我想請教各位師兄處理車身既步驟。讓我可以參考下。

皆因我用左自己個方法之後，係滲線上出現左問題。就好似我架雙星911 GT3咁，個車頭蓋面果兩條坑，我一點油落去。佢都滲唔到，我懷疑自己噴得太多層油。所以想各位師兄指點下閣下既方法。

*用筆刀刻深d坑
*噴底灰，跟住磨 （20cm距離）
*再噴底灰， 跟住磨（20cm距離）
*噴主色，係咁易噴下，有色就算，每個位來回噴兩下到。（20cm距離）
*噴主色，每個位來回噴四至五下（10cm距離）
*噴主色，每個位來回噴四至五下（10cm距離）
*噴主色，每個位來回一下。噴到滴水，但乾左冇事，仲要唔起沙。（4cm距離）
*噴光油，係咁易噴下，每個位來回噴兩下到。（20cm距離）
*噴光油，係咁易噴下，每個位來回噴兩下到。（20cm距離）
*噴光油，係咁易噴下，每個位來回噴兩下到。（20cm距離）
*噴光色，每個位來回噴四至五下（10cm距離）跟住磨
*噴光色，每個位來回噴四至五下（10cm距離）跟住磨
*拋光
*滲線

噴到滴水。。。。可想而知有幾厚啦

上期機動世界有介紹噴車方法

其實我會唔會噴得太多層?
請問師兄們可否分享下, 自己用開既方法

1 表面沙紙（1000號）處理，
2 第一層（1000號）噴灰，等一日乾，
3 第二層噴淺或深底色，作用令主色更加”搶”眼，等一日乾，
4 第三層噴主色，唔好太厚，等二三個鐘再噴主色，都係唔好太厚，剛剛見唔到第二層打底色就ok，
5 如果主色已經係半光澤，可以滲線及貼水貼，否則就要噴半光澤透明油，容易d滲線，因直接用光油太滑好易抹走滲線，
6 完成滲線同水貼，等一日就可以薄噴一層透明光油，等一日乾，
7 用 2000號少紙濕水輕輕磨走水貼位高低，小心唔好磨穿，
8 再噴透明光油，等乾，再用唔同號數（3000，5000，8000，9800）rubbing compound 慢慢拋光。

希望幫到師兄，請其他師兄多多指教

唔該哂, 咁我想問下係2,3,4步驟, 需唔需要用到沙紙去打磨?
因為我成日都噴到佢起砂粒粒, 噴到我驚

基本上唔需要，噴到起砂粒有好多原因，如噴筆唔乾淨，油開得唔夠thin等（我通常d油thin1.5至2倍，開筆之前都會用thinner開開枝筆，唔好太dry)。如果真係噴起砂，就用2000號沙紙輕磨到滑，如果噴花，二層油高低都係咁處理

[ 本帖最後由 chlalan 於 2010-11-11 10:32 PM 編輯 ]

光油一日就磨????上水貼同滲線前噴半光油???.....其實.....你不如....自己....試左先教人啦

光油流晒入線位度就自然滲唔倒，每層油都噴薄d就無咁易聚油。

好野有高手出手，不過你又知我末試過？冇show成品係hkml=冇試過，師兄=先知？ 我唔再講，廢事煩

咁你快d post出黎睇吓等我學吓野

我自問技不如仁，不如請師兄出手指導指導後背

唔同光油乾燥時間有所不同，thinner份量同噴o既厚度都會影響乾燥時間，但就算用到需要加入硬化劑o既2K油都要三日左右先可以打磨，一般油一個月都已經窄窄地，咁一日你話得唔得？

線位其實係車身上面o既空隙，點可能反光？咁你滲完線先上光油d線咪會反光？光澤表面上水貼易d定半光澤上水貼好d？

教人係好，但教錯反而會誤導其他人。

[ 本帖最後由 wongleo 於 2010-11-12 12:54 PM 編輯 ]

多謝師兄指教，我指是分享自己砌法，師兄方法是專業方法，我自己覺得砌摸型，其他人嘅砌法可以用來參考，自己怜悟及嘗試最重要

請師兄們見諒

[ 本帖最後由 chlalan 於 2010-11-12 02:08 PM 編輯 ]

以我個人認知...
光澤 滲線水貼都會易d...(水貼易貼服,冇咁易有氣殘留係底...)