唔好意思，咁多位C兄。想請教下AIRBRUSH問題
我老婆依家用緊化裝果D AIRBRUSH，但近日只係得空氣出，我分解過黎睇，個結構同模型一樣。
但我又搵唔出個問題係邊。。。。。

我試試形容下個問題，希望大家幫幫手。
1 開左魔打後，唔洗拉制，前面係有空氣出既
2 如果拉左制，之前一樣有空氣出，但無水出 （我放左水試）
3 如果用手指頂住前面出氣位，會出現氣泡 （呢個正常）
4 但有時用手指頂住前面幾下， 佢又出到水， 但係出得好散 （我唔係好識形容，似係你開水喉但搵手指頂住半個出水位）

希望大家明我講咩啦， 可以比D意見小弟嗎。THANKS

冇圖...
你試下洗乾淨支針
確定支針係頂實個咀

大洗一下枝筆. 好有可能係塞鎗. 尤其係平時用綿花棒/紙巾抹杯, 就好大可能係噴咀同杯之間果段已經俾d 紙碎塞晒.

咁就要拆噴咀洗. 但拆同裝噴咀都要好小心的.

[ 本帖最後由 VampireA 於 2016-8-20 03:45 PM 編輯 ]

又或者針鎖實左未>>??

多謝咁多位回覆。
我做左個大清洗＋ULTRA SONIC CLEANER。但好可惜無用。
未洗前都會有空氣出，洗左後依家連空氣都無左

都CHECK過支針係頂住個咀（如果我拉個制，係見到支針向後，放手時針會回到原位頂住個咀）
我影左我張分解左既相。

麻煩咁多位C師睇睇會唔係邊度有問題？
如果我想買返D新配件試試（例如支針），我又可以去邊度買？
[attach]465110[/attach]

洗完唔出氣? 你成枝筆放晒落去浸天拿水? 成枝浸係會出事架喎.
用超音波機洗, 只可以垂直咁架起枝筆, 浸過杯就算.
air valve 有橡膠 o-ring 浸天拿水係會整溶架喎.

anyway.. 唔知係牌子/model 根本就冇得配. 就算要配都係得某幾隻牌子先有 (ie. gsi, iwata)

air valve 係可以拆出來既.
拆左出來, make sure 中間果枝野係凸出來既, 之後試下按下佢, 有彈性就應該係少事. 之後駁落氣泵. 又按中間枝野睇下有冇氣出. 冇就壞左了.



如果 air valve 冇問題的話, 應該唔會冇氣的. 冇氣就即係air valve 到噴咀果段塞左. 但好少會有咁情況的. 通常都係air valve 中間枝野唔識彈返出來.

當整返到有氣出事. 再試下張枝噴針拉後去到差唔多到噴杯尾. 試下噴唔噴到水. 噴到既就插返晒成枝針入去正常既位. 再試下平時咁用噴唔噴到. 噴唔到就即係杯到噴咀果後仲係窒既.

超音波機洗只洗到唔係積到實既油, 紙碎既就更加清唔到的. 積到實左既, 係要拆噴咀係噴咀位搵d 好似牙縫擦既野推返佢入杯到先清到的.

[ 本帖最後由 VampireA 於 2016-8-24 12:36 AM 編輯 ]

感謝VAMPIRE兄既長細解說。

洗既方法我係跟你令外一個POST咁搵個杯裝住黎洗，無成支咁方入去。
今日我跟返你個方法CHECK多次，AIR VALVE 果度係無問題

當我張支針拉到去杯尾果陣係終於出到水，但係花曬式咁出（意思係好散，唔係習中咁出）
當我放返支針去原位，拉制，又無返應。

按你既講法 “噴唔到就即係杯到噴咀果後仲係窒既.”
我搵個好多野試過係噴咀推返轉頭，但又感覺唔到有野塞住或有野比我推到出黎。
如果係咁既情況，重有D咩方法可以攪到？

例如方天拿水係個杯度，搵手指頂住個噴咀，用氣泡黎洗？

冇針噴得出, 有針就唔出, 得兩個可能. 一係果段塞左. 一係就噴咀塞左.  

拆左nozzle 之後. 用燈係杯上面照, 再係nozzle 果邊望, 就睇到清乾淨晒入面未架啦.

唔會有感覺的... 所以清時要用3054/tool clean 叫類強d 既溶劑濕住咁用牙縫擦洗. 牙縫擦要用最細果隻, 始終有鐵線.

噴咀塞就浸 3054 / tool clean. 浸到入面d 野軟晒溶晒就用噴針小心係"後面"咁"了" , 但唔好推. 浸既時間可能好耐. 有超音波機就最好用埋啦