應要求,加返D資料.加返D相.
MG 1/100Sinanju

色表:
紅,光黑底--->魔光紅,J.BO HOBBY 買的,再加左螢光透明粉紅.
金邊,光黑底-->GAIA 122.
黑,田宮琺瑯黑.
關節深灰,GAIA 221
噴咀銀,光黑底-->GAIA123
白,GAIA EX01

當時噴筆的第三作,整左2星期左右.
因為光黑底做得一般所以都唔係好閃.













舊作,請狠評!!

[ 本帖最後由 白果先生 於 2011-2-7 12:20 PM 編輯 ]

魔光是絕對arm晒你呢隻用的....... 請問是因為珍珠色既問題嗎??

D相影得麻麻, 反映唔到實物, 唔知點俾評語師兄.

同樓上一樣.

不如重新影過一輯,否則copy舊作到呢區冇意思

[ 本帖最後由 woo 於 2011-2-7 11:39 AM 編輯 ]

本身隻油係魔光,當時一買就已經係咁.
所以我當唔知佢變色ge原因.

影相光線唔多夠...睇唔清隻色...現在驟眼睇似乎暗色左d...

樓主要狠評的話，那我就不客氣了！閣下放上六張不清不楚的相片，一共打了五個中文字，想得到一點中肯的意見。請問最後的得益者是誰？如果是閣下的話，請拿出多一點誠意來，至少介紹一下這是 1:144 還是 1:100 的新安洲？是塑料模型還是首辦模型？閣下又為模型做過了甚麼工序？閣下多花這些時間介紹一下，可省去大家花時間去猜以上的問題；除非閣下認為你的時間是寶而其他人的時間就是泥！你想大家提供有用意見的話，請先一盡本份！

如果浪費了閣下時間真不好意思.新區剛開小弟真係識規矩.
岩岩先睇完樓上師兄回覆.
我正在整理緊一D比較清楚的相.
請等一等

我會想辨法影返D新相.
因為件o係HK,我人o係加拿大.
唯有搵屋企幫我影下啦.
我當時影左好耐都影唔到個實物效果.
下次如果去到聚會,會帶埋出來,等各位師兄比下意見.

暫時只係搵到以下4張.





[ 本帖最後由 白果先生 於 2011-2-7 12:30 PM 編輯 ]

我有fd用過呢隻油做highlight,感覺上粒子好粗
唔知你果隻會唔會啦

會,用肉眼都睇到一粒粒.試過再開稀D噴幾層都係咁,我諗係本身油粒子大.

我唔知佢係唔係攞真車用的油直用落去
你知啦,有一掛香港d巴士都有一批變色龍
放在巴士ok的油放在模型上面一定好大粒

支油係J BO HOBBY自己開,我都唔知佢用邊D料XD
GUNZE都有,我果陣係日本,見到電擊做過範例ge魔光洲實物.佢係用GUNZE做的.
都係好粗,而且個效果冇我呢件咁出.
所以電擊真係影得好靚XD

如果想做得好，應該自己影啦
btw，我覺得如果打左唔同角度嘅燈，突顯有魔光，先可以扣題

新的相都係唔係太突出到你隻機D色
CLOSE UP既相其實都可以睇得出隻色係好靚
可惜, 真係燈光做得唔好
希望你下次番港後親自影過一輯
唔知用多2盞強一D既燈會唔會突顯隻色

加油

油粒子感覺上好粗.
相background可以用D白色, D光可以反射幫補一下,打燈角度做得唔好,可以試一下用1盞主燈做highlight同做影.再加1盞或2盞補光燈在左邊同右邊,應該會好D.

睇黎除左模型技術,攝影都要惡補下,但係真係唔夠架餐.......
要諗下辦法先

影「變色」物件,同影反光/透明物件一樣咁難
基本上先要搞掂背景先...背景雜亂,好影響照片既整體表現...影模型,可以用一張大畫紙,做背景及地面...初試可使用白色,比較易掌握.
燈光係另一個問題,用普通既室內光線,通常都會曝光不足,而且光線既角度,色溫都未必岩,吾夠光易手震及暗.色溫吾準又會引致徧色...

影變色物件難度高,在於吾同燈光角度及色溫,會好影響反影出黎既效果...
你可以SET兩支枱燈,換上"DAYLIGHT"光管/𧜶電膽,確保色溫盡量接近"日光"...在燈罩前,可加上牛油紙,以柔化光線 (但要小心避免燈罩會過熱甚至引起火災)
SET好背景紙 (大一點,紙的一端背面貼牆,另一邊則平放在枱上),把模型放在背景紙上,擺好姿勢...
把相機固定在三腳架上,用兩秒時間掣來控制快門...

網上轉載鳥瞰圖片,,大致是這樣SET UP,但背景紙不用那麼大, 相機右邊的是反光板,按需要加入或改變位置)
（圖片取自：http://www.theshyphotographer.com/)


看著相機的LCD屏幕,把枱橙放在模型兩邊,不斷變換角度及距離,同時不段觀察模型的顏色變化...直頭找到一個合心水的光暗,可以把應該照亮的地方都照到,然後按下快門...

檢視這一張照片,看看有那些地方太光或太暗,再調節枱燈的距離或角度,或在旁邊/前面加上白紙(或銀色/金色甚至其他顏色的反光板,像錫紙的反光度也可)作局部補光....不時再在觀察LCD的畫面...

用這樣的方法,大致可以在比較簡單的設備下,利用數碼相機的自動功能,拍得一張「可以」的相片...但切記,LCD不要長開,以免相機過熱,要看的時才啟動...

這方法比較簡陋,實不能跟專業商品攝影的效果相比...但以此為基礎,花點心思慢慢SET燈,也不難影出好的作品來...

如有錯漏,還望各位指正為荷

其實你噴完黑唔噴銀 直上魔幻紅   唔打銀底 係一定唔會閃架喎  唔打銀底都打下金底丫

一點意見~
可能本人唔係咁接受到高達噴到閃閃發光,個色好似紅唔紅,黑唔黑,好似比人打淤左咁~
有d金黃色既地方,有d有黑線,有d無(shoulder果到)~
如有得罪,多多包含~

題外話(給版主)
叫得做練功房,係咪應該有d對比呢??~
比如話係咪應該貼返上次果隻成品,同埋新成品d相黎比較下,咁先知練功有無成績~就咁睇一隻,點樣比人睇到佢有無進步呢?~
如有得罪,多多包含~