各位C兄,

  小弟有件首辦制矽膠模, 大約用3/4 L 矽膠, 但48hrs 都唔乾, 開始以為吹干落得唔夠但係第二次都係咁, 好灰白費一番心血

咁你既問題係乜?

我睇唔到你有"發問"問題喎.

矽膠會唔會過期? 唔係冇理由唔乾~

你既問題係: "矽膠會唔會過期?"

答: 會. 生產會話一年, 但實際唔打開過個罐既, 要過好耐好耐好耐好耐好耐至會過期.

我買咗應該有1年幾~ Thanks anyway~

我自己曾有罐開左蓋既放左三年都仲用到. 唔係真係咁易過期既. cast 就會易過期.

你是否落“吹”乾劑份量不對或未攪好？
我估你是份量太小，1kg矽膠大約落10-14g。
如矽膠過期會变硬，流動性轉弱。

如果下次都唔乾，便直接在矽胶面掃上“吹”乾劑，
但矽膠會變脆。

我件嘢宜家乾到一半就唔乾, 我真係頭都大埋!

多謝先會試試~

估計落催乾劑份量不對, 你用催乾劑洗返原件先啦 個膠廢了

會唔會用錯催乾劑 o 唔同型號矽膠要用翻對應嘅催乾 o

矽膠:催乾水 份量系重量比 wor
100 : 2. 系咪計錯左容量?
少左會唔硬, 多左會乾得快左同脆左, 落到 100:3 穩陣 d, 會硬好唔唔會硬.

1）矽膠係要靠催化劑溝得好均勻至變硬的，並不是靠風筒的。
2）矽膠放幾年唔打開蓋都仲可以用，年幾濕濕碎啦！
3）加催化劑仲要“搞得好均勻”，我一般要刮埋底，搞成幾分鐘至得。跟住等過夜第二朝就硬啦！
4）風筒或者噴筆係搞到D氣泡快D升上去，其實唔用D氣泡都自己升，最重要個手板表面無起泡，所以有D教學資料教人最初果陣矽膠要用毛筆搽上個手板上面。