有無人提前退休做模型

自問想象下有幾多身家會晤做野？（自己住既屋吾計）
背景限制：
1.40嵗或之前（原因：人到中年嘛，但體力又旺盛喔，最危險！）
2.一家3口 （原因：最普遍）
3.兩老/四老吾駛養 （原因：吾係有排計）
4.自己住既屋吾計，吾理豪宅定唐樓、木屋

好誇= ="可唔可以少d金額?恐怕一世都冇咁多錢

600万YEN就有~~

嘩！各位大佬，個個都要成over1200萬，絕大分人都要做到死個日。希望投票時實際D啦

退休砌模型就只可以作為消遺活動.同有幾多錢退休無乜關係.
至於over1200萬應該會請得起1個(組)人幫你砌模型.

樓主你真係好笑XD
有無人會覺得身家越少越好
退休之後既野好難講,身家當然越多越好

1200萬不是好好用, 尤其是在香港(當然看你怎麼用)
可以用來買40000盒300大元的模型
如果全用來買模型, 當然很多
但生活洗費也很重
你現在說退休......如果我40歲退休再沒收入
有1200萬我也不知道能不能負擔家人生活之餘又砌模型
身家也不一定是現金, 樓我當400萬, 已經沒了1/3, 其他可能有股票汽車
但也不能賣掉用來砌模型吧, 還要住還要用的....
所以其實1200以上也很實際的

[ 本帖最後由 hyperock 於 2010-8-10 12:41 AM 編輯 ]

我揀200萬
因為知足常樂

>千二萬 ...... 到時買1:1高達!

師兄，今時今日喺香港地，仟二萬真係話少唔少，但話多又唔係多.............................

以我嘅睇法，要 40 歲就唔使捱，享受退休砌模型嘅日子(我都想，因為我係四張嘢嘅大叔 )

呢仟二萬除咗置業、投資同現金儲備，應該仲有多少供自己整番個模型工房嘅。

雖能改善生活，但絕非'急彈'為富豪嘛..........................所以仟二萬都唔算不切實際架 ！

200萬既人,我真係想知以後幾廿年點生活
=_=

[ 本帖最後由 小杰 於 2010-8-10 02:19 AM 編輯 ]

有200萬,可以用來做好多野,總好過冇200萬既人啦

40 歲退休, 俾你一個月只用一萬, 當你已經有自置物業, 再當埋世界冇通漲, 80 歲死四＋年都用你 480 萬...

而家除咗通漲, 仲有醫療, 人老多病一次專科洗你幾佰至幾千不等, 加埋層樓折舊 / 十年八載要大裝修一次... 1200 萬唔投資齋洗只怕都未必夠用...

好過一定好過.....
但係得200萬要生活40年(當有80歲命....)

其實不如說
大部分人即使有1200萬(多過唔計)
有樓又不用養父母
也不會為了砌模型而退休吧
我自己呢
如果只是為了砌模型
5000萬吧, 5000萬財產總值, 留一半左右投資增值(投資唔一定增值的)
2500萬確保生活到老有一定質素, 子女無憂
這樣我就會40歲退休砌模型
5000萬一世也賺不到嗎?
5000萬很不現實嗎?
那麼結論就是我一世也不會為了砌模型而在40歲退休
其實很現實
自己希望的數字在心中是有的, 有了這個數字才能使人安心做某些東西
達不到這個數字就不能做而已
這些數字都不是不現實, 是非常實在地接受現實而已

有道理。玩模型只係其中一種遮。其餘時間大家可以做自己喜歡的工作、義工、生意、學習等等， 吾駛為生活而拼搏

其實唔知幾多至夠，可能到死果日計番轉頭係唔止1200萬，不過最重要個過程係點。
30幾嵗時真係唸過40幾如果賺夠就可以退休，享受人生！
而加超嗮齡都未退休，因爲：
1）用錢係隨時間而增加的，而加的洗費比10幾年前多左好多。
2）生多左細路，開支又大左。
3）換左樓，一濶三大。
4）而加事業有進步，收入比以前好，做野又有成功感，又要為細路將來儲備，唔做係咪同錢有仇呀？
5）唔做野，日日砌模型，變左日日番工砌模型，機械化甘，仲悶。

所以，我的結論係，維持現狀，繼續番工，放工同細路玩下，
有mood就砌模型，無mood就搞下其他野或者睇下書，
總之就要高興，甘既人生至叫充實嘛！   

邊砌邊等退休得唔得？？

至理名言 我依傢就好似你說講既30幾嵗，成日唸40幾如果賺夠就退休，享受人生！就算吾100%退休都會搵份無壓力既工做。不過唸深一層好似無工無壓力嚄。就算洗碗都有壓力驚洗吾乾淨啦！（可能比喻差D）
轉行？30嵗尾可以轉什麽行？讀完轉行既書都40出頭啦，鬼要你。師兄們有什麽建議嗎？

妻不如妾, 妾不如婢, 婢不如妓, 妓不如偷,....

當你工作忙碌嘅時候, 偷時間砌模型..
當你退休"全職"砌模型嘅時候, 你已經冇"偷"嘅 "快感".... , 又想做第二d嘢..