唔好介意我插咀, 大家覺唔覺得自己既討論不停兜緊圈? 係咪時間放鬆下退一步睇下? 有必要強調自己既睇法較合理? 甘會有"討論"既餘地嘛?
其實我覺得呢一代好多人為左證明自我存在會比較刻意甘唱反調, 而呢位唔成熟既妹妹亦然, 但係問題係佢好不智地揀左o係一件好敏感既題材上甘做, 而且情況好極端,  我唔係指甘係佢做錯事既籍口, 但我覺得佢係冇考慮過後果就做, 而唔係明知固犯, 佢亦估計唔到有甘多人睇佢個blog引起甘大迴響. 情況同刻意犯罪有些分別, 所以我覺得罪不至死, 無必要咒佢.

的確有網友討論得好激進, 講晒粗口甘亦唔見得比事主成熟, 但講翻轉頭有留意既話其實有唔少網友都嘗試 諄諄善誘甘對佢解釋, 亦有D係批評得好合理, 所以唔好一竹篙打一船人, 唔係同自己唔同意見既就係非黑即白... 凡事總會有灰色地帶, 大家應該理解各人總會有價值觀上既分別. 分晒對立, 係要堅持己見既討論我會覺得比較無謂, 因為點都唔會有結果.

只在乎口舌之爭上既輸贏就會失去討論既原意, 最後大家都係輸家...

以上係本人愚見, 如有得罪請多多包涵.

[ 本帖最後由 Epsilon 於 2008-5-21 02:42 AM 編輯 ]

如果果個女仔一開始係真心認錯,我都會同意你既...不過睇番呢幾日佢初初對一眾網友既回應....我就真係同情唔落了...

對, 但不應是攻擊.


情況同個小妹妹一樣, 即係我可以理直氣壯咁攻擊呢班不理性o既人...?


嘩 !!!大家咁小個小妹妹咪好仁慈....? 佢應該多謝你先o岩...?

[ 本帖最後由 cas52612 於 2008-5-21 02:38 AM 編輯 ]

唔該你翻睇下d post先再諗下點樣回post啦............你d屋企人無教你嫁.......?

我睇到.
問心講,我第一次睇到個篇野都好火,但同時我亦知道如果我話佢係「豬狗不如」(舉例),咁其實只係人生攻擊,純發洩自己既情緒.所以縱然我都有xanga acc 我都吾會入去回佢.
我反而花左 d 時間睇左xanga入面既comments...(一個鐘前左右,最新果個xanga已經去到九百幾個comments),我就係想睇下究竟 d 人既觀點係乜??從中去尋找自己定位.
入面吾少人都係好似你咁樣講,人生攻擊不絕,但亦有部份人係純批評佢,當然有 d 係勸人放過佢之類.基本上我吾贊同人生攻擊,咁會欠缺客觀性及說服力.

吾再花太多篇幅, 就講番件事.

我吾係太關心佢將來會點,我關心既同好些網友一樣,佢呢種咁既心態,價值觀實在係好恐怖,好難想像有人會咁諗 (睇到報導,其實呢幾日有韓國網站留言區,都有好幾個網民講類似既說話),究竟係邊度出左問題??如果呢個問題係社會性,咁會好大鑊.

即近年出現「港女」(相信亦有「港男」)一詞,曾經睇到一 d 人認真研究呢類課題既文章,發現呢個大有可能係普遍既社會現象,吾係單單因為家庭或者教育出左問題,而係由「保護主義」所產出黎既副產品,新生代對尊重別人亳無概念,不分尊卑,無禮亦無風度,取而代知既係「公平、自由」被濫用.例: 男仔吾再幫女仔推門/拎野,因為某 d 男仔認為咁樣係男女平等既表現.

真係冇晒符

一點鍾開完個會, 返到黎原本打算check完PM就上床, 不過硬係比我睇到d睇唔過眼o既事.
我同意你所講o既野, 但亦睇到你對現實社會所出現o既現象而憂慮, 繼而發文討論/批評.
同樣地,我見到一班毫不理性o既人不斷咁去攻擊別人亦是不健康o既社會現象, 所以同時加入討論而已.

大至上認同mat兄講法~~~

小妹妹的話當然令人反感討厭~~
同樣地"一D"留言亦令我不寒而慄
我的反應是"個世界唔應該係咁樣"
究景我們的教育出了怎麼樣的問題~~~~~~~~~

我覺得這次事件反而可以是一件很寶貴的公民教育!!
由老師,家長與社會人事共同以今次事件作出正面教育!!!

一人一句不用負責任的留言,祇會令事情變得更糟~~~~
與真將件事變成一本三姑六婆嘅八卦周刊,不如將佢變得對大家有意而寶貴嘅一課!!!!

呢d咁小ge事都開火開到110樓
而且仲停留係
「自己ge觀點先o岩, 你ge觀點就錯」

其實呢個問題, 就同應唔應該俾機會一個犯左事ge人一樣
好多人坐完監出黎, 最常會遇到ge問題就係別人ge冷眼冷言冷語
見工, d老細心入面實會諗: 你會唔會再犯d咩影響公司呀?
就算一般人, 個心都會諗: 係政府要你坐監je, 我點知你係咪真心改過
你唔俾機會人, 人地做乜你都即插
插之前完全冇思考
人地點證明俾你睇佢係真心改過
所以好多更生人士先會再犯: 因為社會冰冷ge對待令佢地再次積聚對社會ge不滿

俾著你係犯左事, 無論係大事小事
都唔想d人個個一見到你就睇起件事掛?

我都覺得送佢上去做義工係一個幾正面ge方法
起碼佢切身感受到災區ge悲慘

唉....人言可畏, 都係唔好講咁多
close file啦, 砌好d模型好過

support x 100

算啦人地中2...如果佢係中3中4一定有更多人罵佢!冇人性!

唔留係鬧人(譴責)又可以做到咩?? 好似緬甸風災咁, 除左譴責, 我都呢d唔可能直接接觸到當事人既人可以做d咩. 當然, 教好自己d仔女, 叫佢地唔好學佢咁. 除左咁, 仲有咩可以做呢??