自己有時多野做冇乜時間 但又想偷空開壇作法既話，

會省略左上灰呢個工序唔做 (其實係懶)，因為自己試過比較完成品其實冇乜分別，

可能係一D遮蓋力低既面油例如紅色呢D分別會明顯返Ｄ，

不過好奇想問下各位同好有幾多人同我一樣？(只講模型)

謝啦！

000-3901-0 兄 真有效率，咁快回覆倒，

其實你覺得上同唔上分別大唔大呢 ?

我會　　　　　　　　　

我呢d用400砂紙打磨完就算ge懶人唔噴灰會死得好慘

唔噴灰o的油咬唔實架喎~尤其是唔係搞手辦,笨大mg件o的面鬼咁滑溜,o的油唔咬件就會流落/積係刻線坑度,又好大機會會有水滴位,同埋據講唔上灰o的色調會比較快變(褪)
另外紅色....要上得好都唔係灰唔灰底o既問題,係打唔打底色(通常用鮮黃打底)o既關係

[ 本帖最後由 Winson 於 2007-11-26 08:17 PM 編輯 ]

我覺得一定要，唔噴會有偏色

唔上灰打磨時要做多好多攻苦個校果又冇咁好 , 不如乖乖地上層灰好過啦
我有上灰

我會

除非某Dparts經過大量人手改造才會噴灰汁下模件.

一D detail 既parts上過灰就玩完......
就飛機來講,表面噴過灰就無左光滑的金屬材質,刻線會變得模糊,難以滲線.......省下1000字.
就戰車來講,假如你係金屬砲管上再噴灰會導致上色後成品效果同一般注膠砲管無異.使得金屬砲管失去意義,變得唔夠SHARP,補品用左=無用......省下1000字.
就船艦模型......大比例的都或者OK,去到d1/700船仔,係D PE上面噴灰......玩完,省下1000字.

其實噴灰目的在於鑑定模件狀態,修補細微瑕疵和為上色打底.
但對於精確的模型製作,噴灰就剛好係反效果.搞到無曬D Detail.
至於上色打底,表面清裡得夠好(洗白白),就唔使怕顏料唔上色,用其他顏色打底再噴面色,效果最好.

通常噴,有時懶得滯小零件就唔噴,因為d灰噴太厚要等好耐先乾....好麻煩

我就覺得係
1.懶and勤
2.快and慢
3.粗and精
三個問題的平行~~想必各位都明我講乜架啦~~~

請問個原理係咩,點解用黃色??
重有冇其他色係須要打底的?

咁呢個就算唔去到戰艦級~就算係砌高達手辦改件,噴灰都已經遮左唔少刻線
我見街幫人砌戰艦o個o的人,寧可上灰前後加深/重雕刻線都要上灰~
至至金屬件處理自然另計啦~當然唔同做法~多都唔上,但就算上灰都有分普通灰同金屬用灰啦~

我成世人戰車加埋飛機得五部定四部,無咩深究過技巧,
但我幾記得以前係模型鋪睇/聽/偷師老一輩高手教係照上灰架喎~
師兄又點睇呢?
今日技術勁左?好似最早期塑料模型要洗離模今日唔需要咁?
唔係玩野純粹係想問下,學下野~

紅色遮蓋力太低,基本上實會透到個底色出o黎~
用灰底直上紅會會暗
用白色打底會啞
至於點解係黃,因為係同色系,而且係基本色,垂手可得~

當然,睇情況可以反過利用紅色呢個特性,例如如我想要偏暗o既紅就可以唔洗溝色
直接係灰底上,或者用啞黑打底之類~

另外一定要打底係近一年無數人問過o既金屬色系~(為隻sf)
要噴得靚,似真金屬,有反光感就要噴高光黑打底~
有人直情噴完黑再加多層光澤再打磨先噴金屬色上面

其實無話咩色[必須]要打底,睇需要,例如你想要好暗啞feel o既銀色,自然唔洗用黑底
總之自己睇返油質,密度同遮蓋力決定~

歡迎討論

砌船真係好睇比例,1/200放落水玩,同D落足補品waterline既戰艦,砌落可以完全兩回事.
要渣係手or放落水玩的模型,為求顏料夠實淨,比我都會噴灰打底.
不過對於要求精緻的靜態模型,噴灰打底係有害無益的.
自問我以前仲係"新手"時,都以為噴灰打底係指定動作,後來有達人提點後才明白噴灰的好壞.
E+我主要玩戰機and練習緊砌船仔......

另外,比大家睇下lee個飛機神人,拿過唔少大獎......
係唔噴灰打底的.
http://www.naritafamily.com/Scalemodel/airplanes/photo_frame.htm

Actually to me , because I am using Mr Color 's Arcylic paint so i always put the Primer on top and want the paint 咬實D also i am one of them " 我呢d用400砂紙打磨完就算ge懶人唔噴灰會死得好慘"

一般 MG 可以唔上就唔上.

唔上灰..遮唔遮到補夾口d位架??

我吾會上灰lu, 我習慣用"沙紙棒"磨到成隻件鞋晒先(先粗後幼),
一來可以當上左灰甘check件, 二來吾駛驚吾上油,
我個人喜歡鞋鞋地ge質感, 有DD紋真實好多, 上完色都冇咁膠