拍賣價低比賣家反口呢樣野成日都發生！但呢個世界應該認賭服輸，賣家又無SET底價或者搵人托價(這是不公開的事實)；比人BID到無得好講！
但D人成日之後取消這次交易又有，無回覆又有(當然我一定向拍賣商投訴)。但最賤格是三催四請先約到佢出來交收，之後又話有件唔見等你唔要都有先賤！
事緣個幾月前在鴉烏BID了太空飛龍金剛空芯膠原件，留電話收交時間地方都就佢，但多次唔覆！直到要話投訴佢先覆我。當出來交收時又話金剛缺了開機械面的頭部(金剛有三個不同頭部)；我一聽到後知佢玩野，我問清楚只是欠這件後我照要，果條友面色一變；一路狂鬧一路逃跑。只可惜我同佢有一閘之隔無得追！
其實D人因拍賣價低比賣家反口都唔好浪費人地時間！

負評不買

新人有3分, 無負評！

可能少拍賣, 而且好多時寧願選擇有直接購買價的多過等夠鐘完bid, 所以未試過.

出到來交收先話缺件呢樣就最衰,
唔理佢有心定無意.
放得上去賣前就應該自己check下先.
多數真係賣左先知缺件既,
好多交收前就問你要唔要,
大家agree左先出來交收.

另外, "一路狂鬧一路逃跑"
即係點解佢會咁?

我上個月先試佐單....
bid佐個手機套, 賣家冇set底價, 我自己set最高120蚊, 但係因為冇人bid, 最後2蚊就贏佐
之後佢whatsapp約我交收, 我同佢講話2蚊交收價對佢有d唔fair, 話如果佢唔想o既, 可以取消交收, 當交換好評算數
點知佢仲話我冇睇清楚就亂bid (拍賣主頁冇提底價之類o既條件), 話我玩野, 送個負評俾我......
最後結果又係要搵返y!投訴賣家先cancel返個負評...
http://hk.f1.page.auctions.yahoo.com/hk/auction/1138154741

真係乜人都有

因為估唔到我竟然咁都行要，唔知點反應好，於是好似癲佬一樣，一路狂鬧我：[你都神！咁平賣比你，想滄你個心！(夾雜粗口)] 一路逃之夭夭！呢個世界真係乜人都有
真想同佢講：啊生！隻野都係賣4500－4800YEN，欠件野三舊水都唔算太低!

[ 本帖最後由 oliwa 於 2014-8-11 07:57 PM 編輯 ]

咁其實佢有無帶盒嘢出嚟？反正佢都諗住唔買比你，點解要出到嚟先話缺件？唔電話或Whatsapp講？驚負評？依D人真係無聊

應該要負評, 基於買賣相方, 都是建基於絕對公平原則下運作

正如你話斉, 佢set得起標價, 完BID的價多少, 都要接受

在Y拍我見過有些人起標價是1蚊, 但在post內寫住如果有人唸住用1蚊BID, 佢唔會接受, 我個人認為這個已跟拍賣原則有抵觸, 佢用1蚊起標, 原因係有些買家會用價格做sorting, 有些拍賣品的category動輒有過萬個item在拍賣中, 賣方用此方法, 是想(目標)買家容易搜尋(發現)到佢在放售的東西, 但賣方道義上非常有問題~

有帶! 啲人做戲做全套  但佢世都估唔到我缺件都要，所以打亂佢思維! 如果唔係佢點會發癲!

呢D人我都見唔少呀,一是就唔知行情以為自己件野好馨香大把人爭,1蚊底價冇事既,
再唔咪就是現在D人連小三程度的中文都冇,唔知咩是底價咩是拍賣.
只是識輸打贏要.

唔好話香港人係咁衰，連日本人都試過反口。我係日本bid啲絕版模型或手辦都試過價太低啲日本仔反口（或可能係香港人在日本放貨）；不過就真係好少，bid過百幾二百次先試過三次咁大把，不過大多數日本仔都有信用! 最近試過五千幾yen手辧用三百幾yen就bid到，平過係日本買兩罐可樂! 呢家係代bid人手中等其他野嚟齊先一次過寄嚟!

輸打贏要都好，但約人出嚟先放飛機或搵借口唔見件浪費埋人家時間同車錢先置可恥!