我對上一次砌模型係兩年前, 朋友送左隻渣古俾我, 我上埋色, 遲小小post返相出來...

以下係我上次砌MG渣古+上色既step...
1. 我先砌好晒成渣古
2. 睇晒成隻渣古外露位置, 外露位置先上色 (事源因為我覺得上色成本太貴, 盒MG $180, 我上色花左 $600)
3. 把所有外露位置拆返晒出來, 用沙紙把cut出來的枝節位整滑佢，之後上筆地打底色(噴罐)，再上色(噴罐)
4. 我覺得整體都唔錯...at least我自己滿意...

問題來啦... 我朋友又送我模型一盒... "ACADEMY Hobby Model Kits, M1A1 Abrams "IRAQ 2003"" ，我睇完之後，我唔知點落手好，因為唔可以拆返出來再砌，因為要用模型膠水砌!! 用噴罐上色我覺得好易, 但係好似唔係隻隻色都有, 所以我打算買塗料用筆油，有以下問題想問!!

1. 軍事模型散件超多，是否件件都先打麼，上色先再砌?
2. 呢D模型要唔要先打底色再油，定係直接上果隻色? 　我砌渣古時直接噴色, 同先噴筆地後再噴色效果差好遠!!!
3. 用筆油, 我需要預先準備定所有要用既顏色, 油筆, 我仲有D嘜野需要準備定?  支筆用完是否用清水洗? 要上6-7隻色, 是否要準備定6-7支晝筆?
4. 我砌渣古用罐噴, 噴得不好, 我會用沙紙麼走D色, 再噴過, 如果砌軍事模型上錯色或上得不好該如何處理?

軍事模型我覺得好精細真係好靚, 我好想油得靚D... 今日突登走去買多盒 TAMIYA U.S M113 ACAV 返來諗住用來做上色試驗品!!!

[ 本帖最後由 M2A3 於 2010-6-4 12:51 AM 編輯 ]

砌軍事唔同砌科幻,上色舊化要求較高

筆油會有筆跡,而且咁多色可能會溶油

多謝帥兄指教! 今天到了書局買了兩本關於組裝及塗裝既書, 基本上我都有個概念去攪...!!

開油係冇一定比例既, 只有試油, 睇下上唔上到油...

上油既可以水性用開油水一齊用,用人會用火油, 不過上油時會就會感覺到係有少少分別既, 洗筆就用水就得了...

咁開油水既作用, 係另佢冇咁快乾定係另佢冇咁杰, 還是兩樣功能均有?

無一定比例

好似多數會開到好似鮮奶 噤既流質

妳自己搵垃圾試油睇下. 太傑咪加少少THINNER...太稀咪又加返D油嚕..

另外都可以用酒精開油.

佢唔係用噴, 係用筆油, 唔可以好似奶咁稀...

"咁開油水既作用, 係另佢冇咁快乾定係另佢冇咁杰, 還是兩樣功能均有?"

係冇咁杰....

水溶顏料= 好處手油可以用水洗筆, 但開稀要番x-20a,
洗噴筆要 x-20a咪好貴..

6-7隻色, 是否要準備定6-7支晝筆?
你鍾意大中細各一支加減乘 都得
我自己大中細兩set. 因為油性"油"洗完乾左硬"掘掘", 用番油水性油唔順手


唔知你有無見過 dry brush / weathering
http://www.youtube.com/watch?v=M2jNCRo_VyM&feature=related]

http://www.youtube.com/watch?v=vlQR5lna51M&feature=related


酒精=藥房10蚊支 消毒火酒 , 唔係d小大學生又問邊道平d

[ 本帖最後由 alexlee2 於 2010-6-2 09:23 PM 編輯 ]

試左搵D垃圾東西來上色, 初頭唔色開油, 油到一pat屎, 溶劑小就超快乾, 溶劑多又唔上色!!   不過都要多謝各位回覆!!

我又要人打救啦... 我真係攪唔掂, 用筆油左好多次都係一pat屎, 我接受唔到囉... 如果買槍噴, 係唔係好難會噴得樣衰呢?

其實我唔其求上色有各位師兄咁強, 因為都係第二次玩...

下圖係我第一次砌Gundam 時用噴罐上色既成品

  === > 上色前, 我先噴左筆地打左層白色底先再噴Color...








下圖係今次砌軍事模型買左既野...





上色方面其實我覺得冇可能我會油到成pat屎, 不過事實係仲差個pat屎, 是否我開顏料的問題呢?  本身水性油支油一打開左去, 見到顏料係最底, 面層有透明液體, 我相信係溶劑, 我用攪顏料既棒把兩層野攪埋一齊, 之後用筆去點顏料來油, 但係油落去有D唔係咁上色, 咁唔梗要啦, 咪當係上底色, 但係我油3-4滲都係咁, 越油越厚~~










如果我買噴槍, 效果是否與噴罐差唔多?   如果以顏料使用既成本來計算, 用噴槍噴會否比用筆油浪費更多顏料呢?

以入門來講, 買噴槍成set野約莫幾錢? 睇其他Post有人推薦 T-Hobby間野, 呢間鋪賣既野老唔老實架? 我又唔係話要價格, 不過唔想買完又唔合我用囉!! 我住北角好近我!!  

[ 本帖最後由 M2A3 於 2010-6-4 01:04 AM 編輯 ]

"如果買槍噴, 係唔係好難會噴得樣衰呢" <=== 唔識噴一樣會噴到成劈屎咁

"但係我油3-4滲都係咁, 越油越厚~~" <=== 你心急囉, 未等一層乾透就再油上去

"如果我買噴槍, 效果是否與噴罐差唔多" <=== 你去成品區睇下師兄們既作品就知用噴筆可以有d咩效果

"呢間鋪賣既野老唔老實架?" <=== 你去商戶區, 然後係 T-hobby 出 post 問下 T-Hobby staff 佢地老唔老實

[ 本帖最後由 正經和尚 於 2010-6-4 01:24 AM 編輯 ]

單睇上色圖已經知樓主係好心急既人, 試去制作過程分享區 參考下師兄師匠上色技巧先拎你既模型把玩

你手油都未搞掂就玩噴筆有d未學行先學走既感覺wor
就算有噴筆有d細位都有幾會要手油, 不如你比d心機手油好一兩隻先啦

答左你個問題先, 無話入門要幾錢, 睇下你有幾多budget, 不過成套起碼都600以上ga la
同埋唔建議買到最平, 平野快壞一樣唔"禁"玩
我諗你無特別要求(唔駛靜音 儲氣 唔駛靚筆)既話買800-1000蚊一set入門差唔多
你想知清楚d問 T-hobby 佢實幫到你

手油用油性會好掌握d, 因為快乾容易油多幾層
水性一層油未割晒再油上去就好易搞到一達達
其次大範位既就用支闊身d既筆, 係同一個面到油得愈少下完成筆痕愈少
第三, 油完一層換個角度先油第2層, d筆痕打晒交差咁都會無咁明顯
4 最重要既就係油既稀杰度  好難形容  主要靠經驗  新油大概開稀1倍左右
5 手油光澤油想靚無咩可能, 退而求其次油完噴消光, 筆痕立即會減少7,8成
仲有好多唔知點講既經驗........總之你試多幾次, 唔好一次唔成功就放棄啦
你咁樣買完噴筆都會再出post話噴得唔靚, 仲有咩其他方法一定靚

好我再耐性地試試, 不過師兄門你睇我既圖... 我耐性地油幾日先再post...

好奇問一問, 圖中你油左白色既係afv黎?
點解你唔箭落黎就咁上色= ="
去水口, 打磨, 去夾口d步驟去晒邊......

其實每次砌一件模型都基本功真係好緊要, 如果你諗住跳晒d 打磨去夾口既步驟一黎就要玩d好advance既技巧, 最後你只會比d基本野糟蹋左你成件模型

想當年我油完第一隻高達 (係用利是錢買既super gundam) 覺得油完仲差過無油 (事實亦都係咁...個時連要開稀d油都未識) 真係好灰心
之後上左依個壇學到d野再油隻gp03s就靚仔好多, 整模型既動力即刻大左好多
跟住再整多左2隻高達先買噴筆............然後再整多左幾隻先達到說明書demo既水準

諗番起真係咸豐年既事, 個時既account已經係幾年前hkml出問題個陣無左
個陣部super gundam都因為太"眼冤"而重制左, 不過當時油第一筆既g-defencer戰機仔都仲keep住, 用黎勉勵下懷緬下


夜晚無野做講左好多無謂打tim = ="
其實我想講既係模型依項興趣好訓練耐性, 依個亦都係愈黎愈少後生仔玩既原因 (即食文化當道, 打開部腦有機打)
我見上面有師兄話你好似好心急咁, 所以係到鼓勵下你唔好放棄
等你整完post上黎, 到時再比d意見你

[ 本帖最後由 GaryMok 於 2010-6-4 02:07 AM 編輯 ]

我砌個Gundam渣古係剪出刀做晒D野先上色的, 我出第一個post己經問洗唔洗件件剪出來打磨整好晒先油, 因為件件都太細件, 又比較軟身, 最後冇人答, 我買書睇, 書話零部件太細, 建議油左先, 再剪出來打磨再補返色

我想知邊本書甘講  "油左先, 再剪出來打磨再補返色" 甘樣咪多左層功夫囉..
正常砌咩模型都好大約有以下程序
1, 睇一次說明書先 / 上網睇下人地完成品或製作post , 睇下有咩地方要注意
2, 剪件 , 修水口 , 打磨 , 補畢地(畢地要等24小時至乾透)
3, 假組一次先 , 睇下邊part可以一齊上色 , 邊part要分件上色
4, 噴底灰 (檢查有無未打磨好, 有既就打磨好先 , 噴底灰可令之後噴主色時 , 顏色可更貼伏)
5, 上主色 (噴鎗 , 噴罐 , 手油都好 , 睇天氣太潮濕就唔建議上色)
6, 噴左主色起碼都要等24小時至乾透
7, 上水貼
8, (車)噴光油 / (AFV)做舊化 / (高達)噴消光
9, 完成post上HKML

我見師兄都係有心砌模型既人 , 相信你都睇到好多師兄都好用心解答師兄既問題
不過都係果句砌模型唔可以甘心急 , 基本功都未練好就係甘買工具只會o徒錢
建議師兄去 模人問, 模人答  ,  模型人技術交流區 及 製作過程分享區睇各師兄既講解先再決定買咩工具
anyway希望幫到師兄~有咩唔明可以再問

白色油成pat屎/ 一撻撻 是田宮水性油 難均, 如果支筆或手勢都好明顯, 我總覺得田宮油完似玩雪地迷彩,不能極gundam 光澤咁.
初學手深色油會 易d.

http://www.youtube.com/watch?v=4VQS_MdvAow&feature=related

你遲出世,買不到上世紀好雜誌 全方位, 請自己多d去台灣d blog 睇人step by step 制作(坦克, gundam)

影2張俾你有個啟發

漬洗=樓上youtube 睇 washing weathering卒 坦克






[ 本帖最後由 alexlee2 於 2010-6-4 02:15 PM 編輯 ]

邊本書~~ 我遲D補相~~~

4. 噴底灰, 是否必然每件要上色既 Part's 都要做?  我今晚收工去搵來試試先...