今期玩金屬油, 完全唔理實物係乜野銀, 一於趁機試當實驗. 主要係各 Alclad II , 它全部都是 Lacquer 硝基油質和已經稀釋至適合噴塗用, 優點是方便, 尤其是中途換油, 但亦因此發覺它其實很貴! 它的官方網站好詳盡介紹埋點用, 包括建議氣壓15至20磅 ( 1.0 至 1.4 bar) 其中它的 High Shine (105 Polished Aluminium, 107 Chrome, 115 Stainless Steel )系列最值得試, 請留意 107 Chrome 本身不例外是硝基油 lacquer, 但就必須, 亦是唯一要用琺瑯質 enamel 的光黑色作底油  冇錯, 即是張硝基油噴在琺瑯油上面!!! 違反我們已知的常識, 所以亦因此容易令人誤解它是琺瑯油! 也所以我專登在相同的零件上 ( 一次過砌兩盒的好處 ) 分別以郡仕 GX-2 Lacquer 光黑色和雙星 X-1 enamel 光黑色做底色實驗. 果然沒有老點, 107 在琺瑯黑上的仿電鍍表現一流, 誇張D講簡直是神奇! 而在硝基黑上的效果其實已頗佳, 但相比之下便顯得偏暗, 閃度差少少. 107 在琺瑯黑上的名副其實是電鍍銀, 相比雙星原裝真正的電鍍輪圈有得揮!! 唔想咁誇張或不要電鍍般效果, 105 便是閃銀的好選擇, 而 115 則比 105 一樣閃, 只是偏黑 ( 不是暗, 暗就唔係閃啦!) 其實我一向都好滿意上述三隻油的表現, 今次再加埋 108 Pale Gold 的金色好襯輪圈的色水, 質感也掂 非常合我心水
講完好處, 輪到彈 : Alclad II 其他我用過的 103 Dark Aluminium, 112 Steel, 113 Jet Exhaust 我會用失望來形容 三種油都出奇地好啞, 似灰多過銀, 微粒唔見得特別幼細, 兼...好貴架!!!
我用了 103 Dark Aluminium 來噴了92年花的車內隴和車底, 跟住噴了 Metal Primer 來當作 sealer 以便後續的郡仕 101 smoke 唔會張 103 的金屬粒子起底, 這招無記錯應是 DM 兄教的 (有錯請指正 ) 原來 metal primer 是有光澤效果的, 所以照片見到的 103 是已噴了 metal primer 有光澤, 原本的103 唔記得影 點解要再噴 smoke 呢? 一來想試 103, 但太淺色, 用來加深. 順便更正富士美說明書指92年花內隴是黑色是錯的! 真車是深炭灰色!
今次"玩野" 又學到教訓 : 噴透明色系要小心, 不可厚塗 wet coat! 否則那些染料 (不是漆粒子, 野本憲一的模型書講的) 會四處流竄形成不勻循色澤, 我那車底便是最佳失敗例子 ( 好彩是車底 )

......................

.......................

.......................

辛苦晒 ..........................我指你隻手

try to use gaia clear black or ...mix it yourselve.
how? mix gunze clear red, clear blue and clear yellow together ~~~

certainly, mist coat .......


駛唔駛幫你 zip 埋佢先

[ 本帖最後由 cko 於 2008-4-14 12:24 AM 編輯 ]

C-hing, it's a very good painting demonstration

謝謝。有你係度、我地可以節約好多＄＄造実験

C師~
你又來為架48熱身？
(剛見到你個頭像~)

獅象兄， 我噴107都有試過用enamel black 做底, 可能係我噴功差0既關係, 好難噴到完全平滑0既面, 再上 107都只係出到115/105 0既效果...想想問0下你噴enamel black之前有冇噴lacquar black再polish?

獅象兄有無做過脫色程度o既測試呢？

黑色底並不在乎珐瑯漆底或郡士漆底, 關鍵係表面光滑程度, 獅象大師所試#107的兩件parts, 細心睇明顯左邊比較粗, 簡單D可以用D噴罐蓋試吓噴#107, 噴罐蓋啤得好滑好令, 效果非常好!

我認為無論你發展了一套已經習慣了/適合自己的噴法/設定, 都建議依從 Alclad II 的官方網站指引來噴它最了解其本身特性的產品!!! 就是 : 氣壓 15-20 psi ( = 1.0 - 1.4 bar ) , 切記要薄噴, 重複兩三次來回薄噴避免厚塗. 我尊登在 enamel X-1 上不作任何處理, 才能真正表現其正常效果讓大家參考. 還有一點要注意, 就是它超快乾, 官方網站聲稱十幾分鐘已乾涸!!! 又係冇點人的 !! 因此在薄噴時有頗多金屬漆粒子在到達模型表面前已乾燥但仍附在表面, 如果再繼續稍大油量噴上去便會形成沙沙的減低其閃度 所以最好兩至三次薄噴便要停手, 乾後用紙巾抹一抹模型表面, 你便發現紙巾上沾了些銀粉, 而模型表面變得更閃亮!!! 這便能達到電鍍效果  你提到在 enamel X-1 之前用 lacquer 光黑打底 ( 底下底 ) 是非常好的做法  其實我正有此意  因為無論甚麼超掂的金屬銀油產品, 如果沒有平滑的漆面基礎, 話知你點堅都死! 但琺瑯油又唔"come" 捽 compound 或各種研磨, 咁點呢? 便退一步海闊天空  先以 lacquer 光黑厚塗打底, 研磨捽 compound 等佢呤立立滑一滑, 然後噴一層 enamel 琺瑯光黑上去, 才噴107 chrome 便 very good 嘞
個人猜測 Alclad II 的秘密在於其 thinner溶劑, 所以便以  pre-thinned 生產, 而 107 的溶劑需要與 enamel 質才產生所要的化學作用...... 我的強項 : 一味靠估


我相信上面已解答了你的疑問  脫是脫 ---- 面果些少銀粉嘛  其下的冇問題, 如果唔係, 用紙巾抹時一齊甩晒喇 頭先專登再捽佢幾野測試, 冇問題的, 大力挖另當別論!! 順帶一提, 105 和 115 都一樣, 乾後抹一抹好D

有道理 大家可以再研究吓.

直接噴enamel X-1有咁0既效果已經好利害~
呀, 仲有一個問題, 噴完enamel X-1之後相隔幾耐先噴107?

獅兄總係可以將d好細微既細節好具體咁描述~
正~~!

呢樣有D興趣試下, 事關見獅象大師你測試#107的兩粒Parts, enamel底嘅效果明顯冇咁黑。仲有之前試過用唔同色底試#107, 仲試過噴落透明膠片, 發現佢都幾透底及偏黃, 可惜當年沒有記錄下來, 而且當年訂一枝Alclad#107連郵費要過百元, 唔係太捨得(我太孤寒), 如果大師有時間都試吓仲有咩可塑空間! THX!

enamel 油超慢乾是個問題, 但由於我估計 Alclad II 107 要用佢的目的是取其化學作用多於作為真正的 "底漆" , 所以我不在意 X-1 乾透與否, 但當然又唔好快到幾十分鐘啦 始終係 enamel 嘛! 我擺了約5,6 個鐘頭.
我刻意選擇細小有弧度的零件做實驗就係貪佢容易噴得呤 噴略厚些等佢容易流平咪得囉,
( 琺瑯油慢乾的好處!!) 淨係你知好喇, 千奇唔好話比人知我這秘技 做實驗要盡量剔除人為出錯因素, 例如改為選擇大面積平面的零件來噴, 因此變得難噴得勻循而導致 X-1 已經唔夠好, 錦就下結論話 107 唔得係咪誤中副車呢?


上次同某模友 "背後講你是非" 其實好欣賞你砌模型和態度 肯嘗試, 肯發表, 肯相討, 這正正就是論壇的最終目的!!  小小個人看法 : 你好多時衰大意, 兜了訐多寃枉路! 另外, 我覺得你砌 afv 超掂 !


叫番我做獅只笨象啦 我最鐘意和鼓勵試野, 唔試過又點知呢? 就算試過, 只得一次又有沒有機會出左錯呢?....我以前就正正是紙上談兵一派 原來真係有別的!
我這 7 支都係貴價時入貨的, 比你好些, 約$70, 而家因為在香港普及左小小而降至五十幾, 都已經平左兩成, 係好事, 雖則話有"射"自然香, 但冇人講吓又點有咁快引入本地市場接受呢? 提都唔提只會大家唔知有好野, 就算知道的小數都要捱貴野, 另一例子便是 Finisher"s 油, 最初賣五十蚊支架!
我的猜測只是基於它的官方網站資料, 既然全線產品都用 lacquer 黑底, 點解唯獨是強調 107 chrome 要 enamel, 豈不是多此一舉呢?! 咁 "橋" 郡仕最閃的 SM07 Plate Silver是孖住溶劑一起賣, 郡仕本身都有溶劑賣緊啦, 即肯定連同07的溶劑是不同的吧! ( 我似金田一定 L 多D呢? ) 再看看我有的 Alclad II 7 支油, 金屬粒子較重關係好快沉澱, 其中 107 沈澱後明顯最少金屬粒子, 9 成的成份是溶劑 !!! 迷底經已.......

Paul san, 借個位  .....

YES ~~
暫時三條友共九架(如無甩底),
你......想玩 ~~~~