先不說某些原因被迫割愛

人總避不開生老病死
如果自己老了要住老人院或醫院，甚至不幸要離開
那多年來的作品要如何處理?
留給家人，他們也未必喜歡，送給同好也不一定送得出，畢竟我也不是大師，沒人要啦
丟掉又好像很捨不得，難道要燒給自己? 可是燒膠會有毒吧，害到人又好像不太好

有沒有師兄有想過這個問題?

斷 捨 離.

我希望最重要的不是自己的作品,而是身邊的人.

砌�髐G十幾年模型, 近年也好少砌了, 係時侯放番 d 時間出�蟆筐銗L��.

人都唔喺世上，何必仲要留戀呢啲身外物，善哉

搵個time capsule裝住, 埋起佢當傳家之寶
再叫d子孫過多幾十年去起返出嚟


不過土地問題, 唔知有冇地方比你埋

喱個問題我都曾經諗過, 但未諗到答案

可能好多人會覺得我既comment 係呢個時刻唔係咁"體貼", 但現實d 講. 好太機會到你去到"退休"既時候, 已經對砌模型冇興趣....  
成品? 係土地有限之下, 仲點同老婆大人+太子公主爭土地...
除非你間屋好大, 有多間房係自已一個唔洗同人分, 唔係細路一出世... 乜野都要讓開.
結果一係你同人share workshop, 一係就入迷你倉, 再慘d 既, 一早去左堆填區啦.

好合理... 好現實...因為這是香港吧! 土地問題最嚴重...

砌完一盒就出售，再買另一盒砌，再出售，不停重複
除非個件模型有記念價值先會留

高手先行得通…

素組還可以在論壇放，已上色成品就唔得

而且功夫未到家，插眼上色成品一大堆，唔知點搞好，唯有變永遠墳場長擺

如果死先、作品留下給家人紀念,
未砌留下家人變賣,或分享!
如無人處理自然毀滅........
帶入棺材都無用......

如果家人根本唔識欣賞. 又點識去變賣. 唔係價錢問題, 而係係邊度出手, 點形容件物品都唔識...

我算係半過過來人, 早幾年呢度有位同好去世, 留底左d 模型, 係遺書上講想我幫佢處理.
去到佢家時, 發現佢家人已張所有野, 不分狀況, 放晒入兩個紙皮箱內, 勞到亂晒. 仲同我講, 已經掉左一d..

入面有d 半完成品, 有d 完成品, 但就總係唔齊件. 有好多都唔係"完整"一套. 好彩仲有幾套都仲係齊. 可以睇下有冇同佢相識既人會留為紀念.  不過我依家都未搞得齊晒.   

所以, 如果家人係唔喜好呢樣野既, 交給佢地處理其實同掉左佢係差不多的.

呢度都有兩三個相同post....模型佬可能人老左 , 開始有種悲觀想法 ...

或者樓主睇得砌模型呢個興趣大 , 又可能模型佬都係咁...
但呢d都只係個人感情 , 現實係無價無市....

就好似你話你d所謂珍貴手稿係迷你倉俾人一把火燒晒感到心痛 .  
別人都真係得啖笑 : 你自覺咁珍貴咁值租唔放銀行保險箱 ? 你知點解嘅 !
呢d野保險都唔知點賠俾你好..

人死百事了 , 可能養緊隻貓無人收養要俾人殺 ! 其次無生命社會上又唔值錢嘅野又何必諗得咁多 ?

[ 本帖最後由 oj 於 2016-7-14 09:07 PM 編輯 ]

開始冇乜所謂...
以前既野砌得唔夠依家既好
當日當寶話唔定今日送左比人賣左都唔出奇

再唔係一個防火夾萬都幾千蚊.. 我就幫老闆買過一個連我都唔洗碎開就成個人收到去既, 果時都5k, 6k 野一個. 咁有價值既, 呢d 錢就唔省得....


放保險箱都可以好似 dbs 當年咁, 當垃圾掉架咋..

其實每個人人生去到某個時間就會有唔同喜歡的東西, 好似10幾年前我最喜歡砌模型, 但開始出來工作之後就玩少好多, 依家見到平都唔會入. 有d舊作已經掉了. (始終空間有限)

之後開始喜歡hottoys, 以前覺得好靚不過依家一年可能只入一隻 (因為ironman對我來說已經出到爛)

再之後玩6,7吋 superhero figure, 依家都過200隻. 不過自從上年小孩出世了, 基本我就放大部份心機在個仔上. 日日同佢玩已經好忙了, figure玩唔玩已經唔重要.

點都好, 我只想帶出一個point, 就係"喜好"係好個人的, 喜歡的時候可以好沉迷, 但唔喜歡的時候又可以掉晒都唔可惜. 人生流流長, 又唔需要咁"擔心", 否則如你所說, 人總避不開生老病死, 做什麼最終都是場空, 咁唔通就咩都唔做一出世就等死? 總之活得開心, 過得自在就可以.

的確，人大了，興趣多了，也不一定只砌模型
花過了心機時間砌的，每一隻都是一個回憶一個經歷
因此才會不捨
或者眼不見為淨，真的走了，這些只有自己的回憶也一起歸塵土也不為過
有時在想，如果我死的時候能有其中一隻陪我入土也於願足矣

幾十年興趣都係砌模型，後生時老婆話覺得坐定定唔周圍去，算係幾好的興趣，仲話有時間陪下我砌添（有鬼呀!)
而加仲砌模型？得閑同細路溫書啦，帶去學乜練乜.......   而加好似做賊咁架乍！

有朝一日自己有乜三長兩短，屋企人唔會有心機搵人收留D模型，更加唔會擺拍賣網站，應該都係去堆填區

所以有時間都盡量及時行樂，砌得就砌，D寶貝無左主人就好淒涼架啦！

我非砌模型高手, 好多不過素組, 更多未砌.
廿多歲時諗住將來自己搬出去, 有自己小天地可以日夜狂砌狂改狂噴好開心.
現在接近四十, 買樓遙遙無期, 但砌模型的興趣(與時間)已大減, 亦開始諗生死遺物的問題.
所以, 我將以前買下的, 都有以下處理方法:
全新有價有市: YAHOO拍賣!
全新賣唔出: 給朋友的兒子, 免費, 讓薪火相傳!
已砌(有無上色也好): 送給高手作改件.
全部日本模型雜誌: 免費來我家附近車站取走.

剩下的, 都是有某些記念性或較新較喜歡的模型, 及機械設定集.  

從來沒有甚麼可留戀, 放手吧.

[ 本帖最後由 winglass 於 2016-8-3 02:55 PM 編輯 ]

模型成品放几十年都不坏， 比其他合金， PVC 易保存， 不变形，不出油， 不掉漆。
每次看作品便回忆起当年的自己动手状态，心情。
每个年代，都有他的设计特色， 随时代推移，可用的工具，方法，配搭旧模出来的成品，更加平衡。
主要选择性买，每月一台， 下班看看，那是最实际， 平时收起来，等快死才急急处理， 那就没意思了。

我地咁多模型老鬼儲埋咁多模型存貨，多多少少都有D剩餘
其實，係咪可以係某個聚會時捐出黎，益下D後輩呢？好過去堆填區丫！？