這兩天貼91年花銀底的雙星原廠水貼, 之前都已經搵些不要的來測試紙質和對軟化劑的反應. 但我的求其...太疏忽嘞, 小面積和大面積完全是兩回事, 都係比咳吐graf縱壞了, 左邊C柱的一塊落了太多 Mark Softer, 令水貼一時間擴張太多形成皺紋摺疊了
不過咪又當上一課囉
因禍得福架, 如果唔係錦點會再翻閱書本查找原因呢? 綜合幾本日本模型書都承認日製的水貼紙質較弱, 絕不適宜過量的軟化劑. 否則....好似我錦囉
其實郡仕 mark softer 已不算強力了, 所以索性完全不用, 全程用只有輕微軟化能力的 mark setter, 其實我素來都喜歡用它多過 mark softer, 亦慣了怎樣落水貼要盡量位置準, 因為 setter 的黏力會縮短可調整位置的時間. Setter 的缺點是會留下白色的水痕, 最好即時用清水抹淨, 但稍耐一些才抹是抹不乾淨的, 唔駛驚, 之後噴透明光油後便會消失
果然掂晒!! 由此更加欣賞咳吐graf, 但諗番轉頭, 如果冇咳吐graf, 唔通就唔駛貼?
現在咪掌握左多樣野囉
補充 : 水貼上如果要再貼另一張水貼的話就最好不要塗 mark setter 了, 好大機會上下水貼的顏色溶為一體!!
對比之前92年花 for Fujimi 的咳吐graf, 冇錯是對位唔駛做裁縫, 但也有隱憂, 一旦唔準呢 (可以是廠的或是我的問題) 就仲麻煩, 亦好慶幸富士美的全部是 oversize, 多出的可以裁, 兼有碎料可用. 但少左呢, 怎麼辦?
我已用新買的那盒的水貼, 冇咁黃, 但浸幾耐水都不能分離底紙, 要用削薄了的牙籤張邊緣挑起, 慢慢 "煎" 開, 雙星算抵贊, 大部份都好準, 唔準果個係我, 但都有小小唔夠位, 紙質可能加埋舊的原因太脆, 雖然91年的花紋較簡單, 但總括都是92年花的咳吐graf好貼得多
分享
