前言:
要做出一件好的成品,基本功夫一定要做得好.
所以今次同大家分享一D基本功,希望幫到岩岩接觸模型的新手.
如有錯誤,煩請師兄們指正.
1.清水口
水口即係部件同框架的連接位.
先用剪鉗,剪剩少少/用cutter or筆刀切剩少少,如果o係平面上,可以貼住剪.
之後總會有D痕跡,用水砂紙磨,由400-1000
2.清(可惡的)分模線.
分模線係模型製造商啤膠分模時留低的,多數同水口一齊出現.(中間個條)
處理方法同清水口差唔多.用水砂紙磨,由400開始磨,至1000.
(以上只磨到400 XD)
3. 補夾口之溢膠法
砌模型中,將2件部件拍埋,之間個條縫隙,就係夾口啦.
首先,係拍埋之前,用模型膠水,建議用橙蓋,白蓋,塗上2件部件接觸面的邊沿.塗2-3層
然後合埋,用少少力壓一壓就用見到有D膠溢出
擺放1日左右,等完全乾透就可以進行打磨.
同樣都係用400水砂紙清除溢出的膠,磨到1000到平滑.
Tips: 2件合埋之前,check清楚中間有冇其他件夾係入面.唔好補完先發覺,入面少左野.
4.補夾口之??法
唔知叫咩法好.可以叫掩眼法.呢個方法只需15分鐘.
模人問模人答,都有講呢種方法.
首先就係將2件部件拍埋.
然後沿住夾口條線,點上牙膏畢地/AA膠爽身粉...(詳情請看"模人問模人答")
以上為AA膠加爽身粉
15分鐘乾左之後,打磨~
用400水砂紙清除多餘的畢地,磨到1000至平滑.
以上都係只磨到400.
上色小貼士~
手油~~~~~~~~~我就唔多講啦,因為我D手油實在好恐怖........只可以話開油比例約1:1-1:2,
之後點油得好就要自己掌握點操控支畫筆啦,建議可以搵下關於十字塗法的資料,我覺得比例岩,筆痕問題唔難解決,加上可以用有緩乾劑的THINNER,
eg. GUNZE mr. color LEVELING thinner, Gaia T06, Gaia T07 (好似有)
噴灰
者係水畢地,唔好嘗試手油啦,唔多WORK,用噴罐已經有唔錯效果, 噴時保持約一尺距離, 一層一層薄噴.
另一個常用方法,5-10cm,快速打橫掃噴.等乾,噴3層左右.
用處係:
-統一模型底色
-方便check件有冇瑕疵.
顏色有灰,有白. 白色會係罐上有寫.如果唔係,就係灰色
新款GAIA有,黑,白,灰,肉色.
水畢地亦有樽裝,for噴筆用. 比例方面有好多版本,
-1:3~4 噴幾層,
-1:1.5~2,噴1-2次左右.
我就用慣後者.都係有白同灰
之後講顏色處理
紅色~
建議先用白灰先,之後有2種做法,
1. 直接上紅色
2.先上黃色-->再上紅色
分別在於白色做或的紅色會比較暗, 黃色就較為鮮.
金屬紅同樣道理,
1. 銀底-->透明紅色
2.金底-->透明紅色
睇個人喜好鐘意邊種好D啦.
金屬色
大部分金屬色都係咁做法.要做到好靚好滑的金屬色,噴會好過手油好多
照樣上灰,之後上光澤黑色, 薄上幾層,上到個表面好平滑.
之後薄噴,金屬色(金,銀...).咁上出來 反光度同平滑度都會好好多
好多時都唔洗再噴topcoat.因為有D會影響發色.
如果想有其他顏色,如金屬綠,金屬藍.......銀底上返相應的透明色.(金屬紅看上面)
或者mr color有現成的金屬綠,金屬藍,金屬紅........
銅色可以試下用銀底-->透明橙加透明黑 (比例,請自行摸索下 =P)
魔光油,變色龍油....
一般好少用到.....效果特別, 不同角度有2種不同的顏色
小弟劣作.....
做法一D都唔難,
光澤黑------>魔光油
價錢: GUNZE $130左右 一支
我用呢隻係MK 廣華街搵舗頭訂做的$120 份量多過GUNZE.(唔開名啦)
噴筆~
老實說我係噴筆超新手....
單動式
一按就出氣同出油,使用變化唔大,通常較少人用.
雙動式
向下按出氣,拉後按鈕出油,拉愈後出油愈多.現時常見,多人用的一款.可以做到好多唔同效果.
經google係大陸網搵到的正圖
1. 噴針帽~護住支針,有唔同形狀,有唔同效果,
上圖個種係普遍用的,同另一種形狀係前窄後闊的效果相約,缺點係有機會積油
皇冠頭, 可以解決積油問題.
2.氣咀~一來護住nozzle,會經個LONE出氣.
3.nozzle,噴咀~決定噴口徑(0.1, 0.2, 0.3, 0.4, 0.5, 0.8......),一般0.3可走天涯,0.2 同0.5 係砌模型都有用.由於金屬細小,易爛,小心處理,
扭返上噴筆時溫柔D,遇到阻力扭多90度就好停啦,扭得盡會斷.......冇咩事唔好扭佢出來欣賞,大洗先有需要.
4.主體+油壺~裝油...........裝住D零件..........
5.蓋~防止D油彈出(非100%) 唔防止倒潟,唔好倒轉噴筆用~
由於次次打到差唔多完充空白一片,實在冇心機再打.無限期擱置~
待續 ~
[
本帖最後由 白果先生 於 2011-3-27 01:45 PM 編輯 ]
分享
