見近排 d 兵仔佬兄弟 post 左咁多好野, 小弟又湊湊熱鬧 post 翻呢副劣作出黎, 一於延續兵仔既熱潮. 不過好多網友都應該見過佢, 是關唔記得真人 show 定版聚已經帶過佢出黎見 d 細叔伯.
個人認為雙星 1/16 人像系列中, 以呢款出得最好 (其實另外果 d 都唔錯架). 人物動作自然流暢, 雕刻細緻, 製作簡易, 好適合初學玩兵仔既人嘗試.
最大既難度係面相要油到好似隆美爾, 我就揾左唔少佢既相黎參考, 不過油出黎自己都覺得唔係十分之似, 下次都係揾隻 1/35 再試下, 難度可能無咁大

[ 本帖最後由 Joe_Lo 於 2007-1-5 06:52 PM 編輯 ]

呢個 Rommel 真係唔錯架! 你可以試下. 不過我無影到製作過程既相

如果你油佢時候, 記住要揾多 d Rommel 既相參考. 因為如果有少少唔似佢都會有大影響, 好似我呢個咁

原來係真人 show, 不過我就記得好似無乜人睇我 d 兵仔

全隻都係用水膠彩油, 除左 d 金屬部份.

版聚或者真人 show 先至會帶作品出街, 因為 taxi 來回
上次帶隻兵仔出街比 d friend 睇時, 行行下街比 d 路人撞爛左, 嬲到我...
所以可以既話都唔會帶佢地周圍去, 有陰影

"中國風"既鉛兵其實真係唔係咁多, 好似有廠出過, 不過質素都係麻麻地. 反為日本武士就有好多選擇. 其實铅仔我都唔係咁熟, 好少玩, 多數都係玩膠兵同 resin , 因為铅仔真係好貴, 莫財

咦! 你個頭像.............開波嗱! 比 d 心機油, 你實 [電] 架!

如果係 1/35 或者 54mm 既話, 陰影同高光都要稍為誇張; 如果係 1/16 或者 90mm 以上既話, 色彩變化既處理比強調立體感更為重要.

過奬! 過奬! 粗嘢! 粗嘢! 你果 d 先至係上品!

雙星既 1/16 系列真係唔錯架! 價錢又經濟, 最適合我呢 d 莫財人士玩. 龍記都 ok, 不過 d 雕刻就無雙星咁好, 同埋個樣既表情生硬左 d.

快 D 砌 快 D 砌 快 D 砌 快 D 砌 快 D 砌 快 D 砌 快 D 砌 快 D 砌 快 D 砌 快 D 砌 快 D 砌 :em95: 快 D 砌 :em95: 快 D 砌 :em95: 快 D 砌 :em95: 快 D 砌 :em95: 快 D 砌 :em95:

其實砌兵仔加個小型地台已經係個好好既擺設. 地台製作可以好簡單, 如果細既可以用紙黏土做出基本地型, 乾左就舖 d 石膏粒同埋加少少用麻繩做既草, 簡單快捷.

油真人真係超難, 因為如果少少唔似, 其他地方油得好都無用. 好彩呢副野都出得 ok, 本身原件都有 Rommel 既感覺.

斯巴達人兄, 咁你有無買到帝國驕雄果個羅馬將軍呀? 果隻真係超正, 連我咁少買铅兵都忍唔到手呀

果隻我好似喺呢度 post 過, 等我摷下先

咁你果隻油左未? 油左要 post 出黎比大家開下眼界喎

揾到! 原來呢隻野無自己開過 post, 剩係響 d 舊 post show 過下.
呢隻真係超正, 聽聞話賣得好勁! 佢個樣雕得真係好係羅素高爾, 就算技巧差少少都可以油到個感覺出黎.

[ Last edited by Joe_Lo on 2006-10-6 at 11:59 PM ]

一句說話 ....................  唔好嘥時間喺佢身上.

呢隻又例外喎! 因為佢雕得實在太似, 加上只係 54mm, 唔似 90mm 咁要顧及咁到細節, 只要做出基本立體感, 成個羅素高爾就出左黎. 另外佢件衫 d 雕刻靚到無野好好講, d 衣服紋理真係好正, 件胸甲上既花紋極度細緻, 真係一件不可多得既佳作. 二佰零蚊真係好抵買, 不過唔知出面仲有無貨呢

唔好講話指敎, 大家交流下啦! 我遲 d 會 [用狗砌情景], 有好多問題問你地班師兄, 希望到時多多題點一下

我都有揾呢幅相照住黎油. 其實雙星既件出得都幾似 Rommel, 所以唔需要有好高既技巧都可以油到有七八分似.

你 post 呢個係乜水? 嘩! d 雕刻同造型真係靚絶. 同埋隻馬真係有中國馬既特色, 正 !

鬼佬剩係識得 "成吉思汗", 都唔見佢出其他中國歷史人物, 唔通響外國既知名度真係咁低 ? 其實關二哥都有好多鬼佬識, 可覺得可以諗諗.

依家成個铅兵市場 Pegaso 真係做左龍頭大佬, 不過佢 d 產品既質素又真係勝人一籌.