MG - MSM-03 - Gogg
這個世界, 好多時也是你無左我又得, 我無左你又得. 基本上大家都可以無左對方的.
早幾日, 我在一個全港最大的高達群組出了一個Post, 內容是想看一下有沒有網友可幫忙洗電鍍, 當然有小小報酬. 出了post已收到版管好有型的說, "我俾幾分鐘你". 有網友即時提我, 吾可以有酬勞. 於是, 我即時修改. 再過幾分鐘, 我已經被禁發言一個月. 我再看一看版規, 列明不可post有關盜版的產品. 我無意在此討論盜版的對錯, 我的立埸係, 由PS1的年代開始, 我已經付款買正版軟件, 不過我吾會話我一定無用盜版, 只係儘能力都吾用. 而我今次post的, 正是一盒國產的模型.
個一刻, 條氣真係頂到上心口. 坦白說, 我無話用盜版是對的, 我睇漏了版規也是我有錯在先. 我好有禮貌地發了一個個人短訊給開這個群組的創辦人, 說明我不同意他們的做法. 如果GK可出post, 為什麼國產不可? 我又不是招單買賣......即使不可, 也可以刪post而不用禁言一個月. 群組的創辦人也回我, 見我之前都只係分享, 所以只係禁我發言一個月. 回顧我用FB這2年, 我也在這群組發了66篇文, 出了不小於40件成品. 我從來都吾係搞事的人, 如果睇漏了版規, 出錯post要被禁言一個月, 我個人無法接受. 你可以提一提我, 要求我刪post, 也可直接刪post, 但絕不是運用你絕對的權力去禁言一個月. 禁言之後, 也沒有一句解釋. 法官判案也要看背景, 前文後理等等. 你只要好好地說一句我這post違了版規, 我會即時刪post的. OK, 這是你的群組, 你訂的版規就是這裡的規則, 我無權也不應挑戰. 我又吾係全球首富, 你禁我言我可以買起你. 最後, 我選擇了退群. 也將我在這群的post逐一刪除.
過了幾天, 原來我不看這個群我也一樣的過活. 我一樣的砌模型. 當然我也相信對擁有70000 會員的群組來說, 小我一個旦散又有什麼分別? 可能我以後的post會小人討論了, 沒那麼多人看, 但總好過我要自己受氣. 整件事情, 我不是說我沒錯, 但在沒警告, 初犯的情況下直接要我禁言一個月, 我真的受不了這口氣.
呻完了, 重回愛爾蘭魔蟹的討論. MG愛爾蘭魔蟹的評價一向也很好. 在組裝過程中, 發現有幾個要注意的地方. 第一是背包. 安裝順序一定要正確. 我錯手先安裝了外殼, 發現上下兩件係完全安裝吾到. 想拆又拆吾開. 最後要修剪上下的件先可以放上去, 跟住再落膠水固定. 另外一個位是手指. 十隻手指都係上下安裝, 中間的縫好明顯......如果追求完美, 都幾多功夫. 仲有一個古惑位, 就係頭部內構. 頂頂係好大的水口位, 不過原來係見光! 記得要打磨同上好色.
上色方面, 肚中間的炮, 我用白色, 都要做遮蓋. 另外手骨, 胸關節原件係啡色. 我覺得用鐵色好睇d. 最煩係關節位, 又係用軟膠包實. 我吾敢噴, 費事甩小小又甩吾晒會好醜樣. 由於每件件都大大件, 我覺得拎支0.3mm來噴真係有點吃力. 都要諗下要吾要整支0.5玩下. 今次的小腳位置, 我自己覺得噴得吾太好. 另外發生了一件超低級錯誤, 個控制室的蓋吾見了.....因為從來沒打磨過, 估計係剪漏左....好好彩只係平面同細細塊, 搵塊膠片噴一噴, 遮一遮.
淺黃色 : Mr. Colour 39淺啡黃色
深啡色 : Mr. Colour 520深啡色
關節 : Modo-MX02淺金屬鐵色
黑色 : Mr. Colour 14
灰色 : Mr. Colour UC09
外型比例真係完勝HG. 有霸氣之餘又不失原型的設計. 係我心目中一直有個問題. 其實會吾會B記出HG同MG係2條Team? 點解每次所有東西都要重新設計? 好似IMS咁, 1/144同1/100只係大細吾同, 模型的比例完全一樣, 但HG跟MG是完全2回事. 總感覺係2間吾同公司出品咁. 也不是要HG有跟MG一樣的結構, 但總沒需要從新設計吧? 如果由大轉細有難度, 用1/144放大總可以了吧? 大家也看到B記已經沒什麼新產品, 他們大可減掉開發成本, 只投放模具的成本, 直接用RG再放大至1/100, 咁又一條新line. 又或直接將HG放大, 之後放去RE100. 定係B記吾想1/100出得太好, 影響MB的銷量?
MG 0079都已完成得7788, 完成埋已開始的藍蟹, 之後會玩SF, Wing個堆空間殺手. 剩下的坦克, 大魔, 又吾係吾會砌, 但又無乜動力, 自護真情無興趣..... 吾緊要, 先玩下其他系列. 之後仲有G3 RX-78, RX78-1, 核戰機等等0079時代的會砌.
Full Size Photo link :
https://photos.app.goo.gl/3DjKAdNmEqLHoiBe9
#GOGG, #GUNDAM, #MGGundam, #Gunpla, #MG, #MSM03