咁o岩有幾位玩高達舊模既模友果日唔得閒來. 唔係就會有返多幾件作品架啦.

今次版聚又真係比往日人少
會唔會同地方有關
需然我都唔係每次都有去
但係葵芳同沙田果幾次都好多版友出席
可能係我今次好遲至到啦
所以覺得好少人同件

其實依家都比以前少人post成品出黎, 可能d人只睇不砌。

少人去,可能因為時間問題,
年尾,好多人忙到死,我就係一個例子.
下次暑假搞,一定多人參加.

又係喎！

如果好似飯局咁有教學就更加好啦
咁樣就唔會有咁多芒亨

今次版聚係有教學的.
屠龍教學~~~~~

認真,有模型教學都好,反正HKML多左咁多新手,有唔少都係係學生仲讀緊書.
如果可以暑假聚多次,有師兄可以示範下.
親眼睇到,可以即問即答,吸引到班多D新血參與.

即埸學野,快過上網睇好多,上年去電J見見世面,學左唔少野呀~

我第一次去版聚果陣,都係唔太熟,反而係電J識得多D.

不過臨尾先認到天王咁唔得wor,佢成個黎明咁款~
我第一次認到佢唔係模型聚會,只係一次食食下野見到個"黎明"坐係隔離,就膽粗粗問"先生你係唔係威廉呀?"

中左

因為琴晚一早睡了，所以睇唔到 lee 個 post >.<
其實今次版聚，我個人而言是失敗了的，因為我地之前連續10屆，次次人數及件數都是上升的，但今屆就倒退了6屆。
lee 個問題，我不得不承認。
綜合原因黎講，我覺得有兩個問題，其一係舉辦時間不合時宜，其二是主題不清，宣傳不足。
基於以上原因，我地會係下屆版聚作出改善。
至於錢果方面，今次版聚的確是要倒貼，不過這也不是大問題，因為 Forum 恆常地有一定的收入來自商店街的，所以我地唔會因為錢的問題而不攪版聚的。
我地之所以停辦版聚多時，是因為場地問題，但現已解決，同時我已 book 了下屆版聚的場 ，等手續完成，版主開完會後，我就會出公告的。

對上一次版聚之後,因為批唔到政府場地,差唔多近2年都搞唔到
呢支版聚場地方面都confirm得比較急,差唔多係2個多月前先定到個日子
所以準備同配套都唔係搞得好好,特別d齊齊0拍交功課太趕,搞唔到太大
而且揀ge時間都唔係太合適,做野ge年尾好忙,返學ge又撞正考試,人數上係比前一界少左
但算係預期之內
之前一直都係租政府ge,呢次轉左做私人場,好多野都未見識過
搞起上黎有d雞手鴨腳咁
壇主佢地都做緊d檢討,去改善下次年尾ge版聚
而下次搞會有多d時間準備同搵到多d版友幫手

版聚無留心聽我講野
我地下次係會有教學環節的，遲小小我地會出 post 比大家投票選出想要的教學，之後我地會安排及邀請版友到場分享的。

年尾撞正芒亨衫確實有影響

作為一個新丁,我唸我可以做的是繼續多啲砌,多啲貼和多去聚.

最重要係多謝咁多位工作人員...唔好意思,未能熟悉大家名字,点名些些

下次定左幾時? 7月? 我想預d時間攪下會場限定件

啊鬼咪約你參與我地每月聚會....到時熟悉d....板聚開心d.

暫定 10月的某一個星期日，詳情我地會版版聚前4個月左右 pm 比你們的 ^_^

即係十月前要起貨啦.....
唔.....咁我實唔會整得切大件野..我都係先整番一兩件細野墊底先。

半成品都可以