原帖由
白面仔 於 2012-2-11 01:35 PM 發表
有朋友开帖讲国产抄模 我又来开帖讲下老翻GK
点解我地内地人玩老翻塑料模型就要比你地鄙视 你地玩老翻GK就可以光明正大?
其實唔只內地人，我地香港人玩老番塑料模型一樣比人鄙视，鄙视人既心態有好多種，例如有因為覺得玩既人侵犯知識產權，無錢貪平，玩得光明正大，什至覺得買正版會比玩老番既人笑等等。
所以只要係塑料模型（尤其高達類）又有「國產」兩字，作品幾靚花幾多心機技術有幾好都無用，作品只會輕則被無視，重則被罵個狗血淋頭。原因只有一個，因為唔係正版。
如果你問，一件模型作品砌得靚都無用，係唔係正版反而先係重點？咁仲算砌模型咩？
我只可以講香港既模型圈就係咁。
如果你問，香港人咁尊重知識產權？
我會答你，大約只比內地人多少少，所以只要覺得唔值或者方便，侵權都無問題（徐josephfreedom 師兄之外），因為我地都懂得寬恕自已，但唔寬恕別人。
如果你問，咁你地玩老翻GK就可以光明正大?番模GK都係侵權，都係無錢貪平先玩番件，你地唔知咁唔啱咩？
知唔啱，但香港人就係認為只要知錯同唔出聲話比人聽自已玩緊老番就得。
如果你問，點解你地咁無恥架？
我會答你，如果唔係咁無恥，點可以成個電腦都係侵權物（徐josephfreedom 師兄之外），但走去話人侵犯知識產權。
如果你問，我只係想不分貴賤咁同一班鐘意砌模型既人，分享作品，交流技術，喺香港既模型圈得唔得？
我會答你，你有無錢買正版？如果有，無問題，如果無，無錢買正版即係唔尊重模型，唔尊重模型香港既模型圈無人會尊重你，話之你技術有幾好，因為老番模型喺香港人眼中唔係模型，係垃圾，
所以，用老番模型練出黎既並唔係技術，總之，無正版，無情講
如果你問， 咁邊度可以比一班鐘意砌模型既人，不分貴賤咁，分享作品，交流技術
我會答你，喺內地既模型網可以，一D比較專業既網站(如模X空間）高手如雲，新手高手可以平等地討論，模型制作心得技術交流先係重點，作品係正版番版根本無關痛養
所以結論係，如果經濟能力未負擔到正版模型，而又想分享用心制作既成品，香港既模型圈並唔係一個好地方
分享
