我親眼見過一次老闆老點一個想買噴筆既人. 亦試過問佢產品既野時被佢"冷漠"對待過.
我估, 我估咋, 個老闆唔止係睇心情而決定點對個客咁簡單.

紅髪我放工可以行倒去 但都係3, 兩個月先去一次 , 只係買一樽半樽油或者10零蚊putty
個掌櫃都好似講多謝tim woo...

人夾人緣！不过比錢買嘢仲要受气就真係气顶呢！

乜間嘢仲響度未執嘅咩？十幾廿年前睇住佢由九龍灣搬去灣仔英皇嘅時候好似好風光咁，成日同d客吹，話自己d嘢幾咁掂，又話人地d點唔掂唔掂，後嚟間嘢越做越 dup，擺響櫃窗d嘢就越擺越殘舊，甚至封曬塵，跟住就摺埋，我以為個老細退出江湖。

我最記得JAF Con同C3初期年代，佢最鐘意叫人入 ClubM d 貨，當然啦，ClubM d嘢大大件易砌，又唔係太多detail，佢又易開模，最緊要係大隻又賣貴 d。

[ 本帖最後由 HAL2012 於 2013-1-11 09:14 PM 編輯 ]

記得0係裕民中心果陣 , 有次見有個client去收件代工成品 , 個老細烏低身係櫃底暗處攞件...
我奇怪點解件成品唔好似其他代工成品咁放櫃窗

佢一放件野0係枱 , 我就有答案...
個client直程O咀無聲出 , 個老細即時一輪解釋.....

各位師兄可能上去都有幫襯, 所以個肥阿姐都對有買野既客無乜怨言, 我最近都係為模友報料而上去, 所以好幾次都無買過野, 但有部份收咗我資料既朋友其實有去買過野, 但當然紅髮佢地唔會知係因為我報料. 唔緊要啦, 以後慳番啲腳骨力, 要買野我特登出去福利買仲開心.
其實福利有乜新貨FACEBOOK會即時睇到, 貨都算齊, 價錢又可接受, 唯一係我要撘車或開車去.

睇番啲舊帖, 原來各位師兄都有講過呢間野, 有讚有彈, 不過講真最近呢間野啲笨大MG同HG真係平, 大約每盒平過福利$10-20左右, 買現貨應該無乜風險, 如果同呢間野有計傾又就近既師兄不防去睇下. 但我唔會再上去, 希望佢無加番價啦, HAHAHA, 如果各位師兄上到發覺唔係真係咁平, 望高抬貴手唔好插小弟

[ 本帖最後由 cefcaw 於 2013-1-12 01:22 AM 編輯 ]

紅髮個老闆係幾鍾意同人分享佢D經驗 (包括吹噓自己幾叻，就好似咁多位CHING話齋)
不過都算係一個有HEART的模型佬，

但係佢條女(?)既態度真係超級趕客，有少少似納粹集中營食蕉既態度同語氣
其實佢D野真係平，但你顧及到平左既地方就係要受條八婆氣，

哩D野，大家自己權衡啦，我就覺得作為一個成年人，都接受到既，
再加上住觀塘線既人，又唔想出旺角買貴料，去下都OK GE

咁過份點解唔去第二間買？你當佢面開樽驗，佢一樣會回你一句，"我唔知喎，呢D 貨新返架，無得換"
點解我知？因為我同朋友去買油有中過招，個肥姐就係咁回我地，最後我地報警,警察來到看了CCTV 佢先死死地氣換比我地

鴻發冇乜問題喎，option parts同工具齊，油亦平過旺角些少，老闆娘唔算特別nice，但冇乜嘢，okay喎。

option parts同工具齊齊唔齊就好睇個人
但油平唔平我就唔知啦，反正我買Gaia Mr.Hobby 雙星呢D 油都係7算價
其實佢間野最大問題係用過既油當新賣比其他人同睇完唔買野走人要比件肥野串

多年前我喺度都已經講咗係奸商架喇,
都唔明點解各位總係不聽老人言,
係要自己親自令個嘢先肯信我講呢?
成日聽人報料話佢地D嘢平,
佢賣平人地十元八塊個價比你,
轉頭分分鐘呃番你一百幾十你都唔知,
三樓我亦都有講過我係一個人辦,
成日話佢D油平,
我想知有幾平呀?
以我用開的郡是油來講,
英X賣$14 (好多地方都係賣呢個價)
隔離千X達賣$16

[ 本帖最後由 master_roshi 於 2013-1-15 10:03 AM 編輯 ]

師兄你無看到還有人出來說他們無問題嗎？

講真我都無去兩年了，佢D 野點平都唔夠我買得平啦
GAIA 油出面$20，我只買係$13 ，GAIA EX系$52-56，買一支都係咁既價
郡是油出面13-16 我買$9，佢D 油夠我果D 平嗎 ？最重要係100% 全新無用過

另外佢買果D 首辦Supsr-G 都有賣，有些賣得平過佢，有些樣價
模型就到到都差唔多價，要平一係識模型鋪話事人，一係上Yahoo Bid
好似我咁買隻NU Gundam Ver.Ka 只係$530 佢間野夠我的平嗎？

我以上說的價錢一樣係模型鋪買，仲要旺角區，夠晒方便

[ 本帖最後由 毀滅者 於 2013-1-16 05:21 AM 編輯 ]

貪嗰幾蚊....俾人寸又俾人呃
行番去偉利la....
係貴不過俾人劏得舒服啲~_~

官塘偉利唔係無左啦咩

好彩我平時都幫襯開屋企附近果間, 啲服務都幾好, 有問一定有答
而且試過遲左少少放工, 佢都肯等我黎買埋先收舖(真係睇住佢等我出左門口即刻拉閘)
不過間英明我去過幾次, 真係覺得冇各位師兄講既咁衰
反而我覺得千里逹個疑似老闆娘既仲衰.......灰灰氣氣咁答你

之前間舖吾係喺灣仔咩????九龍灣???

紅髮搬遷流程：官塘裕民坊--->九龍灣德褔--->灣仔(英皇)--->灣仔廈門街--->官塘鴻圖道

你同紅髮幾唔妥 , 你間唔中都會再講 , 係度耐少少嘅都知稼lar....

我咁耐都係買Gaiga , 装幾多一眼睇倒 , 唔好當個個係"甘願比人呃"咁啦....

至於態度 , 如果佢真係臭串我嘅 , 我都唔買野啦

同人講你第二度買幾$ , 人地買唔倒嘅, 咁對其他人又乜意義 ?