再次感謝各位支持.
回 felix 兄, 你的 mak 才是我的學習對像, 我就連手油三個數字都好似畫符咁... 真係難想像點可以寫個'佛' 字出黎...
回 raymond 兄, 這可要再講講製作呢架車既意念同背景. 雖然係天馬行空之作, 但係製作前都大約有組織一下, 避免真係變左科幻類作品.
背景是二戰末期, 德軍已是強弩之末, 無論組裝戰車所須既零件, 以及為戰車上色既油漆已經不敷應用, 所以為左繼續生產戰車, 工人會從 一 d 被廢置或維修既戰車中, 折取零件, 裝嵌到新戰車上. 另一方面, 油漆已經嚴重不足, 所以戰車只塗上最基本的防銹漆, 就要開往戰場了. 事實上, 戰爭後期的確是有這種只上了防銹層就開往前線的戰車.
回說我架虎王, 德國黃與迷彩的部份都是表達了從舊戰車中拆下來的零件, 迷彩是參照亞登戰役的塗裝, 德國黃是最基本的底漆. 這些舊零件我也刻意地把舊化做得重手 d, 掉漆分別做左德國灰, 與銹色兩層, 再加入不同灰, 黑, 啡等既混色. 心意是希望表達到一種較破廢既效果. 相反地, 防銹紅的處理我也較刻意地輕手一點, 只做了德國灰很輕手的掉漆, 再混入少量黑加點變化. 位置亦只係集中於 fender 與乘員上落車既位置. 本來想多做塵漬效果, 可惜防銹紅上做塵漬未能太掌握好, 又怕 overdone, 破壞了整個構思, 所以效果只集中於車尾較明顯. 連帶履帶也刻意用黑鐵色打底, 已非一貫自己慣用既啡色做底, 之後用重洗和少量粉彩做舊化, 一切都是適可而止.
這車除了係上色手法上有點新嘗試外, 係車上用一個對比效果加入一個故事元素, 亦都係小弟一個新嘗試. 希望大家喜歡啦.
分享
