爬左文 2-3日  又睇左下片
發現模型上色都唔係一件易事

小弟黎緊想自己試砌一部
計劃如下 希望師兄可以解決小弟既問題/給小弟一D建議

上色:手油 用水性 (手油用水性比油性好 其實岩唔岩?)
原因:噴罐比較貴 同好似難控制 <師兄們建議手油定噴罐好?
      噴槍/筆 未有資金 看過文 若買龜泵 不如儲錢

先小試牛刀
模型 :HG GX-9900 (GUNDAM X) (其實我有盒MG WING ZERO CUSTOMS 但怕整到一舊X出黎 )
但好似搵極都係得1/144 搵唔到1/100

第一部 試砌/打磨

剪出所有零件
試砌 (我見過2種試砌方法 一種係轉大D個洞 一種係剪崩條長條 其實有冇話邊種會好D?)
將所有外露水口 用400沙紙打磨 再用800沙紙打磨

第二部 無逢處理
先分件(其實我仲未領略到分件果個方法)
再將適合既件 再模型膠水/AA膠痴埋
用力必D膠水出黎
等乾
再用400沙紙打磨
之後再用800沙紙打磨

第三部 灰底/噴灰
將所有件噴灰
用油性灰底 (我之後會用水性油黎手油 會唔會有問題? 因為我見話油性灰底 之後D色易上D同實D)

第四部 上色
用水性 雙星油 手油上線
開油水:水/專用開油水(水性) (用水好似話會成世都唔乾 咁係唔係一定要用開油水?)

第五部 慘線
用面筆 用黑/灰 雙星髮廊漆黎滲 (我想知 我咁慘 會唔會令之後上既色都化埋?)

第六部 亦都係最後一部  噴消光
噴水性消光
咁樣令到部機成部睇上黎D色會平均D
同埋保護D油

完成 希望係LA

再一次感激所有C兄既幫忙

[ 本帖最後由 風緣 於 2010-9-19 03:30 AM 編輯 ]

你一路砌,有咩唔岩,D師兄會教你架啦~加油

我會加油嫁LA
咁我打算計劃好曬
有個概念嘛=D

好事黎GE

加油啦,呢度所用人都由試開始,唔好驚錯,因為係一定會發生.
唔好諗住一次就可以做好晒所有工序,肯試肯錯,先至係成功之路.
如果唔係學唔到野架

ok! 我明白有d野係要錯過先知 有印象
但小弟係學生 資金有限
好多都係消耗性 我怕有D係一錯反唔到轉頭

[錯]係砌模型入面必經階段

我都係學生.......
一錯反唔到轉頭,我都有,我成隻NG SAZABI做錯晒,
冇左成千幾蚊,肉痛到我呀.
模型界一直有句明言,"模型係燒銀紙的"
係一定要儲錢同慳.
慢慢黎啦,我由手油到宜家都3年啦.......

師兄你3年都係手油?
唔轉噴槍既?

有時唔好有個錯誤既訊息 噴一定靚過手油
手油都可以靚過噴油的!

我以前 手油 開始... 而家先用槍
BB 素組=>手油=>手油+罐=>手油+罐+槍=>?????
有排學...
手油我覺得係基本功
開頭個個都想唔"錯" 基本上係冇可能(就算你睇左好多資料,唔係叫你一D都唔睇)... 加上我喜歡不停試新野...

手油玩住先 如果＄唔多, 噴槍有好多野煩 $ 係其中之一

p.s.我仲係新手.. 成品數目 0 0

[ 本帖最後由 raymondtang 於 2010-9-19 10:33 AM 編輯 ]

唔係,我手油左2年,噴槍用左一年.
儲左成年幾$先買PUMP,順便肯定自已係唔係真咁有恆心繼續砌
手油唔一定差架,只係陰影,漸變D效果好難做到.
但如果做舊化工序,手油就大派用場.
而且有時手油細部會比用噴筆易,所以手油係必練之道,加油!!

小弟都係學生
之前咩野都唔識
浪費左隻hg god gundam
依家諗起都覺得如果冇佢ga浪費
都唔會做出我令我滿意ga模型

第一之衰左唔怕
最緊要第二識得企番起身

多謝各c兄既意見
睇黎我要再努力d爬多少少文
再一試身手la咁

小小提議：

要有支界刀筆（一般文具舖30蚊買到），因為 cut 起野上黎就手過 cutter。

做無逢時，等膠水乾透後（最少三日，最好一星期後），我會用界刀筆垂直於模型面，先挖走多餘o既膠，之後先用沙紙磨！否則好容易磨多左！

另外你可以買D三四十蚊o既 SD 黎練習無縫及上油，再唔係買 D 50零蚊o既舊 HGUC （好彩o既話，50零蚊都買到隻RX-78-2高達架喇）黎玩，好過一黎就用隻 X gundam 黎做實驗（不過如果隻 X Gundam 係舊o既 HG 就另作別論），唔好咁浪費嘛！

努力；加油；奸爸爹！

好!
筆刀已有!
今日去過模型店睇過d料
膠水方面 師兄你建議用邊隻水?
模型店都有工業用果 D aa膠 雙星
原來噴灰底都有分1000同800號 我唔係買 所以唔敢問

c兄你痴左膠水 係唔係拎d夾幫手夾實佢?

第一部 試砌/打磨

剪出所有零件
試砌 (我見過2種試砌方法 一種係轉大D個洞 一種係剪崩條長條 其實有冇話邊種會好D?)>>>>>>>>  冇.. 自己方便就可以
將所有外露水口 用400沙紙打磨 再用800沙紙打磨

第二部 無逢處理
先分件(其實我仲未領略到分件果個方法)
再將適合既件 再模型膠水/AA膠痴埋 >>>>>>>>>>>> 盡量唔好用aa膠痴塑膠模型, 日後會爆開的.
用力必D膠水出黎 >>>>>>>>膠水要上兩次以上先可以用到呢個方法, 每次等半分鐘左右
等乾
再用400沙紙打磨
之後再用800沙紙打磨
唔成功就要補畢地/aa膠+爽身粉之類方法去補, 照樣要打磨


第三部 灰底/噴灰
將所有件噴灰
用油性灰底 (我之後會用水性油黎手油 會唔會有問題? 因為我見話油性灰底 之後D色易上D同實D) 所有水畢地/灰都係油性的

第四部 上色
用水性 雙星油 手油上線 >>>雙星水性係適合噴多過手油的. 轉用郡仕水性 或用 水膠彩, 水膠彩係非常適合手油的, 開稀d都冇問題, 稀d只要等乾左再油多幾次就得了, 筆痕亦唔明顯的, 建議用lifecolor
開油水:水/專用開油水(水性) (用水好似話會成世都唔乾 咁係唔係一定要用開油水?) 郡仕水性可以用火酒.

第五部 慘線
用面筆 用黑/灰 雙星髮廊漆黎滲 (我想知 我咁慘 會唔會令之後上既色都化埋?) 係琺瑯, 唔係髮廊

第六部 亦都係最後一部  噴消光
噴水性消光
咁樣令到部機成部睇上黎D色會平均D
同埋保護D油

我個人就中意用雙星綠蓋，夠快……不過就經常要補爽身粉

我用白蓋孖星，如果新開樽會略稀，每面我會塗三次；用得一段時間會杰D咁就塗兩次都得！

之後用到得四份一樽咁上下，一來D膠水開始好杰，二來支掃開始點唔D膠水乜濟，咁我就會開支新o既白蓋孖星膠水，倒半支入舊樽度，咁杰度又適中，可每邊塗兩次！

AA膠我係五金舖買6蚊支果 D！

而底灰而言，如果 final 個面會係光面，咁用 1000 會好D！另外如果上色係遮蓋力較弱（如黃、紅等）就要用白色底灰，不過呢期改左用 GAIA 白色做底，因為呢隻油遮蓋力幾強！

ps 我如上相同件色時，如藍身上藍色等（紅色例外，紅色我會上白；黃；紅，咁先夠鮮色），我會唔上底灰……懶呀嘛！

[ 本帖最後由 spencerkam 於 2010-9-21 07:34 PM 編輯 ]