我覺得用動物毛的筆比較耐用，人造纖維（例如尼龍）的筆係便宜，用在水性的油可以，但用在油性油，要用天拿水清洗時，就好快起鈎（=報廢），所以我都續步改用比較好的筆，唔係我有錢，而係長用更慳錢，當你見到支尼龍毛筆用無耐就玩完，你會明白我講乜。
其實動物毛（例如狼毛，紅貂毛）唔一定貴，你要買孖星當然食硬你啦，100銀以上，但去美術用品店買的日本Skyists 紅貂毛筆，都係20銀一支，好用耐用，比較尼龍毛10蚊支，係貴D，但你用過就知。
如果要更便宜的，我試過在大陸的模型鋪有狼毛筆，用金屬頭套住D毛果種（用竹筆管痴住筆毛的，比天拿水哪兩下筆頭D膠水溶左就甩毛了），都係幾銀野人仔一支，非常耐用，10幾年都仲健在，不過我而加都唔知遍度有得賣，話唔到你知。
另外，你可以去深圳東門地鐵出口附近有檔好大賣油指甲用品鋪，有D貂毛筆，以前賣幾銀人仔，而加起价到十幾銀，順路去還可以，否則來回火車唔知買幾多支至抵番。
其實，你既問題唔係咩新野，如果搜尋下根本有嗮答案，好多新黎的師兄懶得搵一問就要有人答，答得唔夠客客氣氣恭恭敬敬，又唔滿意仲發火閙人。我都做過新人，問問題始終係有求於人，唔係應該客氣D咩？有時言語上唔完全令自己滿意，咪算咯，誤會黎姐，包容下，提高下自己的EQ啦！
其實，我答你呢個問題都戰戰兢兢架，唔知幾時得罪你又比你剷！
分享
