大家樂捉字蝨加價 5%

剛說不帶頭加　如今指其他快餐店已加
本港龍頭連鎖快餐店大家樂月前爆出扣飯鐘錢風波後，主席陳裕光為修補形象，公開表示不會帶頭加價。言猶在耳，有市民踢爆大家樂本周日起靜悄悄加價達 5%。有立法會議員指摘陳裕光的不帶頭加價言論是捉字蝨。

大家樂「粉絲」梁太幾乎每天都光顧大家樂，她周日（ 19日）如往常到將軍澳尚德邨的大家樂，吃至愛早餐柴魚花生粥配炒米粉套餐，「點知一睇餐牌，前一日仲係賣 18個半，嗰日就加咗 1蚊，賣 19個半，加幅 5.4%」。她即時向收銀員查詢，對方回應指本月 19日起全線大家樂加價。她丈夫同日光顧灣仔大家樂的下午茶細碗叉燒飯套餐，價錢由 20元加至 21元，加幅 5%。梁太不滿地說：「大家樂主席（陳裕光）之前話唔會帶頭加價，就算加都係出年最低工資實施後先加，點知突然提早加價，好離譜！」  

扣飯鐘損形象
記者昨以顧客身份到大家樂金鐘海富中心及調景嶺彩明商場的大家樂查詢加價事宜，職員表示，部份食品周日起加價 1元，細碗叉燒飯下午茶套餐由 20元加到 21元，西蘭花炒魚塊、蛋花粟米魚塊、菠蘿生炒骨等小菜套餐，則由 40元加至 41元。

大部份食客均表示不知大家樂加價，有受訪者說，自從上次大家樂扣員工飯鐘錢，對大家樂的印象已變差，甚少再光顧。也有市民指，在大家樂加價後，會光顧其他食肆。中五學生許同學說，大家樂加價對低下階層影響最大。酒店業黃先生說，大家樂帶頭加價，「大快活都會跟住加」。

大家樂發言人回覆本報查詢時承認本月 19日起全線大部份食品均加價，平均加幅 3%，約加 5毫至 1元。他強調加價是因為食材價格上升，與明年實施最低工資無關：「（陳裕光）都冇話出年加價，最低工資實施會令成本上升，呢筆額外開支會由盈利嚟填補，唔係用加價嚟填補。」他又否認帶頭加價：「有其他快餐店加咗價，邊一間唔方便開名。」

酒樓壓力更大

曾發動罷食抗議大家樂扣員工飯鐘錢的立法會議員李卓人直斥陳裕光的不帶頭加價言論是捉字蝨：「大家樂係連鎖快餐店龍頭，呢個月唔見有其他大型連鎖快餐店加價，今次佢加價，唔係帶頭係乜？」

餐飲聯業協會會長黃家和表示， 10月至今食材不斷上漲，全行均有加價壓力，而酒樓的壓力大於連鎖快餐店，如酒席用的東星斑，由 10月來貨價每條 300元升至 600元，酒樓暫未敢加價，怕客人流失，「連鎖快餐店入貨量大、議價力高，加價壓力相信較細」。

掉佢鹵毛！！！以後唔九帮襯佢！！！之前都甚少幫襯！！！
佢娘親臭田！！洗唔洗賺到咁能盡呀！！！
香港都係玩完 ga la~~~~

香港哪裡會更美好,香港只會更加爛而已.

自從上次扣工資事件後, 都無再光顧過這間食肆.
一來價格太貴, 二來不仁不義.
我完全想不到甚麼理由去支持我光顧它.

上次聽佢發言依然重伸計埋飯錢已經差唔多係最低工資

就知佢根本唔係真心改過 鬼拍後尾枕 死性不改

香港既制度對佢地無制衡 傳媒又唔敢得罪親政府人士唔敢做大佢
(咁加法 唔通佢地真係天真到有日唔會死到佢? 唸下秦滅六國啦)

唯有市民企出來擺食啦

其實係早兩個月扣飯鐘錢時已開始逐樣食品慢慢加價, 之後每一兩星期就發現佢有樣食品加咗 $0.50, 加得鬼鬼祟祟...

對, 條脷冇毛! 條脷冇毛!  

又要靠阿仁哥出o黎搞全港擺食!  

全港擺食! 全港擺食!

罷食~~~~罷食~~~~罷食~~~~罷食~~~~罷食~~~~
仲有領匯果埋CHAIN SHOP
繼續罷食罷買!!!!

本來我都沒咩食大刻薄

但而家見佢又咁狗,係咁加,沒良心

而家叫班friend唔好去食大刻薄先~

SUPPORT!!

我以行動支持罷食大記，仲繼續罷食，同事叫我都唔去。

雖然其他餐廳快餐店都加左，不過人地第一食物有水準，第二唔會小小家家話唔加又加！
我有預感，呢條低能陳光裕好快會比老闆踢走，好似D球會連輸18場，個老闆唔講甘多，第一時間踢走個教練先！

真係錶佢又無, 形象已經插水, d 野又唔係好食, 加到咁很貴, 我已經甚少去食佢d野, 2x 蚊嘅早餐, 茶餐廳都好食過佢, 又熱又大份, 果杯咖啡已經拋離佢幾條街啦. . .
  最憎條死陳扮可憐, innocent 咁, 又係度搞小動作, 無信用 . . 一條pk.

支持, 真係食茶餐廳好過. 我都好耐無去大記食了, 上次得自己落家樓下一個人食, 諗住近近地算, 入到大記, 睇完個餐牌有d9唔搭8, 最後行多5min去食茶餐廳

以前唔食茶記去大pk度食野係因為平,而家d野都貴過茶記la,仲去大pk燒銀紙...係咪中左鴉片毒ar!?