HG - RX-77 - Gun Cannon - Real Type Colour
真係嬲同失望到爆. 小弟因為想製作一盒Real Type版鐳射大炮, 所以入手了一盒MG的鐳射大炮, 雖然搵吾到水貼, 都打算自己噴. 開盒剪件的時候, 有一排件的質地明顯吾同. 剪框過程竟然有件自己碎開! 我用手指拍埋件的時候, 又碎開! 未開始打磨已經爛左4~5處. 試用模型膠水維修, 跟本痴吾實! 同正常模型膠完全吾同. 而家終於明白當日收番來盒素組大炮點解會咁易爛! Bandai搞乜野!
失望至極, 只好走去買盒HG去組裝Real type版. 基本上呢盒Real Type版即係HG Revive版加白色炮, 同最緊要係加多張專用水貼. 成型色比本身鐳射大炮的顏色深. 深綠位已經去到黑鐵色, 紅色變做深紅色. 吾知點解, 個隻黑鐵色又係同傳統模型膠質吾同, 比較難打磨, 手感係軟小小. 算啦, 佢吾好似盒MG咁碎開已經還神.
正如我製作MG時講過, MG的比例先係我心目中最靚的鐳射大炮比例. 圓渾點, 厚實一點. 而HG Revive版則是減肥後的鐳射大炮, 瘦左, 整體比例好似model咁. 不過就無左鐳射大炮個種敦厚感. 砌左幾個月MG, 再開始砌HG真係覺得件數相對係好小. 件數小, 打磨功夫小左, 不過要做無縫的地方就多左, 頭, 炮, 槍, 膊頭, 股等. 但相比舊HG已經算好好多.
選色方面, 都係用比正常深一級的色, 不過吾想深到變黑鐵色, 都係用墨綠色取代. 最初用馬沙的深紅色噴, 完全吾得. 結果噴好陰影, 高光又重頭做過. 搞一大輪, 最後成隻色又同次前盒HG差不多..... 說好的深一級色呢???? 唉, 無氣再搞了. 俾貴成100元買呢盒完全因為張水貼, 但我的痛苦都係因為張水貼. 我認我技術吾好. 我認我吾識用B記水貼. 我都吾知整爛左幾多張..........浸水的時間又長, 已經用水貼膠水, 再用水貼軟化劑, 總之差不多每張都出事. 我真係貼到懷疑人生. 去到一個點真係求奇放上去, 吾跌落來就算, 左右吾對稱, 吾平服, 時運高, 睇吾到!
深綠色 : Mr. Colour C36
背包 : Mr. Colour高達專用油UG09
紅色 : Mr. Colour高達專用油UG04
黃色 : Mr. Colour C58
白色 : Mr. Colour高達專用油UG18
很累.....真係吾想再用B記水貼了......
Full Size Photo link :
https://photos.app.goo.gl/JxfLwcJJcP6HNxHb8
#GunCannon, #GUNDAM, #HGGundam, #Gunpla, #HG, #Realtypecolour
分享
