幾十蚊買盒模型, 好多人重要跑幾間鋪格價, 重要佢比租?  睇怕都好難

我曾經都有全盤計劃, 開間 modeler's workshop, 不過計唔掂數, 終於決定等我發左達先開一間, 目的唔系賺錢, 詣在造福廣大模型愛好者

唔系啊嘛。。。我一年前就萌生想系我住城市度或回大陸開模型鋪，就系你地講呢D有場地，有CAFE同埋小食，仲有座位啊呢D整成個駕駛倉甘樣，還有定期推出特價商品啊，果時捻頭都幾大下，但聽C HING你甘講，連系HK開都唔得，我住呢度或大陸就唔使捻啦，哎

恩恩，睇來我的想法都要跟C HING你一樣先得啦

各人有各人想法, 無話邊樣得邊樣唔得, 你有辦法, 計得掂既就可以! 如果成功只得一個方式, 就無人生意失敗啦!  國內你有人脈, 有地方, 乜都可以搞, 比如有 disco 做左幾年都系無牌既, 換來香港就系天方夜談啦

其實我都有師兄呢個理想，不過，可能到我地賺夠時，D細路已經唔再砌模型，時代進步，細路太多嘢玩啦，砌模型出黎的效果太慢了。

其實呢個現象已經係外國發生，去過一些外國的模型展，都係30-40嵗以上人玩的（包括我自己），外國的模型鋪内吹水的都是60嵗的阿伯！

compare the result of "Gathering" at Tsuen Wan and 精藝 at Tai Koo,

not promising:

1. High rental cost vs location/size of shop
2. Low profit from box-selling
3. Low traffic or small customer base in Hong Kong

香港租金貴真係好難做,
以商論商,有咁大舊$都搞第2樣野喇!
不過小弟亦有諗過現時d細舖可以有以下付加服務:
1)交換(寄買有地方上問題)
2)代砌(聯絡上)
3)尋找
4)bid
5)Q&A

睇起上o黎網上都大把喇!
不過如果在鋪頭做o既話,
佢地通常會係該鋪買埋盒模型/parts/油等等,
無形中買多左野,
多左熟客,
人流多左(問野唔買野,波波仲有人行/買野都係比人開盒姐),
好過好多守株待兔o既鋪頭,
當然會多左好多"蘇州"野發生.

[ 本帖最後由 savepilot 於 2010-3-30 11:40 AM 編輯 ]

Ｃhing講起呢樣，我至岩岩醒起，公司有個新同事入職，佢見我果位放左Ｄ模型係樹，同我傾開，話佢以前鍾意砌但只限素組，而家Ｄ MG越出越多零件，佢話見到就想打爛佢，我比盒獨角獸加雀籠佢睇，佢已經話太複雜，５會掂呢種模型，只會玩成品，模型業能夠去到今時今日，都米駛預佢地會支持！

連玩都懶，真係冇話可說

呢個題目其實幾有意思去討論,  我想有一定砌模型年資既唔多唔少都會察覺到模型制作 (不論在生產技術以至整個嗜好,環境既變化)  同以前唔同, 依家物質豐富, 資訊發達, 太多嘢玩啦, 要D細路坐系度幾個鐘真系幾難

我覺得反而要思考既就系你將砌模型呢樣野點包裝, 如樓主話要吸收新血, 引起佢地既興趣, 其實唔系淨系話砌到一件有水準作品就可以, 我自已睇砌模型可以涉及好多方面, 工藝, 創作, 實物結構, 歷史背景都可以從中學到, 當然, 你亦可以好 causal 咁砌完就算, bottomline 就系, 砌模型唔系單單系玩耍野

唔系偏見 (或者你可以當我系偏見), 文化唔同, 你講細鋪果 D value-added services, 系大部份外國人黎講, 客人同間鋪頭混熟系為左個方便, 同 first handed information, 系大部份中國人黎講, 就只系為左個 discount 到頭來可能生意做到, 但賺得個少少, 不如平多幾蚊重好過搞D乜鬼付加服務!

香港地方細, D人會週圍走格價, 因唔需要花太多時間, 所以聽過有一說法, 腦場咁多鋪頭, 其實得一、二個老細, 你即管去格價

[ 本帖最後由 vr2xtd 於 2010-3-30 12:21 PM 編輯 ]

今晚中左6合彩頭獎咪開返間WORKSHOP比大家上黎砌模型...

係香港好難成事了...

租平既地方,遠唔就腳冇人去...
就腳既地點,d業主又唔會咁好死...
自由市場,沒有租務管制...就係咁....始終係有錢人最得益!
除非好似李澤階呢d有錢人愛砌模型又肯為同好付出...

唔通砌模型(尤其 AFV )已經成為成人玩意?
不過講真,有時行模型鋪嘅時侯,我都留意到同我一齊望住啲 AFV 模型嘅同好,都係一啲' 70 後',甚至' 60 後'嘅模型大叔啦.
以前嘅年代,都好多＋零歲嘅年青人鍾意軍事模型,我諗而家少之又少了.

小弟就係60後嘅"大叔"喇, 話唔定喺模型店見過師兄呀!
唉! 喺"即食文化"裹面, 點會仲有人幾個月攪一件嘢, 之後仲俾人話"錯,錯,錯"呢???
攪AFV要"社會氣氛"配合嘅.  仲有冇模型書呢?  仲有冇大大個戰地放喺環球呢??   仲有冇前輩高人show 料呢???

一部機千零蚊, 行又打, 企又打, 抵玩.    facebook 大把game喇.....  
模型呢??? 2-3百大元一盒, 仲未計油, 補品..... 參考書...., 一般後生仔冇乜閒錢攪嘅,  所以後繼乏人囉....
玩科幻喇, 唔洗傷太多腦筋....

攪間大叔模型舖啦~~~~~ ！！

所以想下如何推廣,
'分享'是令新人參與的方法.