收到了從日本空運到港的KOG-AT.  本應是5月3日發售卻在5月3日已經收貨.  打開郵寄包裝, 沒有了IMS一向用的牛油紙, 換成泡泡紙, 感覺上是整個格調下跌了一級.  當然, 你打開之後還是一樣的.  開盒之後, 感覺上整體的色調是沉了一級.  無論封面還是模型本身的成色也一樣.  如果KOG是黃金色, AT就是香檳金色, 模型的成色也是.  KOG是偏黃色而AT是偏啡色的.  不過說老實, 沒人會對IMS素組吧, 成色應該不是太重要.
新的板件只有2塊, 是頭及臀部的零件.    臀部的部件大多是左右組合, 有極多位置需要做無縫處理, 同時要留意雖然原件有一定程度分件, 不過因為要放係同一個框入面, 好多件其實應該用銅色的.  頭頂個冠有留卡位方便落膠水, 不過可能太大件, 感覺上位置吾係完美的接合.  另外用膠水之餘要有心理準備要用文件夾為每條突出來的都夾實, 如果吾係會吾實.  前後兩塊面的件都係新的.  見到裙甲係新框入面, 不過比對過, 應該是一樣的.
其實之前出KOG時正值小弟最高燒的時期.  砌完一盒意猶未盡, 再砌多盒.  第一盒用黃金色, 非常漂亮, 於是第二盒試下香檳金, 再加黃金色水貼, 打磨同無縫都好仔細去做.  係手工上, 我覺得比第一盒好, 不過整體上黃金色更適合KOG.  當正式收到KOG-AT後, 我煩惱緊點將3隻金色KOG一齊放時, 我腦內的惡魔出來同我講, 不如將之前噴香檳金的KOG改做AT啦.....反正官方都係AT用淡小小的香檳金色..........
跟手落實睇下可行性, 頭部係拆除時整爛左小小, 不過拆番塊面出來都吾難, 而臀部要改有點困難, 因為之前好多地方落了膠水.  要拆先要拆後裙甲最長個2條, 仲要本身後面都落了膠水, 可能有好多地方要重做.  正當心大心細好吾好成隻重做時, 同網友閒聊時提及其實無支大炮, 臀部個件跟本無用.  於是上網搵左一陣資料, 原來AT係漫畫入面好小出場.  最精彩一幕係同尊倫互打.  而漫畫個一頁好似畫吾到佢臀部有無個件野, 於是下了決心....吾整.  突然之間, 要做的只剩低個頭.  1個小時已噴完, 補埋其他色都好快完工.
可能我自己催眠自己, KOG真係黃金色更具貴氣, 而AT配香檳金則更為合適.  (人地Volks原廠都係咁配啦)  如果各位細心睇, 呢盒我加左好多水貼.  不過真心話張水貼就吾係太好用.  當成隻完成之後, 我好滿足了.  即使之後出大炮版, 如果無出新件令佢可改到擺坐地炮Pose, 我興趣都吾大
這一年來, 曾經砌模型團火燒到慶恰恰, 而家真係冷卻左好多.  自己眼高手低, 對自己要求高左又成日做吾到, 搞下搞下都凍晒.  今次連AT推出, 我都無的起心肝去製做.....

#KOG, #FSS,#FSS_JP, #IMS

同KOG合照一張!!!!

雖然是我與你說起腰後的背包非必裝部件，
也問過盒內有否沒背包的後腰部件，
但將來我砌時還是會 (不偷懶) 砌埋個背包的。



暗花影相唔出，實物效果分明嗎？



擺坐地炮Pose?
你不會是想 volks 能學 ironman 般爆地吧？
如果volks再出一款跟砲的 KOG，那我會掉了現在這盒祭典持弓樣式買過盒...
記憶中，漫畫內持砲的畫面得幾個，也不怎樣帥的。
你說的坐地炮 Pose，是多年前那款 KOG resin kit 吧？
injection kit 不自改關節是擺不出來的，也站不穩，可能連四肢都長短不一。



影張 AT 的頭頂照來參考下，
想知(那邪惡的構圖)有無分別。



下隻砌甚麼？有mood開工未？



我仍無 mood (慢) 油戰棋中；HG 重戰機(s) 還未到手...

[ 本帖最後由 ygat 於 2021-5-12 11:40 PM 編輯 ]

暗花是吾明顯的，不過都比係黃金色上明顯。金色水貼就好出。

其實有關屁股個件，吾砌另一個原因係放吾落。懶當然係主因啦。

我都未有目標....

坐地炮就係你最後兩張相個pose啦

頭頂............

水貼暗花若隱若現幾好吖！雖然覺得今次個金暗咗啲，不過當兩隻KOG放在一齊又幾好睇喎！

我覺得KOG同AT吾同色, 放埋一齊先好睇.  如果2隻都一樣色反而無咁正.