剛才同個女行過便利佳，個女要扭蛋，是女仔產品手飾扭蛋。

同店員換了硬幣，個女入錢後扭唔到無蛋出，於是我低身再試再檢查，看入機內原來已無蛋在內，於事問店員，店員隨手拿了個膠袋出來，內有不知名的蛋話給你一個蛋代替。

我話這是女孩產品，你給我一個不知名或高達扭蛋對我個女來說是無用的，無蛋就退錢給我得唔得。店員話機不是佢公司的，不負責的，我說無蛋為何不貼紙叫人不要入錢，佢話剛剛才無，佢都唔知，最吋是說你入錢前為何不檢查有無蛋才入錢。

最後只肯幫我寫下電話，話要等間扭蛋公司來換蛋時佢會通知扭蛋公司員工找我處理。

留了個電話，無單無據，便利佳員工又是不是記得跟進都唔知，真係唔知點追，雖然是少少錢。

下次扭蛋要小心無蛋，壞機，食錢，店不負責真係吹佢唔脹。

[ 本帖最後由 ichijo 於 2014-2-6 04:28 PM 編輯 ]

我之前系7仔扭中部壞機
佢比左張紙仔我寫之後退番5蚊比我WOR

最近都發覺有d舖寫明唔負責 , 扭蛋機係屬於利佳.... , 唔知係利佳同商舖個協定有変定點 ,
過去商舖即時代退錢又有 , 係大餅上mark個記号再扭一次又有....

為保障自己 , 無乜蛋嘅時候就唔好入錢，睇場吋你亦係有道理...

佢地机身個投訴電話係無x用嘅 , 如果你想追返呢d $ , 可以上利佳 website send email , 佢地會覆你 , 又或者打电話去佢office 問, 可以話佢地公司無一定處理程序 , 唔同人嘅處理方法唔同 .
欠件為例 :可以emai 張相就攪掂 , 亦可以要你寄返件俾佢再等佢收倒件有心情先再check有無件再send去門市再覆你去攞...

如果見只係少少錢 , 咁就咁算數lor....7 仔眞唔係成日check住人地利佳部机

兩個五蚊我都預當跌咗，只係提醒人以後扭蛋要小心睇清楚部機先好扭，真係無得追，仲要被人吋自己唔檢查部機有無蛋，正唔正常運作先好扭就真係無癮．

如果講欠件次品，之前都試過唔少．

下次個女要扭蛋，我會說部機係壞的，記唔記得上次被食錢呢．．．．．

引申一眾自動售賣機，情況都係除非必要，不用為妙．

之前試過在7仔扭蛋不過佢唔跌出黎, 佢叫我寫低電話比佢做record就馬上比返$10我, 其餘咩都無問喎.

今次是便利佳，相信是同百佳同一集團．

其他地方我都未試過無得退錢或有其他問題的．

點都好，當跌了算．

[ 本帖最後由 ichijo 於 2014-2-7 10:10 AM 編輯 ]