阿信：
　　　年多前見面談及我的興趣是油兵仔，你說到亦想嘗試，及至最近與你通電話時談到你在油兵時所遇到之各樣疑惑，知悉後我曾給一些網上找到之油兵教學帖予你，昨天你再度來電說看過教學帖後亦未能悉疑，所以兄特以書信盡力為阿信你釋疑。

阿信：我以旺角為購買油兵用具地點，遷就你之住所附近，首先己知你有龍記兵數盒，郡氏油性油及田宮水性油，好，就開始罷，因其他類形油我唔識用，油方面買過Ｄ水性油，以下會以水膠彩之名稱描述，水膠彩在旺角買到有兩個牌子，因為我已買了這牌子，用過是幾好用的，所以照買罷。

[ 本帖最後由 Kwai_kwai 於 2010-6-10 12:54 PM 編輯 ]

續：筆方面，剛剛油唔好禁重皮，買呢隻喇，十幾蚊，可以在中南圖書公司或在旺角花園街美術用品店有售，記住不要用嚟混油用，及只用作水膠彩上色。

續：油兵當然要準備兵仔，批分模線磨水口後噴灰用牙簽穿起佢，再用一個方便自己揸手嘅物件插上去，此用處是方便你以後嘅上色，仲有記住個頭要同個身做假組試作，因為如果個頭油好黏上去個身果時先發覺有問題，再整就好易整花已經油好嘅兵仔頭喇。

阿信：
　　　已收到你的回信，相信你已買了水膠彩及筆了，因為信件和制作仍同步進行，或會進度緩慢少少，請原諒，上色前請準備豉油碟一隻，廢膠片一件，豉油碟是用作盛水之用所以可用任何替用品，而廢膠片是用作装油之用所以亦可用任何替用品。

[ 本帖最後由 Kwai_kwai 於 2010-6-10 08:09 PM 編輯 ]

阿信，順序制作，首先係油眼。先上膚色，先上眼睛周圍，亦可成個頭上色，用７０８，７１０，１：１份量。

再上眼珠和眼線，眼珠用７０７，眼線用黑色，眼珠眼線先後次序可先後互調。盡量做啦，出左界都無所謂，及後會執番。

[ 本帖最後由 Kwai_kwai 於 2010-6-10 08:58 PM 編輯 ]

好，再到眼珠，眼神乃兵仔之靈魂，有排練，阿信你直油啦，唔急得，先左眼後右眼，順手少少，眼珠大少是需要注意的，不要太幼長似貓眼般，盡量一點點落去，唔得就由上至下劃一直線穿過眼白，黑白比例可以捉個仔望下佢對眼就得

[ 本帖最後由 Kwai_kwai 於 2010-6-10 09:10 PM 編輯 ]

上圖啦。

可以，無可能無收改架，修修補補到自己收貨為止。

阿信:
         從回信得知你部相機無電,所以最初希望之我上一個進度而你即做, 試圖做一網上同步制作, 可惜可惜 , 我所油之兵仔頭亦己油起 ,  相片我依然照出 , 但這非我所願 .....................

續：眼睛油好可以用回７０７修補眼肚位置於之前油眼珠時油出界之黑色，不需太仔細，及後會再修補。

續：用７１０補眼蓋位置於之前油眼珠時油出界之黑色。

續：再以先前一樣比例的７０８＋７１０混合油上除了眼珠和眼蓋，你睇已經有左初型嘞。此處有一要注意，水膠彩祗需用水開稀便可，傑個水少少嘅奶水狀便可，緊記（稀好過傑）。

續：現在兩份７１０＋一份７０８做陰影，位置係眼肚下，法令，下唇低，魚尾紋，額頭紋，髮線，顴骨低低下處，耳背，頸，等等，記住口缺：凹嘅地方油陰影，

續：跟住做高光，用７０８做，小心喇，可能要加少少７１０架，又有口缺：凸嘅地方油高光。

好喇，到此可以用７１１加到陰影最深處，再油眼蓋位，點到即止，見好就收。

到最後，幾個步聢驟一張圖講曬。

１）上最高光，７０７＋７０８混成最高光點在眉頭，鼻頭，上顴骨，法令紋最頂，上唇頂，耳輪頂，等等。

２）用７１０＋７１２混成少少紅色嘅深啡色，油在陰影最深處，眼蓋盡處，鼻翼最底，上唇，顴骨底面頰處，小心面頰嘅處理。

３）用紅色加７１０混好，記得少少紅已可以，油在太陽穴，面頰，鼻頭等地方，小心處理，如果唔係就變成馬騮屁股喇。

４）鬚根，用７０８＋黑色就可以，切勿太黑，油於鬚根位便可。

５）睇黎祗剩下唇，下唇用７０９＋７１２調至你覺得似唇色油上便可。

頭髮，用７１２＋黑色混色油作底油，用７１１一條一條頭髮油上，再用７１０油上最受光之位置。

阿信，最後附上最後完成圖片，記住這祗是我少少微不足道的制作經驗分享，作品亦毫不出色，我祗望能使你步入油兵仔嘅美麗世界，其實油兵仔嘅方法多如天上繁星，但條條大道通羅馬，多油多思考，始終係至理名言，一齊努力呀！