(我想學玩噴油)我屋企有其他成員同小朋友,我好擔心模型油既成份,會影響健康...
我上網搵過資料,
見報導話有隻完全無毒模型油唔知真係完全無毒?連口罩都唔洗?抽氣都唔洗?
http://hk.apple.nextmedia.com/re ... t/20140826/52832561

同埋我只可以係房入面嘖,但我同房有其他人訓,
其實我噴完係同一間房訓會唔會對身體有問題?
我想知係咪存在完全無毒模型噴油??不論水性/油性

就算冇毒性, 油漆微粒吸左入肺都唔唔係幾好

其實噴個時我都諗住帶個口罩~
但因為係房噴~驚屋企人睡會對佢地健康有影響.....(最擔心呢樣)
如果我當日吸當晚訓會有影響嗎??

AV

http://www.acrylicosvallejo.com/ ... del-color/blog/1/36

我見好多人都係用依隻  一般邊到有得買? 係用咩開?

一有小朋友. 你做幾多野都係浪費時間/金錢.
唔係因為實際上保護唔到, 而係心理上你永遠不會安心.

好多野都係誇大既, 唔係長期吸入, 唔會有事. 反而如果小時候完全冇接觸, 仲易會有敏感症.

簡簡單單租workshop 算啦. 唔係過到自己都過唔到老婆.

諗諗後樓睇或廁所吧 ,睡房噴油真係唔主張，啲微粒4圍都係，盞俾位隻乸入你

其實個小朋友係我屋企人既~小弟未結婚既

我氣泵都買左先唔知係邊噴~之前即興買

次所都有諗個~但如果d毒留左係牙刷毛巾我都係唔放心~

睇黎部機要放係度一段時間啦

個仔唔係你自己既就更加唔好係屋企入面搞了.

"d毒留左係牙刷毛巾我都係唔放心"

原來我地一直噴緊輻射塵

可能你地覺我真係太過擔心~
但我真係將屋企人健康放係第一位~

因為玩高達噴油,細細個見人玩自己已經好想玩
先會諗都無諗就買部機~
但依家咁閎情況為有放棄啦~

希望日後有機會先羅出黎玩~

依家啲靚仔越來越金菠蘿 我細個時 屋企係工場 鏹水無冚蓋 王水 電油火水閒閒地一大筒

有啲 世叔伯 自己玩冲晒 好似雪櫃有山埃添

去租個位噴下都好既.又可以同人分享,又有野學,又識到朋友,咪當上下興趣班
最緊要唔會成屋膠粒,磨野又有粉,噴完油又有粉.

pros: 用水開就得, 過左好多外國健康安全認証，手油無敵

cons: 冇油性油上得咁實, METALLIC色唔多掂

如果真係諗唔掂就玩住手髹先囉，而家咁多適合手髹嘅水性油選擇算好幸福了，以前嚟嚟去去都只係琺瑯油同硝基油，明知又臭又有毒都要死頂

砌模型慘過吸毒

http://hk.apple.nextmedia.com/su ... t/20140827/18841190

E間有去睇過，成個櫃都係AV油

油始終係化學品, 如果完全無害即係可以飲落肚啦~ 但你會唔會飲先?
不過又唔係長期咁聞, 應該無大問題. 講真出街馬路d空氣仲污濁啦.

我覺得用口罩加抽氣箱就已經可以大大減少了"害處", 而且清潔上比較方便. 如果家中有其他人, 特別係個小朋友係你兄弟姊妹而唔係自己o既, 比我就盡量在廁所噴好了. 不過經驗之談係無論點整都好, 唔多唔少都會有d油味散發. 聞到心理上點都有d不安o既.

我自己當年就係因為家人反對噴油而決心儲錢買樓搬出去自住, 最後到依家結埋婚有自己的"主場" 反而就唔想在自己家內噴油 (主要是怕麻煩, 清潔又要自己攪等等)

呢個問題係砌模型的人日日都霖點樣解決的難題，我早幾日襯天氣好打開窗噴下灰，點知因爲天氣凍，油性油都乾得慢D，陣味打開窗都好耐唔散，搵自己笨！ 過去甘多年天氣凍係唔會噴油，今次第一次。我終於明白點解甘多師兄話去後樓梯噴。

其實係可以噴灰同top coat保護層就去後樓梯，中間的可以用水性，安全又唔臭。