俾我係龍人, 就寧願係到做個小商戶, 好過係果個來來去去得果班小眾既網做山寨王 lor~

係果便就算做到點威, 俾人捧為神明, 咪又係塘水滾塘魚, 對生意唔會有乜大脾益...

睇番呢個帖，
有幾個人真係幾不知所謂，
一開始就係到扮識野，學人講件GE質素，
點知係人云亦云，
仲要偷埋人地成品圖講，
直到GARY出左兩張開倉件圖，你地就收哂聲唔講開倉件，
你地又轉左TOPIC，去講人(可能係你地已經知道自己吹錯野LA)

數年前GE MB開倉件我都砌過，
事實係有沙窿，分模線，級位，但未至於砌唔到，因為接位不大問題
近我買開倉件GE時候，以上的情況已經不見了，
只會有小量的分模線，明顯睇得出MB幾年來翻模技術的改進
分模線亦係GK入面常見GE情況，亦冇咩大不了，
如果連分模線都搞唔掂，咁就自己再砌下膠模磨練下先LA，
再者，人地主打人形，用機械GK評論
你地正常都唔會去波鞋鋪買皮鞋，
我都唔會去佢到買機械GK，所以都不再太多評論
講到尾，真係自己買過，砌過先好講野，
唔好見人講咩自己就吹咩，事實永遠同言語差距好大
(如果你地想睇，我都可以放一推圖比你地睇，唔好再冇根據咁吹落去 )

咁機械gk 唔得佢又賣?? 佢賣得既貨, 客買左自然可以評論佢既有幾唔掂.. 如果佢"只"賣人形, 唔賣機械GK既先好講"唔可以用機械GK評論"

點解唔再講落去?? 要講既都講晒, 再講都冇意思既時候點解要再講落去呀.. 係唔係要大家走去堆填區搵返d件出黎對質先叫公道呀??

唔洗咁勞氣
睇黎你有D誤會左我講GE野，
我冇講唔可以用機械GK評論，
我只想表達只用機械GK評論唔夠全面姐，
畢竟人地開倉人形貨品佔8-9成貨，
如果NIKE出一對質地有問題GE皮鞋，咁唔通個個都放棄買NIKE波鞋?
同理，佢機械GK並唔代表埋人形產品GE質素，
係唔係要大家走去堆填區搵返d件出黎對質先叫公道呀??
可能係我太多字，你睇漏左小小，
我都講過幾年前GE舊模係有好多問題，
唔洗你去堆填區搵,我自己都有一堆，
但近年GE開倉件唔再見到呢D問題，
LE幾句野我上面都有提及，(可能係我打小左個"年"字令你有誤會 )
又難道你會用B記現在模型GE質素去談論舊模極脆，滲線極易爆膠現象嗎?
我想帶出GE訊息係，人係會不斷進步GE，
模型砌得越多,技術自然會提升，(LE樣野，你功力咁深厚，我諗你仲清楚過我)
開模亦是同理，(除非個師傅冇諗住做好)
我冇話唔講落去，
只係講要有理據咁講，
因為我見某兩個人真係得個吹字.....

[ 本帖最後由 alex00-00 於 2010-7-15 10:21 AM 編輯 ]

開明既討論就係最好既

fyi, b記d膠對x20會爆膠既現象仲係未點改, 仲要加多樣abs收唔起油性油/開油水  都幾俾佢玩死..

我都希望某店會進步, 如果你有爬post都會想我講左幾次叫某店做好自己. 俾到成績等大家去改觀..

講開b記D膠料以前唔會點爆膠，係近呢＋年倒先開始會有呢個現象

可能係要玩到齋啪, 所以用左d軟身既料, 唔同左料, 所以就開始出現呢個現象...

在商言商，我純綷係覺得b記想揾多D，所以轉左D平料

又要咁睇, 都唔係冇商戶因為"不接玩家歡迎"而離開左. 不過如果做生意手法好d, 高明d, 都唔會發生d咁事... 其實又可以咁睇, 成本機界既翻件商, 大部分都係度開左商戶, 佢係度開都好正常, 始終, 得一平香港模型雜誌會/可以登翻件廣告, 而果本雜誌亦少左人買了...

ps 料賣極唔及abs貴, 佢越來越用多左abs, 所以應該唔關料錢上. 當然, 油價昇左咁多, 料錢的確又係貴左既

小數怕長計，而且佢地拎個量唔細，計落應該有着數

開源 (一模多用) 節流 (用平料)   match 晒依個世代既營商理念..

唔係D董事邊有多D錢揾，個股價點升？

解決左誤會就係最好
我當然有爬文先會發言...
我都見到你有講，
所以我想回覆番MB宜加情況好好多，
免得比某兩人在帖中顛倒是非，未買過件，未砌過件就學人評論，

我求其影左幾張相，
免得又有人話我得個吹字...
第一張唔知幾多年前GE開倉件
[attach]340496[/attach]
第二張係上年開倉買落，汁左兩條分模線就開始上色，
可以上得透明膚色，件GE質素自己諗，(唔計個人咁渣GE技術 )
[attach]340497[/attach]
第三張係正價預定貨，有幾位C兄都差唔多做完，質素唔洗再多講
[attach]340498[/attach]
今年GE開倉件未到手，所以未知...

算係冇咁易爆，對比MG京寶果 D係好左小小

[ 本帖最後由 alex00-00 於 2010-7-15 11:28 AM 編輯 ]

我又咁睇, 係呢到做商戶因為不受玩家歡迎而被迫離開例子只有一, 兩個, 而且大都係自己經營不善在先, 好多人買咗d 差件儲儲埋埋d 怨氣而爆發...

觀乎 MB 件質素, 一定比果一, 兩間經營不善既商戶好好多, 而且又有門市, 有怨可以直接搵到佢申訴, 到時係網呢到俾人迫走機會好微 lor~

Anyway, 呢d 始終人地盤生意, 佢 Buy "水禾田" 果套鐘意投資去佢個網, 納埋 "水禾田" d 恩恩怨怨上身既, 我咪買定花生係到睇d 人講乜野 lor~

某店質素好左?
佢地今時今日已經將生產工序轉晒上內地
用料用人我都唔覺得會好左
d件靚唔靚其實睇彩數
呢個唔係某店既問題
首辦就係咁
同一套模倒出黎
第1隻同第20隻一定有分別
至於開倉件我有一個睇法
開倉會令生產量突然上升
一個人工作量突然上升
品質下降or唔穩定都唔奇
就算增加人手都一定唔係熟手
以上係我估計
不過呢個價錢受多少少風險我覺得都合理
而且前面有人話佢地都肯退錢
只係會有d掃興姐

[ 本帖最後由 anthonyyung 於 2010-7-15 03:28 PM 編輯 ]

同意
果位水禾田真係亂咁黎
係又ban唔係又ban
佢發個聲明話唔比批評首辦質素
咁講只會令人更加冇信心
我覺得好不智

水禾田係hkml係咪發生過好多事?
有冇師兄可以同小弟上下歷史堂

[ 本帖最後由 anthonyyung 於 2010-7-15 03:47 PM 編輯 ]

都係果句LA，
自己買過，
砌過就會知，
拎起幾年前GE開倉件同上年開倉件對比自然會知好左幾，(如果你有買的話)
質素係米好左，
大家有眼睇GE，
唔係你講兩句就會改變
我上面講果堆野係睇唔過眼
某兩位會員係到亂UP一通姐，

PS: 我對比當然唔係拎一兩隻LA

[ 本帖最後由 alex00-00 於 2010-7-15 03:53 PM 編輯 ]

佢定佢板規, 但我地係 HKML 講野, 又唔係喺佢個網搞事, 咁都 Lock IP~? 佢當佢d 板規係 Internet 國際法~? 條友係咪自悲變自大...

另外, 係佢自己係到扮女人在先, 先撩者賤, 佢唔 Block 我, 我都唔知係佢, 呢d 咪叫此地無銀 lor~

我知中後期6-7成

不過過去唔多講啦