如果係某店訂購了貨品但......某店未能在當時未能發貨
但已經說好退款要求........但已拖欠差不多2個月了
那我該怎辦呢??
求意見

你話退錢佢應該立即回水, 點解你會俾佢拖兩個月~? 如果你膽小, 搵多幾個人一齊去要求退錢~

錢係要自己爭取, 上網講 / 問冇人幫倒你的...

有單好辨事....

咁講, 如果舖講左唔會返到貨, 退錢會合理. 但貨返緊既但仍要求退錢就唔合理了. 時間有幾長久唔可以作標準的. 訂架BENZ 返香港都要成大半年啦.

所謂"但已經說好退款要求", 既然講好, 點解唔係"講好"果刻就退呢??? 我覺得唔係咁簡單LOR..

撻訂呢樣野. 唔係個客想點就點既呢.. 必要攪清楚係唔係舖無能力俾到貨先. 如果係既, 有時舖唔止要退訂, 仲要賠訂添.

我係過數比佢的...
已確定無貨到
但我已經跟足佢既要求提供資料
因為之前無左張過數記錄佢要求比ID卡資料佢我都比埋Orz
同埋已經補埋張過數記錄比佢
完全唔明白拖乜 上個月打去話已經安排緊 今個月又話無左資料補返比佢都係拖........
呢幾日都打過去查詢結果係換黎cut線的對待.......

[ 本帖最後由 在天空的壞男孩 於 2012-2-26 09:55 PM 編輯 ]

追數當然要3口6面, 電話點會理你. 係唔係冇門市既網上舖, 係既就要打定輸數.

有門市既就上舖搞左佢.

唔明白?? 好簡單姐. 錢係佢手就自然係易收難出架啦. 唔係點做生意啦. 唔想俾既就緊係拖架啦, 唔係咩叫"有拖冇欠"呀

講錢就係咁架啦.


我都講冇咁簡單啦... 原來你無左張過數紙.

唯有係咁喇
聽日打出無人聽(聽日唔得閒)  就星期二上門收數
唔該各位^^

我最近發覺有D呢種郵購或訂購模型的生意，都用呢種拖字訣黎玩D客，
例如英國蘇格蘭有間叫 Cromwe_ _ Model的手扳坦克公司，1/35同1/72都有做，近來網上好多人投訴佢收左訂金唔覆人，唔寄貨，拖番一兩個月，
人地話要求退款，佢先至話“找不到你的地址，再發給我好嗎？”又拖一兩個月，10幾20個Email唔覆，
到人地去PayPal要求退款，佢又黎講話“對唔住，漏了些資料，請補番......”
如是者玩半年以上，最後要人發嗮火係討論區唱佢都未知死 （請參考 Missinglink.com 内的討論區）。

所以，我認爲對呢種不負責任的生意手法，只有一種方法，就係強硬要求立即退款，唔好心軟，因爲如果老實做生意的一定唔會介意退款、有貨的一定唔會玩人唔寄貨。

所以訂貨要好睇果間商戶既口碑，好彩我甘多年訂郵購都未瀨過野。