海難港人傷痛時 陳茂波隊啤醉駕
http://hkm.appledaily.com/detail ... &category=daily
釀成38死，近百人受傷的南丫島撞船慘劇，牽動每一位港人的心，然而對發展局局
長陳茂波來說，卻是清閒開心的family day。

前日中午1時許，距離海難發生不到17小時，《蘋果》發現他與妻兒在馬會會所嘆德
國豬手、隊啤酒。

更離譜的是，這個獲特首梁振英縱容力保的高官，竟然涉嫌酒後駕駛，並且肆無忌
憚地在馬路上切雙白線。
陳茂波昨晚透過新聞秘書承認曾喝酒，但否認醉駕。












酒後駕駛，跟車太貼，雙白切線，單程抽頭，有圖有片
要求警方立即拘捕陳茂波!!

[ 本帖最後由 atm 於 2012-10-4 01:05 PM 編輯 ]

擅長公共交通政策研究的林鴻達，對陳茂波涉嫌醉駕有以下點評

睇晒蘋果波叔單嘢嘅片。如果係其他人而唔係高官，警方應該做以下嘅嘢：
今朝一早就同運輸署攞料將車主起底，上門拉人。程序上係問佢當時係自己揸定其他人揸，確定司機身份後就正式拘捕，帶返警署調查。另如警方認為需要就會召拖車
假設夠料告，必定先告不小心駕駛。之後再搵蘋果個記者落口供同睇母片，然後基於有證據反映司機曾經飲過兩罐啤酒而超標(以記者進行測試結果作參考)，加控酒後駕駛

ATV Source:

劏房波同加籐鷹一樣甘厚顏無恥，從來唔會認錯，一味死撐，
我睇見呢屆政府，有D似董伯伯當年甘，懶有理想宏圖大計，但一上場就一獲接一獲，搞到衰足7年。
振英哥又係行番舊路，跟住就又搵個AO黎做下任執爛攤.....希望唔好比我講中.....

我覺得佢可能快過董伯伯，董伯伯上場頭三個月都未至於衰到咁！

我幾驚佢話其實佢係借酒消愁.....

其實根本兩件事黎...

1) 港人海難傷痛
2) 陳茂波醉駕

如果樓主認為兩件事有關連, 咁港人海難, 樓主仲有心情上網吹水~?

頭個句嘩眾取寵啫,可以不理

波仔講"有信心"符合法例

我們已經輸了

[ 本帖最後由 woo 於 2012-10-4 05:29 PM 編輯 ]

9吾搭8.
小事一樁.

海難唔駛食飯??? 而家D人越來越痴線, 正如梁生台都未上就叫人落台
樓主海難發生果時你做緊咩???(如果你係死難家屬先同你講聲對唔住)

呢d 未同唔鍾意一個人, 佢做咩都黑你憎一樣lor. ]
想以事論事既越來越難的了.

有冇超標都未知就可以定人罪了. 呢d 未就係自毀"法治精神" lor.

根本兩件事，蘋果在洗腦！

醉駕是重點

真係醉駕嗎?? 吹左波仔?? 驗左血??

涂謹申都只係會講係"唔尊重法例". 而唔係犯左法. "政府都勸人揸車就唔好飲酒、飲就唔好揸" 而唔係禁止揸..

真正有實證既係"切雙白線". 呢張就食硬牛肉乾.

其他既, 都係估估下既.

每個人對酒精的接受程度應該很不一樣，即是每個人的酒力（或酒量）也不同

有些人就算淺嘗即止，也會滿天星斗，不能駕駛；

亦會有人千杯不醉，豪飲後開車也沒意外發生。

正因如此，政府便已在客觀上，訂下酒後駕駛之guideline（法例）來規管駕車人仕

我們當然不會知道陳生之酒量如何，也沒有當時他開車時的酒精含量度數，不宜妄言他有否超標；

但，同樣他亦無權自行衡量自已只飲了少許、不會超標所以開車也沒問題吧？

況且身為高官的陳茂波，明知自己已經是”惹火尤物”，處處受人注意，

何必再要踩鋼線？為何要和政府唱反調？

IF YOU DRINK , DO NOT DRIVE 呢句宣傳句子， 陳生你唔係未見過呀？

[ 本帖最後由 gtafai77 於 2012-10-5 12:45 AM 編輯 ]

愈黎愈覺依家啲記者當左自己係法官，煩

海難前24小時個個慶祝緊中秋
另外根本冇提佢飲完幾耐

醉駕還醉駕，何必嘩眾取寵!!

海難港人傷痛時，狗仔隊仍然跟蹤高官寫頭條，用其他事情充斥！煽動市民反政府...
呢份報紙不如話: 海難發生不到一小時，香港竟然繼續放煙花，冷血高官財團忘形慶祝，過萬市民與強國聚集維港歡呼...

高官"實"
傳媒、政棍搞屎
市民唔係染紅就染黑

香港唔怪得之變成咁

陳茂啤 = 陳謬波 = 劏房波

老實講，自從國内同香港法例收緊以後，我無論香港大陸同客人食飯，人地果日要開車就點都唔會飲，唔會話：“我有信心唔超標”呢種僥幸走精面心態，
呢種解話方式同佢劏房不等于板間房差不多，始終都係又要搵着數又要過骨。

[ 本帖最後由 timng 於 2012-10-7 08:38 PM 編輯 ]