原帖由 ngszewai 於 2007-7-31 02:41 PM 發表
我絕對認同砌模型是自己的事及你鐘意就得.
我個人覺得樓主的技巧很高, 只是我不喜歡. 單純用技巧的角度去看, 的確令人嘆為覲止.正如我不懂去欣賞很多的藝術品一樣.
至於創意, 我個人認為每件藝術品背後都是有故事背境而不是"是旦", "求其"將一堆野放在一起. (絕不是指樓主的作品, 如果咁都算是旦, 求其, 無邊件作品是認真了) 係這件作品上, 我覺得樓主創造了一個很有意思的意境. 一個偵測機發現了一個舊的場地等等. 只是係呢個背境下, 即係有人起了一個重高達身, 下半身是船型的東西. 咁...又真係幾吾協調....假如樓主是用MG的Wing, 撞落在一架船/城上, 隨著時間的過去, 這架船/城落在山上, 最後被偵測機所發現...不是更好嗎?
我喜歡你上年的作品是因為整個作品不用作者解釋已經看到當中的故事. 這個迷城2, 舊高達完整的半腰(腰間是平滑的, 應不是撞落在上面)建在一個城上是令我覺得不協調的地方.也是自己先入為主的印象, 認為重高達是應該很高很大的.假如重高達是墜落在船上, 我覺得會比較協調.
最後, 這是樓主的作品. 樓主認為半高達半船是漂亮便可以了.我只是覺得這件作品的意境不及上年那件.
hmm我又唔係甘睇.... 我未睇樓主解釋之前對呢件作品第一個印象係勝利女神(Nike <- 唔係講緊波鞋牌子, 勝利女神真係叫做Nike, 而果個波鞋品牌個標誌亦同勝利女神神像有一段故) 勝利女神神像本身既造型亦係企o係一個船頭上, 係代表出征海洋既戰艦會凱旋而歸既意思. 同樣我覺得呢隻木製重高達比我感覺到一種古文明既象徵, 可能只係一種木製既神像而唔係咩郁 得既機動戰士之類... 而擱淺左船身本身同埋冰封效果又令我聯想o係阿拉勒山上傳說中既羅亞方舟殘骸... 代表左某一種沒落,但神性既建築物...
, 亦都未必係樓主本身既原意, 但呢個就係我作為觀賞者既享受過程. 我覺得有時睇藝術作品既話可以分好多種方法: 藝術品本身可以好直接甘帶出單一, 或者幾個主題(但有時主題過份刻意而觀眾唔認同既話有可能會帶黎反效果); 但另一方面如果含糊D反而可以令觀賞者有更大既想象空間 <- 呢方面比較視乎觀賞者本身既個人經歷/背景等... 亦都係令某D藝術作品知名於世原因 e.g.mona lisa(點解mono lisa會微笑, 點解背景既水平線有唔同etc), 以太邏輯性既角度反而未必可以容許自己有更多既想象空間/藝術領會... 當然以咩態度/觀點去睇好個人, 無話絕對既對與錯, 但至起碼我覺得樓主既作品本身係表達緊一種"探索"(實際上鐵球探索緊迷城/樓主本身探索唔同既表達同製作方式), 未至於話去到抽象既程度, 更加未去到畢加索果種無咩人會明既cubism etc甘極端...
當然唔可能讚到佢係完美, 但我覺得係一種玩模型上好罕有同獨特既表達方式值得認同, 技術上當然無可置疑... 好可惜我自己未能親身去睇, 不過就甘睇相我覺得有少許可惜既地方係面部/手指比較平滑, 如果可以用好粗既沙紙以單一方向磨花表面, 再用好幼既沙紙略略甘"揩"平少少, 或者可以做到仿木紋效果令感覺更加統一!