本人新手,上次聽左各位師兄講完之後,打磨左隻1比100 oo,E家有D花!

問題:
1.有少少位用筆刀批洩左D件少少可以點?
2.如果有D水口磨/批唔到,可以點做?
3.我想噴油,但未想買噴筆住,應唔應該買噴罐黎噴好?
4.oo應該買邊隻色ge噴罐噴好(例如:xx號藍,xx白個D,請師兄請比意見),
5.同埋噴罐一罐幾錢到?
6.另外,我洗唔洗買膠水補左D夾口先好噴上油同畫線
7. 膠水.要買邊隻好？
　
　唔該師兄你地先!

1 用大約400~600砂紙磨 如果果個位蝕得好緊要就用牙膏畢地去填補再磨
2 有冇例子? 因為我諗冇水口係磨唔到...
3 睇下自己有冇心玩 長玩就用噴筆 求其砌兩三隻就噴罐
4 http://www.mr-hobby.com/itemlist/pg14.html 自己睇下呢個網 睇下咩色岩你心水
5 大約都要30~35
6 步驟冇錯
7 田宮白蓋膠水

1. 用畢地補完, 等二日再用砂紙磨平
2. 用砂紙磨平
3. 應該
4. 跟自己喜好而定
5. $3~40
6. 膠水係"補"唔到夾口, 膠水係用痴件既... 睇左幾次所謂果 D"膠水補夾口"既文章啦.
7. 雙星白蓋或郡仕黃蓋

係喎 我記得之前都有聽你同我講過 差少少誤人子弟添...

btw 我想問下通常白蓋果支膠水幾耐要換一次..
我果支好似又冇乜痴力啦依家=.=

唔該師兄先!
1.我諗我應該磨到GE
2.我諗我個D應該係磨完水口GE痕跡黎(D件有個水ロ磨完GE痕),可以點做?
3.新手砌下,所以想試噴罐先,遲D會買噴筆GE
4.我想買紫色,有無得睇下有邊種紫色?
5.明白
6.明白
7.大約幾錢到?

另加問題
8.消光點噴?買消光罐定消光筆好?(邊種好用D)
9.噴灰好唔好?
9.咁我E家個步驟係唔係(落膠水補左D夾口,磨左D膠水位,噴消光,噴灰,噴油,再畫線)

白蓋係冇過期既.. 不過如果太杰就可以倒d 綠蓋溝稀佢..

我依家兩支都好似冇乜痴力...

唔該師兄
咁想問下補夾口姐係咩?(係唔係即係無左模型件同件之間組合後個D痕)
膠水痴完件,磨左之後,其實有乜用？

2 如果你係已經磨好左既話 噴一噴灰就冇痕
4 http://www.mr-hobby.com/itemlist/pg12.html 呢d係噴罐色
7 十五

8 買噴罐噴/噴筆  視乎各人喜好 噴罐就方便d
9 唔係好唔好既問題 而係需唔需要既問題- -"
10 應該係補夾口 噴灰 (如果未補好就用牙膏畢地再補 再磨 再噴灰) 上色 畫線 消光

[ 本帖最後由 i4546546 於 2010-6-27 03:44 PM 編輯 ]

2. 繼續用再幼d既砂紙磨滑

8. 你識噴油嗎???? 點解會有d咁既問題?? 唔同加入通識到教???
9. 你知道"要"噴灰既"原因"嗎??? 唔知道就去搞清楚佢. 唔係人做我做.
9b. 補夾口, 磨膠水, 噴灰, 噴油, 滲線, 噴消光

或者你望一望呢度會好d
http://www.hkml.net/Discuz/viewt ... &extra=page%3D2

2.OK
8.我識GE…,有睇過D教學,(如果唔多OK會問下師兄你地^^)
9.我諗噴灰既原因係要遮過磨完花左D痕!(係唔係只係噴D白色GE件?)
9B.用膠水茶到兩件模型組合後滲出膠水(洗唔洗落畢地?)乾左後打磨到無縫,之後噴左灰先噴油,係唔係咁做?

另加問題:
10.有D件我磨極都有痕,磨唔走,可以點?

11.一般噴油同落膠水同畢地要等幾耐先乾?
12.以下工具適合嗎?

13.可以由左至右講起使用次序嗎?

[ 本帖最後由 Kylk 於 2010-7-1 12:55 AM 編輯 ]

9.唔關事,咩色都要咁做

9B.噴完灰發覺唔平就要落畢地

10.磨件有花痕在所難免,問題係會唔會太深,噴灰後見唔見到佢

11.快就幾分鐘,保守十幾分鐘起,視乎厚度,用咩油

12-13.適合做咩先?你知道用途應該會知道次序
          唔係就要自己搵一搵,呢度不再詳談

9.噴灰先定消光先?
9B.咁我先落左膠水,滲出膠水後等佢乾,打磨後(如果仲有痕,係唔係落畢地?)然後噴灰,之後再噴油,係唔係?
10.唔係花痕,係磨極都有水囗痕Ge水囗(可以點做？)
11.O
12-13.D圖太細,聽朝汁汁佢再講(打算整隻OO)

14.噴灰係成部模型組合(即全隻噴)定分件噴,(個頭洗唔洗噴?我驚噴到隻眼…)

[ 本帖最後由 Kylk 於 2010-7-1 01:59 AM 編輯 ]

9.噴灰先,消光最後至做
9B.係
10.一下磨得唔夠,一下剪到凹左,可以用aa膠補左佢
12.啲油自己搵下先
14.最好分件噴.金屬.透明當然要分開

見你開左兩個posts,問左好多問題....我有個小小建議
放底晒以上既問題,由「零」開始砌起...暫時吾掛住問

就以1/100 oo 機體黎做起點去砌....

1. 按說明書既步驟,遂一剪 d 件出黎組合,用水口剪黎剪,剪完依次序由400號水磨砂紙...800號...然後1200號打磨剪口,吾係磨兩下就算,要不時檢查,用400磨平左就轉另用800號...400號留下既花痕較粗,800較幼...用800磨好後, d 花痕會較幼細....然後再用1200再磨....花痕會更幼....最後,再用1200號水磨砂紙,沾 d 水黎磨,吾夠水再沾,磨完後會發現,沾水磨既表面比吾沾水磨會更加滑...

2. 要處理夾口,以下介紹兩種方法...一係用膠水揸兩邊,預多少少,接合時用多少少力,等膠水溢出.....然後,至少等一日...跟住照上面既方法...400...800...1200....1200砂紙沾水磨...
另一種方法係補「牙膏狀畢地」,田宮為佳,夾口必需要用膠水黏合,等至少一天,再在夾口位置補畢地...再等乾至少一日....然後又係由...400...800...1200....1200砂紙沾水磨...如果補完發現夾口位仍然高底不平,則重覆再補,再磨,直到滿意為止....等乾係必要既步驟,吾好急....

3.搞掂晒夾口問題就預備上色,暫時吾好諗「改色」...bandai既分色可以照跟先...如果無用畢地補過...可以直接用噴罐噴色,噴薄 d.
如果用過畢地,咁成個機體會有一笪笪顏色(例如吾同顏色既都會有灰色既畢地係夾口度).....咁可以考慮噴灰...呢個情況,拆開 d 件黎遂件噴灰較好....又係果句,噴薄 d...統一左色澤就得 (即係全灰,或者全白)
但要注意,噴灰並吾係必然,要檢查夾口,或統一底色色澤就噴灰,如果吾洗要求呢兩樣野,暫時吾好搞噴灰住...

4.噴色...處理晒 d 大面積既顏色先...細位吾好理住...噴完等乾....噴罐色層較厚....不妨等一日先做其他野.....

5. 執細位顏色,可以用筆塗...試下用水性顏料黎油細部....起碼吾會溶左噴罐噴既底色....

6. 劃線....如果要貼水貼就貼埋先...又係等乾至少一日...

7. 最後噴消光統一光澤成啞色....完成

最好跟呢d步驟,完成左一隻先....每做一個步驟都要有耐性,並且不斷思考及觀察其效果.....
其他既野吾好理住,亦吾好太期望第一次咁砌,效果會變得非常好...本著實驗性質,試一次照呢個方法砌,目的係從中發現一 d 吾夠好既地方,砌下隻時再修正....

模型,落手砌比起不斷問,進步會快好多....模型吾著重你問左幾多知識番黎,砌模型係要吾怕錯,直接落手做...將有限既知識變成親身落手做過既經驗....呢 d 經驗,比起不斷問問題更為有效...

唔好再大張d

無人噴左消光先上灰....
正常係灰->油->線->消光
同埋以上既野唔算加工...只係砌模型基本要做既野

[ 本帖最後由 小杰 於 2010-7-1 04:08 AM 編輯 ]

好充實啊!

師兄,我落左膠水後三個鐘到磨左,但係仲有痕,點做好?

我無牙膏畢地,我得樽ge灰色Mr. Surface　1000水畢地同Mr. Surface　1000 噴罐水畢地,係唔係茶灰色個樽落D模型夾口上?之後等乾？