小弟先噴完湖水綠部份，再貼遮蓋貼，然後噴紅色，最後撕走遮蓋貼，便發現有甩油，(紅色圈的部份)
但係只出現在其中一件部件上，請各師兄指教當中是什麼原因所致，有什麼秘訣可避免？
順道請教各師兄為什麼噴完的面咁多粒粒？是否thinner太小？

上色前, 你沒有上底灰嗎?

沒有呀師兄，是否一定要？

最好噴埋 因為底灰係增加顏色既附著力 避免好似樓主咁既情況

個人經驗不一定要上灰,反而覺得經過打磨的表面更能確實地增加油的黏著力

另外做成甩油個人試過原因有:
油未完全乾就上膠紙, 油太厚, 曾在油上動刀, 表面殘留有離模劑(gunpla不常見),運氣不好(主因)

至於那些粒粒,在照片上很難定奪...感覺上像塵或是太厚油造成

小弟唔明噴灰作用是否只為增加顏色既附著力，模型之間的空隙是否會填埋？
小弟之前用噴罐(今次噴筆)都冇噴灰，但沒有問題

仲有機會係你隻手指有面油
摸落模型後上色-->遮蓋-->撕膠紙時就有機會甩油

睇圖,樓主都噴得幾厚下
可能係原因之一
可以噴薄D噴幾層會好D
同埋表面打磨,噴灰都可以令油咬得實D

即是噴厚咗？
但噴得薄遮唔到底的藍色（原色），噴幾層薄會唔會出現同一問題？
謝謝各師兄回答

我就唔覺係太厚油了. 係甩油既斷面睇唔係厚油. 而見到噴到有一粒粒塵, 反而我覺得係件面唔乾淨有油脂. 可能係樓主自己手指d油脂. 尤其係masking 先冇洗乾淨對手. 再加上冇噴到灰, 又冇磨花過件, d油遇到有油脂就自然咬唔實.

磨花件點解？
不是平滑才好的嗎？
師兄請指點。謝謝。

磨花件我通常上底灰先會, 直接上色就未試過了,
如果噴淺色, 可用白畢地作底灰.
我試過甩漆係因為上完色就心急痴膠紙, 而油未乾得實.

"不是平滑才好的嗎??" 唔"完全"係. 係唔可以太過滑既.  
800或以上水磨, 唔係要噴鏡面既, 噴完油係唔會睇到花既.
而且, 磨既, 亦唔會磨過1200. 實際上磨完800 噴層1000水畢地就好夠, 要噴到鏡面既先會噴再幼d既水畢地.
而且會係噴左水畢地之後先會再磨幼d.
油噴係膠件面同噴係水畢地面係完全兩回事了. 噴係油漆同水畢地既面再滑d去到鏡面都可以.

謝謝各師兄！但Vamipre 師兄的太深，小弟不知水畢地是什麼？
是水性油嗎？可否稍作介紹？

想問啲油要乾，一日是否足夠？

羅命, 你下面個post 未講緊水畢地 lor.

http://www.hkml.net/Discuz/viewt ... &extra=page%3D1

唔好意思，顧住睇自己的問題。
沒有留意，thx.