我先用黑油噴了3層
之後再用光油噴了3層
再用了細目“摔“ 過了一陣用水洗
點解都做唔到鏡面效果？
係咪做錯左？
新手求賜教
thz

仲有。。。係咪一定要用模型專用果 D沙紙? 見要2X 好貴
我噴完光油再磨佢就花晒,正唔正常?

細目->仕上目->臘水

用 2000號水磨砂紙小心地全車磨一次, 要小心磨穿d油露底, 初頭效果好似好差, 啞晒色, 跟手用細目拋光, 最後加蠟水就好靚.
如果你第一次砌車, 唔好要求太高, 鏡面可以話係終極要求, 唔好要求第一次就想整到.

....無講噴完等左幾耐...唔知同光油硬晒有無關係...

仕上目一定要上？
臘水···係咩樣嫁？

細目拋光即係摔？
蠟水點用？新手唔好見怪···
Thanks

代答

仕上目一定要上？ -- 係呀, 你要鏡面吖嘛

臘水···係咩樣嫁？ -- 乜樣唔仲要, 去模型鋪比錢買就得, 幾十蚊.

呢到有幾個 post 有關鏡面製作, 自己search 吓,

死火，仕上目48 ,臘水又60  咁貴 點算
人身在Mk
一定要買晒2樣？
淨上仕上目唔上X水 又O唔ok?
Thanks

粗目-->細目--->......

砌模型係要投資工具的

反正唔係砌得一次

你唔係噴完一日砌刻磨嘛!死得喎!

係嘅話,擺番兩三禮拜乾左先用砂紙磨(1500起)

不過第一次唔好諗住成功囉

1. 噴油, 唔係用噴幾多"層" 去計夠唔夠厚既.
2. 步驟係冇得亂偷既.
3. 油係須要俾足夠時間去乾去縮水既.
4. 要拋光到鏡面, 光油一定要夠硬

想要鏡面. 首先個底要就滑, 唔夠滑就要噴油噴得更厚.
油有天拿水/開油水/thinner/溶劑(隨你點叫, 都係同一樣野), 油一厚既, 就一會揮發晒先叫乾, 一乾既時候, 原先呢d天拿水佔據既體積就會消失, 亦所以會縮. 一縮就會有橙皮紋.
要消走橙皮紋只有磨走佢. 嚴重既用幼砂紙磨, 輕微既就用粗目拋. 一定要磨/拋平左表面可能去下一步.

冇計 鬼叫要鏡面咩
gunze 個3 支仲貴

如果你要求高... 成本自然增加
好似 D 改件 parts 咁.. 唔平 但係效果好

明白
如果要好似LINK 中C兄效果又難唔難?
http://www.hkml.net/Discuz/viewt ... &extra=page%3D2

我噴完第一,二層等左1兩日先磨
之後個幾禮拜先再噴
噴光油係幾個月之後既事(冇時間),前後3層都分開左幾日,唔係即刻磨呀

噴油唔洗等,  可以即日添. 要等既係磨. 要乾左縮左先好磨.

明白，thanks
但係如果嘖左一次，個面有塵係咪都要等磨？

細節上還有點不明。。。
1. 噴油, 噴油 , 再噴油
2. 等，磨
3. 光油，光油，再光油
4. 等，磨
5. 細目再仕上目
步驟上有冇問題，還請指教，之後仲要點？

有磨就要乾左, 不過都唔洗等完全乾. 一日到就磨得.

咁講啦. 上主色既噴幾多層係冇關係既. 夠色就可以了. 每層都唔洗等到完全乾先可以再噴, 表面乾就可以. 不過一有塵就要等乾先好磨.

點解"同色"可以唔洗等完全乾. 好簡單. 因為再噴上去既油就係濕油, 一定會同一定要"拿"到下面層油先咬得實.

光油都一樣. 不過光油應該盡量噴得厚多少少. 因為一定會/要磨. 要預留厚度去被磨薄. 而且要小心唔好磨穿光油.

要知有冇磨穿好易. 光油係冇色. 當塊布染有底色就係穿左了. 咁就要翻噴光油.


我見你張相唔肯拋光上有問題, 而其實係噴得都唔好, 唔係橙皮紋咁少事, 而係好鞋下. 咁就要磨返滑先會拋得靚.

差唔多了. 如果底油噴得滑, 係可以skip step 2.