今日去開港島，想話去西灣河太安樓的樓上模型鋪，驚佢早收所以先打電話上去，點知打極電話都係無聲，好似cut左綫
請問有冇人知間鋪頭仲有冇存在？

我N年冇上過去 ，而且現在的舖比較細， 企多個人都難

ANWAY我記得上年(2015) 比賽佢都仲有個杯，應該唔會冇做掛？！

你都知個老細作風 , 個老細唔中意人打電話俾佢 , 可能依家進化到連電話都唔想聽 , cut 埋 !

何必勉強佢, 要買野請移玉步去lucky. ..easy..

我都知道佢做得唔多開心，以前由細鋪轉大鋪，再轉番細鋪，越轉越細
老細個面色都無以前甘好睇，以前去都仲會吹下水，而加佢野唔多我未必買到野，仲要人招呼同我吹水就費事啦！
唔打上去又驚摸門釘，而加打唔通更加咪搞囖！

佢個區要去真係特登去 , 其實以前買補品好多時去到買唔倒都係白行啦!
想電話問一句佢只會答 : "無貨" , 定貨就可能要等一年(d人講)
生意有起有落好正常 , 睇巿場亦要睇老細作風 , 無競爭者個個跟佢果套 ,
有競爭就自然有人要被淘汰啦...

模型比賽佢有擺攤位架播！？應該唔會甘快接卦？？
其實以佢呢種樓上形式生意，應該早就搞網上店啦，佢個網頁最後update係2013年了
我都試過好多次打去問有冇番某D貨，次次答案都係“無！”，有時得閑又唔信邪係都要走上去，結果都係一樣，佢無點我既，不過自己身痕要去睇下
而加網店有冇貨都show嗮出黎，唔洗問，佢的經營模式咁舊，要D客戰戰兢兢甘同佢溝通，都好難做咯！
我幾年前有D野比佢寄賣，後來佢搬到而加個地方，我問佢，佢話：“搬到甘亂都唔知擺邊度咯！”，
甘即係跌左唔定、爛左唔定.......總之無得計，我就當跌左，費事再問佢，當係送比佢

早幾年朋友話見佢平日做生意都係可做可唔做  , 你照佢玩法or 過主  ,
奇怪地見佢0係某模型show笑晒口派傳單 ....

有次上佢舖聽佢講電話 : "無" , 講完電話佢同老婆講 : "又打黎問有無貨 ! 仲係熟客tim.! "
佢老婆講 : "又係d齋睇唔買野嘅熟客..?!. "

其實模型佬 , 唔好成日諗住人地開間舖就可以純上去吹下水傾計 ,
我見好多友仔(唔係指呢間舗)根本真係當自己同好/朋友枕住晚晚去吹下但又唔買野...根本好多老細係唔中意咁 ,
試過開口都有 , 我係平日有買野果d人 , 但就池魚之災 .

佢應該有做TB的喎， 你在GOOGLE大神search下keyword "shop58813237"便了解

其實作爲本地模型友，我次次上呢類模型鋪， 都盡量搵都搵D野黎買，唔買野好似白走一趟，
亦唔太好意思同老闆吹水，不過有時講開，佢自己太興高采烈停唔到口，我係點到即止。
其實聼說佢以前有份正職，平時係搵老婆看鋪，星期六日至自己黎，
後來就轉全職，至次次見到都係佢看鋪
以前淨係阿太看的時候，佢態度都係好一般，當時有D唔太大路野，淨係佢有，就費事計較呢D啦
而加感覺有D上岸心態，可做可不做
有時唔係想齋睇唔買，而係真係買唔到野，是但求其買D野無用番去又係嘥！唔買又比人眼超超！
所以呢幾年都少左逛模型鋪了

早兩個月上過去，一切正常。
自從搬左去太安樓，就去少左，個地點認真麻麻
不過希望佢唔好摺，佢啲蝦片補品都算多。

我對上果次去都係幾個月前......而加唔知咯！
估計係電話綫有問題姐，佢咁多值錢貨，淨係賣庫存都起碼幾十萬，唔會放棄卦！？

如果你真係好掛住      咁你直接上去囉 , 去埋胎鬆同日通當遠足 , 感覺上唔係净去睇佢 , 咁個心會好過d

庫存呢家野...d舗係唔做就唔做架啦 ,hobbyland , tristar都係咁 ...

今年有 D失望，會場只有補品，無飛機  

toyzone？日通？系咪康山地鐵站上面？

Tristar瓜之前已經偶左好耐，越搞越細，都知道佢唔挨得耐！有跡象架！

[ 本帖最後由 timng 於 2016-1-7 05:09 PM 編輯 ]

其實紅發哥個阿太都係一樣嫁炸！

以前有去同有買野，但近年冇再用牛魔王PE之後就冇再上去了

佢有響掏宝上賣野,但Ｄ野就貴到飛起，品種又唔多,其它商店都有齊佢有嘅野,又平過佢
香港果班人又唔愿做,国內果班應該好小會響佢樹買野.其實佢Ｄ服務態度要改善吓,否則
好易等屎.