放底四個轆，正正經經學吓砌老電睇吓電唔電先

刀兄牛兄幫幫眼指點吓，謝謝

[ 本帖最後由 wongleo 於 2009-5-17 07:58 PM 編輯 ]

...........

牛兄有內構圖嗎？有就好喇，雖然今次係試作品，唔會改太多，但塗裝o既時候有實車參考的話幫助都好大 由其是死氣喉，焊口位置，燒喉o既情況，靠估都唔係辦法呢。

已經有段時間無砌媽星車喇，一路都係同富記、青島d舊模鬥氣，而家砌星星老電感覺真係完全唔同，玩得輕鬆好多，夾口又準，單係用AA膠已經搞掂，即痴即磨，畢地都慳番而且成個形都Sharp好多，都幾好玩，而家正度緊每個釘位應該用咩形狀同size o既釘先比較合適呢

得wor，下星期放工去買釘？

無辦法，部KPGC110仲搵緊料，條肥婆又度緊套BREAK DISC，MONKEY同GORILLA我又未有mood同佢搏鬥住

俾刀兄撞完仲有命 我跟響後面跟吓學吓點跑咋，唔好隊我呀

個花我都係mask黎噴架喇，但d字就無計

紅色部份我都諗緊噴唔噴，唔噴我驚有d位會穿崩，但基本上都會先噴晒白上左水貼先噴銀底藍同橙，所以REPSOL個字應該無事

我盡我能力啦 ，但相比起富記D車其實好好砌架喇。

[ 本帖最後由 wongleo 於 2008-8-2 12:17 AM 編輯 ]

爛尾希望唔會啦，慢就一定架喇，呢排唔係做公司野就走左去玩，少左砌野

我手功一時時架咋 舊車我有響手，不過要清咁d開左o既火頭先

百幾銀bid番黎 計埋另外配番o既水紙兩舊有多啦

又黎？牛兄好鍾意周圍派內構圖落毒呢 你之前買得好貴嗎？幾銀？

你都有份中毒，報應

呢排好懶散，掛住玩其他野，而家都仲係磨緊件，補夾口之類o既工作

今日整番車，忽然覺得有一種壓力，好似響度迫自己做得好D，好似無左砌模型o個種樂趣咁

或者咁講，始終老電唔係自己本行，你話好難砌咩又唔係，但就無左砌四個轆o既時候o個種唔使睇圖而可以機械式製作o個種感覺。例如你上次同我講引擎夾口唔使補因為睇唔倒，但我就係唔知咩位睇倒咩位睇唔倒所以今次每一件parts d分模線同夾口我都執到足，雖然話第一次砌老電但都好想keep番自己個standard，砌得唔好唔使死，但唔想砌完部車自己最後唔鍾意部車，無啦啦砌模型都搞到心理有問題。

好多野都係試緊度緊，咩位用咩釘、用咩油表現唔同o既金屬、再決定D effect點做、個masking先後次序應該係點樣會較果最好而又最安全、燒青又要搵參考圖番黎先敢噴，好多好多野都要plan。可能有d唔慣砌雙星，個模就係做得太好，大家做出黎可能分別唔太，但我又無牛兄咁勁可以改到咁o既程度，咁到底我應該將自己製作個焦點放響邊呢？諗唔倒...唯有無一part都試吓plan好d做好d，響自己對老電有限o既認識範圍入盡力做，但咁其實又唔太好玩 都幾矛盾架其實。

yes!! 安全感，好緊要。要做就要做啱，如果有可能錯就會企左響度唔敢做。

你confirm左幾時喇咩？行開模型舖睇睇有無咩舊車好wor

我都唔想改架，不過有時睇見d野自己接受唔倒，而又響我能力範圍之內可以執倒o既我先會改架咋。

多謝牛兄支持，"唔好比模型砌番你轉頭" 呢句講得好好呢！

其實同michael兄都傾過類似問題，佢之前都做過一部ford gt40都玩到好大，但部部咁整法真係幾辛苦，久唔久一部半部就夠喇，但事實上當你試過去得咁盡時，你能唔能夠返返轉頭呢？牛兄真係忍得倒手嗎？