近日小弟於英利模型香港代理買左一支0.2 噴筆
交收之後當晚用左水試噴,係噴得出
之後見倒杯入面有一撻"鞋十十"
我心想$200 噴筆唔洗要求外觀咁完美
之後過左2日我用油噴,
噴完油洗筆,之後發現個個位會卡住d油,好明顯見倒有色卡住個個位個"鞋十十"個位
之後用紙"卒"點知個撻位卡住d毛毛
咁我見倒呢個問題,就email 賣家

我: 我昨天試用左支噴筆
我噴完油洗筆的時候發現個杯內壁有一片位好"鞋"
個個"鞋"位乾個時就冇事.
接觸左天拿水就會"立次次"
d面紙同綿花會比個個位痴住,
請問我可唔可以清潔返之後換過一支

英利:咁樣對使用無影響，
純粹係個人唔鍾意，
而者你落個油，又過左兩日
我地好難免費換比你
如果拎反去原廠換
運費來回$100,手續費$20
不如你試下用天拿水抹下先啦
或者係佢既潤滑油，抹得甩

我:我第一日收倒噴筆時有試過用水噴而又噴得出,
我昨天用油先知會卡住d紙.
佢卡住左d紙之後我開第2次油d紙碎會溶左落d油
我有試過洗過個撻野.洗唔甩
絕對唔係我收左貨之後加工.
一係我地約個時間,比你睇o下

英利:下，支槍係霧化啲液體，油，唔係紙
紙碎一定岀唔到來，你搞壞支針支槍無用(人為損壞)
或者你影張相來看看先
而者我地賣都標明左
你第一日唔換，又落左油，而且唔係操作問題
我地好難免費換比你，請你明白

我:我冇想要為難你或者係怪責你,係都怪製造廠
只不過我作為一個客人收左支筆係有問題又唔能夠自己解決
當然有唔開心.
點都好,附件有相

英利:你或者用白電油抹下
其實用到噴到好難定為有問題...

我:個撻野我唔會再搞
請問你方便唔方便約個時間
我比你睇睇.
佢係用到,但係"做倒同做得好係2回事"

英利:我都好想幫到忙，我地亦唔係黑店
首先不如你講下用過來做乜
正常唔會入啲紙碎入去噴
而且我地交易時都唔見有呢個印，
因為我地都同你當面檢查壼冇入過油，針頭冇彎曲
我地都好希望解決你問題
但我都想你明白，我地規矩係咁樣
你用過入左油之後先發現有地方污糟左，
我地冇可能免費退換一支全新的噴筆比你，
同埋我地都有方法檢查，厄唔到上頭
如果要換，運費$100加手續費$20
同樣，就算我換一支入過油既噴筆比你你都唔會接受啦?
最後你想我睇黎做咩?
我方便既可以帶白電油出來試下抹，但你要免費換就無能為力
謝謝

我:噴完油洗筆
用面紙清潔
面紙上面d毛毛比個撻痴住,
正如張圖白左
如果我唔噴過油點會知會發生d咁o既事

英利:請你明白，呢個唔係岀廠時損壞問題
而係你用完之後，
可能係你用某不知明油漆
完左無及時洗槍，
或者係你用過冷烤漆之類
無係六小時內清潔好，
我方真係無責任要換一支比你
你去邊一個店鋪買都係一樣
而且，如果真係上述情況，塞左既槍基本已經報廢無用，我地檢查到也不會退換或維修

我:你究竟知唔知支筆出左乜野問題!
你比你上頭聯絡方法比我
我自己同佢傾!
唔洗你難做

英利:唔關事, 你講一百次, 問幾多個都係咁做, 我地第一日巳經比左解決方法你:
"$100 運費加 $20 手續費返去整",
你客氣問, 我都客氣答你, 我地絕對可以一句人為損壞唔換, 理都唔理, 請你明白
你要見我又好, 要點都好, 都係咁做,
而我地交收時亦有同你檢查, 亦講明你落水試一次, 檢查好先好落油, 一落油我地只能夠整唔會換全新既比你
同埋根據你既回覆同睇相後所見, 絕對唔似係出廠有瑕痴, 鐵同油唔相蝕
所有接口的機油用天拿水一定清潔到, 而佢製造過程根本唔會落膠水
你唔信我地專業, 你大可以向其他人詢問
我地對我地既貨品有承擔, 你既查詢投訴我地都有回覆
當你使用不當產生問題, 我地絕對冇可能免費退換一支全新的噴筆比你
同埋你開頭話清潔返之後換過一支, 你清潔到我估你到唔會換啦
就算其他客人都一樣, 如果我地唔識分咩係人為損壞, 咩唔係人為損壞, 我地都唔會賣啦

我:咁你覺得你有理咁你未比你上頭聯絡方法比我又何妨
我唔想同一件事情各同一個人解釋多一次
你何不比個機會我,
但係你唔好話我知你上頭就係你

英利:所有 [email protected] 發既 E-mail, 6xxxxxxx 接聽的電話,
巳代表我公司, 我既回覆等於我公司既回覆,
我無必要亦無義務同你解釋我公司點運作,
其他人怕事我唔知, 而你呢件事, "我地絕對冇可能免費退換一支全新的噴筆比你"係我地好早回覆你既答案
而且我地交收都有檢查左係冇問題, 包括油壺筆針同針頭, 你有問題可以唔交易
而你面交返去冇問題, 用完唔鍾意拎返黎, 我地冇責任要換比你
香港有冇咁既公司我唔知, 但我地冇咁既服務,  
你要咁既服務你應該買之前問, 我會請你去第二度買
支筆有乜野問題, 或者要問返你自已點使用,
你買左返去用完用殘噴左油唔洗筆唔通我地都要負責埋？仲要換一支比你？咪玩啦
我地唔重視客人既, 我無必要覆你電郵, 但當客人要求不合理
我地答左唔得就係唔得, 今後無關貨品事宜的電郵, 恕不再作任何回覆

完
以下係我經過呢個對答之後o既主觀想發
到佢最後一個email 係搞到我去到憤怒程度
唔知係我解釋差定佢理解差
佢根本一開頭就推卸責任
佢支筆根本有問題,唔好講話2日,就算十個星期之後都係佢支筆有問題
佢話一日之後唔換,香港規矩佢地定?
一開頭佢就話有撻野係個人感覺
到之後就屈我整壞
我明明只係話個杯出問題
佢就走去話我整彎支針
我心想”乜x野針,乜x野塞槍”
仲要大我唔識用噴筆,
我用噴筆個時都未知英利係乜
佢比支咁o既筆我仲要我比返錢返廠整
之後又話我用不知名油漆
我請問mr.hobby 2號黑有幾不知名?
我用完2號就見倒上面個情況
個問題我唔知卡住個d油會唔會下一之溶左入下一隻色
由頭到尾我都唔知個撻野係廠冇磨滑定點
我比d圖大家睇睇

白色左係因為痴左紙巾d毛毛
佢花得尼係凸起
我最嬲唔係佢唔換比我,係最後佢屈我仲要大我
事件之後我對佢地好負面,唔係我做乜要打咁多寫
E+ 唔係$200 問題,係條氣唔順
我明明只係想買噴筆,點解搞到要作文
我唔知我o岩唔o岩我只知道我好憤怒

你淨係想發洩 定想繼續解決呢枝筆既問題先??

另外 "佢話一日之後唔換,香港規矩佢地定?"
香港根本就冇法律規管要有"售後服務". 所有"售後服務/條款"都係由店方/.賣方自行決定既. 衰d 講,佢話"as is" 同"貨品出門, 永不退換"都會合"香港法律"既.

不過好似講緊金融, 保險產品要有"冷靜期", 不過好似都仲未落實.

[ 本帖最後由 VampireA 於 2012-10-22 03:53 AM 編輯 ]

噴筆真係唔好貪平, 特別係大陸做個d, 用料唔好, 手工差, 用到半年無事己經偷笑。台灣製個d 0.3筆都係300~400左右, 但一支保養好小小起碼用五年, 一分錢一分貨。

依家興架麻.
成日話入門買枝平筆試玩麻. 一係就話自己窮, 買得起iphone 5, jordan波鞋買唔起枝台灣筆麻.

所謂百貨百客. 有人生產, 總會有d人會買既.

佢地個名聲用響$200 噴筆我無所謂
但問題係個$200 係我比
如果我解決倒就唔會憤怒
如果我可以解決就識自己製造,仲洗乜買佢d噴筆
而且仲要令大家知道check 噴筆要check 杯入面
而且我仲有一個想法,佢一路話我用冷烤漆
唔通出廠後及到我手之前.....有發生d乜野事?

但係我唔係用左1個月,係第一下用已經出事

C兄唔使労氣
睇返個對話,都係可能溝通上出問題姐
試下SEND張相比佢睇下個情況會唔會比較好???

我想法特別d,係因為我唔知買乜野牌子,見佢個時間,地點o岩o岩好先買

我有send 呀,因為我其中有一句係"見附圖"
我仲send左2張
就算佢e+換比我,我都失去左一段時間唔開心,點樣解決

C兄不如先平靜一下
邊個0岩邊個唔0岩小弟真係唔敢講
但衝動憤怒係唔會解決到問題
正如你就算好唔開心,佢都唔會陪你唔開心
祝C兄有一個完美既解決

響t-hobby 買左支新筆

噴筆要check 杯入面  >>>> 我買過超過4枝筆, 除左第一枝之外, 我的確枝枝都有check 油杯架喎(就算係日本筆都一樣). 因為油杯形狀, 滑唔滑都係賣點同手工來既.


識解決問題唔等同要自己製造. 好老實, 我都"可能"解決到你依家既問題. 咁就等如我賣/製造噴筆既咩??
我依家只見你係度發洩不滿, 但並唔睇到你想呢度既版友建議你解決方法.

"佢一路話我用冷烤漆" -- 咁佢當然有佢原因啦. 亦當然係考慮左你現時發生既問題而答既. 唔係為左耍你先咁講既. 雖則你自己知/你講你冇用啦. 但根據現時情況, 佢咁講係有一定理由既.

既然都係t記度買左新筆. 我只講到呢度就算啦. 所謂經一事長一智啦.

所以我未話百貨百客 lor. 總會有各自既原因麻.

點解唔用沙紙打磨返好佢呢?

唔得架,入面越磨越花

啲油會蝕哂入去,污染左其他啲油

公道D講，HK$200 = 160人仔，當然就係會買到160人仔質素既東西啦！甘平，想點呀？
我係大陸買左兩支噴筆，返來兩支都有些少問題，兩支溝埋一支用叫正常用到，算好彩了，投訴咩？
一分錢一分貨的道理，唔係人人願意接受，係都唔信邪的大有人在（我都曾經係），交過學費至知道買好野係要付出代價。

我想問下樓主,而家洗乾淨支筆既內外未呀??結果有冇清除晒 d 紙/積油??除左呢個問題之外...支噴筆噴出黎有冇咩問題呢??
如果因油杯入面既表面吾夠光滑而 d 油會食住..係洗噴筆既時候略作特別處理解吾解決得到問題呢??

我都一支噴筆係咁上下情況,倒走 d 剩油,落溶劑洗之前,我都用紙巾抹一抹油杯入面,效果同你幅圖大致一樣...

自已用幼砂紙(#1000以上)打磨睇下有無幫忙，我估應該係電鍍有塵(或異物)在表面，所以形成像鑽石銼一樣的效果，一用紙巾抹就把紙巾扣住。如果擔心D花痕難清潔，用粗compound處理一下面。希望幫到你啦。

我試過就咁用天拿水洗,洗完倒左d水之後等佢乾左之後同我張圖一樣,用d指甲r 佢個時就變到一塊塊,但係最鼠都係痴返響上面,冇甩過

唔搞lu, 學樓上咁講.會花左一樣會食油