原帖由
ch_lycab 於 2011-2-23 08:47 PM 發表
我黎講好似比較適合,不過小弟唔係公務員
其實係架,好大部份公務員都係水平唔多掂
有A字膊、唔做野(係成日坐係度發呆個隻)、訓覺(訓到成個人向後仰)、一小時平均去一、兩次廁所等等
但係就唔知點解過到面 ...
師兄講個d應該係比較低級, 升point升到max, 又或等咬糧既老油條
其實公平d講句, 比較高級既公務員(E.O., A.O., 專門界別既師級公務員)真係有好多TOP馬---我都有幾個FIRST HONOUR 既同學做官
1) 至少, 呢班高官真係I.Q E.Q.... 嘜Q都好高
2) 而且, 由於人叻, 當然有抱負, 呢班人都好搏, D新仔A.O., E.O, 晚晚都OT到8,9點(雖然佢地有幾十日大假, 但係OT冇鐘補)
3) 文官制度下, 呢班A/E. O 都要去各部門ROTATE, 所以同香港有關既事, 由飛機到通渠, 都難唔到佢地
不能否認, 好多長官級高官既PRESENTATION 真係強差人意, 但官場文化背後既難言之隱, 又有幾人明白:
1)政府唔係私企, 冇老闆, 唔使賺錢, 所以好多部門都係 "叻人做死, 懶人/怪人/傻人悶死" 既反智現象: 請左翻黎既人唔炒得, 扮傻扮癲就無人敢俾嘢佢做, 咁咪D人俾矖D叻人, 做得嘢人做囉! 咁修橋補路要仆街, 當然個個都變矖怪獸自保囉!
2)少做少錯-做官既FIRST PIRORITY 唔係要做嘢, 係要唔好咩鑊, 曾俊華最多咪玩多1-2年, 仲咁搏?真係想選特首咩?
3)只有老闆的說話是對的-你幾有POINT, 都唔可以凌駕老闆,既有部門阿頭、各空降師長; 呢D阿頭, 通常唔係做嘢最叻(做嘢叻都送曬去屠房), 而係向老闆SHOWOFF(又稱擦鞋)最叻; 空降師長更加多係外行人管內行人! 你話跟著D咁既老闆, 佢會接受你叻過佢?所以做官耐咗, 叻人都一係變精人, 一係變傻人!
4) 英國佬走後, 政府變成冇頭女鬼, 冇咗港督話事, 政府裹面, 突然充滿隱形老闆: 既有北大人、人大政協、市長省長、仲有握手富豪、愛國商人........咁多人操縱話事, 邊有可能只滿足你班賤民?你見BOLD 呔都做到灰矖, 就知官難做啦!
所以, 形容官場, 都係鐵齒銅牙紀曉嵐既一句最"到位":
鐵打既衙門, 流水既官。無論叻人蠢人, 入到官場, 最後都係改變唔到制度, 只有被制度改變。