1）如何近距離噴件？（5CM或以下距離）
例如上一啲細件嘅高光位，次次近噴都變咗一灘水
請問風量油量要點調？開油比例都係跟平時咁開？


2）追過舊POST好多前輩都話開油係1︰3至4
但我自己試就一定係過稀，噴到變水，又係咩問題？我係風量大油量小咁噴，離件10CM左右
（我知開油量個人而定，但都想知點解）

3）噴金屬油係咪一定要大風量大油量？
噴GAIA 123時用0.5筆大風量細油量完全唔出油，會唔會係因為開得唔夠稀？（我開1︰2左右）
最後要大風大油先噴得出，但啲油周圍風，搞到啲地方污糟哂…
請問正確噴金屬油（郡氏又好GAIA又好）開油量、風量同油量係幾多？

想知點解???

你用common sense 啦. 你開把風筒吹頭, 放近d 係唔係熱d 風勁d 呀...
噴油係要噴到件面時d油都仲有少少濕, 都仲會痴係件到唔會走.
一野大力打埋去, 硬係散開哂.

仲有, 唔係調氣量, 只係調氣壓. 要谷到d 油係噴咀噴出來, 氣量係唔可以少左既.


只有3條rule, 噴得越近就要越細氣: 噴得越細氣d油就要越稀: 噴咀越細d油就要越稀.

[ 本帖最後由 VampireA 於 2014-12-28 03:47 PM 編輯 ]

仲有. 最重要既.

用噴筆 唔係噴罐, 唔會噴一次就算, 係一層一層咁疊上去, 積上去.
要一噴就上色搞掂既, 去用噴罐, 唔好用噴筆了.