又要有上進心,又要講學歷,仲要唔想佢走,但人工唔高,$9000左右,最好係e個位做返3,5,7年咁
請後生仔又怕佢走(唔通有人想$9000做過世?)
請中年人又怕中招(怕個底唔好,成日話工傷,又怕吸收能力低,教極都唔識)
其實佢想點?請個機械人?
又要馬兒好 又要馬兒不吃草

[ 本帖最後由 小室哲哉 於 2012-9-23 01:05 PM 編輯 ]

有上進心, 有學歷 -- 就唔會肯$9000 做3,5,7年
有上進心, 有學歷 -- 就唔會肯做"低識位" 3,5,7年

D人叫佢請D 4X歲果D lo
3X歲果D實睇唔起$9000
請D 4X歲女人,仔大女大又得閒想做下野果D

夠我老闆變態,
我咳左成個星期,
琴日睇完急症,
醫生開左D 氣管舒長劑食緊(咳左成個星期)
他重敢擔死話,做咩講野無神無氣,心諗你試下甘咳,我咳到嘔

老闆諗的人我覺得係永遠無人諗到- -

當然有人諗到, 只係d 無血性既人會諗到姐. 所以只可以對工作有熱誠, 但唔好愛上你既工作. 更加唔好愛上你公司.

其實呢十幾年都冇乜聽過d老細驚人唔做/走...

登個广告成過百份resume , 以前去見工 , 一邊見工 , 一邊見倒隔離fax機不斷有resume 入

曾經見過份 , 老細問我夜晚有冇返緊學 , 我心以為佢想請呢類人 , 我未答佢 ,
佢已經話  : "你知啦 , 你夜晚返左學 , 就無得ot..."

[ 本帖最後由 oj 於 2012-9-23 03:28 PM 編輯 ]

認同,
愛上自己公司,除非老闆好好人,
唔係都會死得好慘

唔知你做邊行，我個範情況係工求人多啲，resume係多呀，見工時個個三尖八角，真係夾硬請，返幾日嫌悶有唔做。自問都唔係啲鬼工要人命嗰類都係咁

"返幾日嫌悶有唔做"就係態度問題了, 一係份工完全係冇前景(講笑, 如: 賣咸碟), 咁走人都唔奇既. 不過呢代d 後生就....
不過後生仔讀書唔多既, 乜野工都要做架啦. 有時所謂"工作經驗" 唔洗一定要佢專門既, 就咁係"職場"打滾", 識點執生就已經係好好既工作經驗了.

咁岩個case掉番轉 佢咳到死死下好心休番兩日息啦 係咁咳好煩  不過心幾涼下

[ 本帖最後由 edo 於 2012-9-23 03:57 PM 編輯 ]

我都係23歲 , 係銀行做內部, 又係9k 上下一個月
一入去到果刻已經無諗過會做得耐, 頂到盡2年......

好正常,人望高處
9k 其實食飯搭車其它開支家用已用左好多,冇乜$淨
我覺得11-12k左右就先開始夠

叫你老細請個廿五六歲結左婚有埋個幾歲大既仔女重有層樓供緊既, 就唔怕佢會走.
不過呢 d 人唔會見份9k既工

特別係大公司....當你先到你對上一層先剛剛30歲, 即係有排做
一年加你5% 人工....7年後你先得12k
講咩人生大計......結婚.....
出生率靠晒  李氏

介唔介意講下份工主要做咩??而學歷有要求係指要u grad??
不過點都好, 有上進心就唔會想做一份9k工仲要做3,5,7年

11k-12k 對依家既黎講 其實都係岩岩夠洗.....
9k其實都冇乜作為......

文職野
學歷要求寫就係中五
實質中七先睇
最好係degree,HD也唔錯
大專生同你做3,5,7年?
中五生都未必會啦
最好笑係:流失一定關果個人事,唔關人工事所以後生一定唔穩定,老的就一定穩定

[ 本帖最後由 小室哲哉 於 2012-9-24 09:28 AM 編輯 ]

首先申報，我係老餅，我明白你老闆霖乜，亦見過好多例子，所以嘗試解答你既疑問：
1）其實師兄你老細剛剛請左果個係咪你呀？甘大反應？
2）老細想人有上進心，即係話呢份工有晉升機會，將來熟手有表現，會搵多D，9K只係起薪，唔會一世9K架！（有上進心但份工無得上進，個人咪好快走咯）
3）有學歷代表果個人起碼都肯努力，讀書都科科窩，好難想象果個人會幾勤力咯！
4）中年入職，無可否認有些肯努力，表現係會唔錯，但有些高不成低不就，好似行屍走肉，唔生唔死！
5）後生又有些少學歷確係心多選擇多，所以老闆請左都怕做唔長，無辦法，老闆都係博一博咋！

以上皆小弟見過好多例子，有些是現在做緊既同事，

我老闆都有呻話：
而加D後生仔，又要份工舒服，冇壓力，唔辛苦，人工高，返工夠近，
準時放工去Clubbing （又冇要求準時返工 ），升職快，過Probation即刻要加比佢...........
所以，請人唔容易架！

我做左半年,老細剛剛請左果個唔係我
9K只係起薪,但果個位一年最多加你300蚊人工左右 (大公司嘛......)

[ 本帖最後由 小室哲哉 於 2012-9-24 10:10 AM 編輯 ]

今時今日, 除非係升職, 唔係都唔洗諗咩野加人工啦. 加果3, 4%, 通脹都唔只呢個數. 再加上果9k, 10k, 3,4%其實未得果幾舊水.
所以問題反而係有冇真正既升職機會. 可惜既係, 越大既公司, 就越難升. trainee 轉上去唔計啦. 冇理由做半年都仲叫trainee. 之後呢?? 唔係自己跳槽, 又會有幾多低位既可以慢慢等升. 2,3年一跳. 差唔多啦. 你唔升佢, 佢就會跳架啦.