PM左比你
補字.補字.

I see，但係.....如果再慳皮D用中學用淨既磨砂包書膠又會唔會做到同樣效果丫？

其實如果細心D會留意，我唯一可以影相既地方如果唔係放左個萬年地台既話係連隻BB都企唔到.......

[ 本帖最後由 josephfreedom 於 2012-2-25 01:11 AM 編輯 ]

你有呢種態度,咁攝影真係吾岩你玩

用咩做背景你可以隨便決定,吾係話白板吾得,但你接受到枱燈腳入鏡,你接受到白板反影到個燈罩,你接受到塊白板吾夠大,相既右邊露出左第二個顏色...呢 D 你都接受到,咁根本吾需要背景紙...其實白板都可以吾要...因為你吾去了解,背景對一張相可以有幾大幫助...

去會展影人交件...果 D 相意義吾同,影法當然吾同...影相吾一定要用背景紙...岩...但可以好肯咁話俾你知,影花卉,甚至有 D 影昆蟲既影友,就算係戶外,佢地都會帶背景紙(影人像都會)...你未有呢 D 知識之前吾好講得太盡

但「放紙同技術，誠意放埋一齊」吾算過火,係你身上係講得通...咩你以為影一張模型相係應該求求其其架咩??你以為有部好相機張相就會影得好喇咩...模型攝影影法等如產品攝影,一個空間入面,所有既野都要控制...任何會係張相入面出現既野都要控制...包括背景,受光位,反光位,焗光,減光,聚光....一件產品一個SET UP,可以影成日甚至更長...如果影者無誠意去影,呢 D 野會一概吾理...開機,按掣,關機!!!!背景係乜?有無爆光?是但喇...

就算去模型聚會影相,就算背景無法隨便控制,一樣有影友拎晒反光遮,小型反光板,飛晒閃燈壓光黎影,目的就係為左令背景變暗...呢 D 架生你估輕架?無誠意去影帶咁多野做乜...

相片某程度可以說到故事...有冇誠意,一睇就知,騙不了人!!

個個位係得咁多地方，唔係我唔想郁支燈，尤其支燈唔係座台式個種想放佢落黎都唔得，不過背景個度你又講得啱既，THANK YOU

我可以影相個個位仲細過部EEEPC=.="

[ 本帖最後由 josephfreedom 於 2012-2-25 01:18 AM 編輯 ]

幾蚊買張畫紙真係好貴咩- -"?

咁有淨係度又可能有用丫嘛，有錢都唔洗代表乜都要買架嘛，慳家冇罪>M<

所以我話「你有呢種態度,咁攝影真係吾岩你玩」...努力同誠意你真係一樣都冇...你用黎示範果隻艦,係咪己經痴死左係果個位?吾可以拎去第二度影既??拎去戶外影得吾得?天氣吾好咩?等好天囉?或者用閃燈囉...你無呢種心態....環境有限制,你無打算去克服佢...就咁就算勒...咁樣既心態,永遠學吾好攝影...

你諗下人地影COSPLAY,成個行李箱拉去現場,又要化妝又要換衫又假髮又道具...影婚紗攝影連潛水都要...知名風景攝影家Ansel Adams,可以花超過一年 (甚至更多既時間)研究每一日既日照角度,位置...就只係為左影一張峽谷既黑白照...佢無辦法控制太陽,但佢不斷搜集資料,就係等到一個佢認為最佳既光線角度,然後就按一下快門...

用相機攝影,講到尾只係按一下shutter release...相片靚吾靚,就睇你事前下過幾多苦功...無人有興趣知,無責任知張枱有幾細...吾靚就係吾靚...你提出一堆理由,可以自我安慰一下,但對相片既質素,亳無助益...

有冇誠意唔係睇你洗幾多錢同肯唔肯洗錢，唔通你一出糧就洗哂D錢去買野咁先叫誠意

咁戶外有咩地方適合影相？我屋企附近都係得屋村同D公園，細路同雀鳥多都乜，比人整當左或者中頭獎點算，你估個個屋企有露台架。

用閃燈唔係唔建議存咩？我聽D龍友話

唔係唔打算克服佢，唔通我為左影張好相而家即刻搵地方搬丫

同埋我多數係夜晚先有時間影相，咁夜媽媽拎件野出去有咩意思，搬運/現場組裝其間發生左意外咁點算


咁即係如果我而家真係有誠意我就要去借去偷都要有錢比我去搵地方同工具去影張好相啦，唔係就無誠意，用自己有既資源去將就去嘗試提升到另一個層次，去跟人學野都唔啱既，一定要一開始就一百LV，一LV升上一百LV係唔允許既？我之前都講過我之前冇接收開呢類資訊自己盲摸架咋，所以而家見你地討論緊先睇下我應該點樣改善同埋點樣用盡我有既資源而唔係不斷咁去買買買買買買

[ 本帖最後由 josephfreedom 於 2012-2-25 02:07 AM 編輯 ]

頭先既言論都唔係咁禮貌，SOR

我想講既係我身邊的確有好多限制條件，而我係怕拎件野出街走，你問我成品同靚相邊個重要，我會話你知我親手整既成品比部相機更重要，所以其實你問我去電擊唔驚咩？我驚到要死，囉返見到佢冇事個刻我都不知幾安樂，展覽合排我巴不得日日入場睇住確保件件冇事

我想講既係好多時候人唔係乜資源都有，我既BELIEVE係用盡自己既資源去發揮到最好，比起靠一味改變環境黎得實際，因為環境唔係你想改變就改變，所以我係呢度想學既係

我有個3.2MPX DC，點將佢既功能發揮到最大

其實原本個牆油做藍色就係想做影相既背景....但係有D事換左張電腦台之後就完全冇哂空間影相，除左個個地台位，好難先執到出黎又可以放哂D野係度方便讀書

我可以點樣SET好個個丁屎咁大既場景

之類，多謝咁多位師兄教路，但係講真一味去買野，仲要拎件件出街呢D我真係唔係咁易接受到

所以都想問多次，咁磨砂包書膠令白板唔會反光呢個其實又WORK唔WORK？

燈個度如果要郁我都諗唔到放邊，電制位都係台底，放後面書存用拖板又唔方便我出入，睇書又會背光.........要諗諗佢

[ 本帖最後由 josephfreedom 於 2012-2-25 02:29 AM 編輯 ]

簡直一派胡言,不可理喻!!!!

我只係建議你應該想辦法解決吾夠地方/地方吾好既問題,我從來無講過要你出糧洗晒 d 錢,無叫你一定要去公園,無叫你搬,無叫你去偷...原本只係想希望你聽完有 d 啟發,理解一下攝影係要解決問題,而吾係逃避問題...你就響度發爛渣...我從來無提議過要你作奸犯科,要你傾家盪產...你要咁理解,我無話可說!!

請自便!!

咁人地只係講出我有咩資源同埋問我點樣可以利用佢黎影張好相你就又冇誠意又冇唔可以點點點咁係度罵，好難唔誤會你

我只係唔明白背景紙既重要性你就又話唔啱我玩又話冇誠意

[ 本帖最後由 josephfreedom 於 2012-2-25 02:33 AM 編輯 ]

請教失焦一詞.......同埋，點先可以防止到呢個情況發生，例如又好似ARCH ANGEL咁大份，FOCUS又放係中間唔郁得既話

如果唔係前後左右既話(例如我打斜影，而唔係從正面)入鏡既野更多更恐怖

[ 本帖最後由 josephfreedom 於 2012-2-25 02:54 AM 編輯 ]

想發揮好部相機連說明書都唔睇

木台又唔執(就算無位,執一執,再放設原位都唔會差幾遠時間掛?)

都知你幾有誠意了

落公園影下相有幾煩?

煩得過我知道有模友屋企唔做得,要落公園先噴到油,一樣有成品出,仲執得好好,呢D先叫誠意,呢D先叫有HEART

講開又講,我放版聚都真係有落背景紙WOR XD



GARY借你張相丫XD

落公園影相無難度

呢個係我屋企, 得一個A4 咁大既位


呢張相就係枱到影, 一塊布一支枱燈一個盒仔~


呢張係我係牀上面影, 都係一塊板一支燈一塊布

我想講如果係有心影幾大地方到可以影, 淨低既就睇你有幾執著係呢張相啦

其實DC仔都可以有唔錯效果架, 我下面架車仔都係一部入門DC,係書台既光管下面,舖塊白布就咁影咋,事後ps tune一tune個WB同對比度就ok




http://www.hkml.net/Discuz/viewt ... 3088&highlight=

夢大c，
你第一張未執"木台"亂葬崗亂影o個張都正過佢o個d好多啦。
起碼模型夠正pose夠型有"迫力"
剩係o甘睇都覺得你隻o野氣勢無限! m(_ _)m